Hosea 14

1Israel, lebe Na'ayenɛ ho Yenɛ la zen'an na. Ho tuure la n sɔe te ho ŋmɛ'ɛra na'ma wa. 2Maahom yetɔgom, lebe Na'ayenɛ zen'an na, yele en yeti, duuhe n ganleŋɔ wa zan'an bahɛ. To'e sɛla n ane soŋa, ge te to mɛ bo ho to koonhe kaanbegɔ wa. 3Asiria teŋa kan ta'an fan' to bahɛ. To kan dekɛ to mɛŋa delom yiri. To kan le yele to mɛŋa nu'o n yagom sɛla wa yeti, Tomam yena. Hon nu'uhen te keebehe nyɛta ninbɔn'zɔrɛ. 4N wan tebɛ ba be'em wa, ge nɔŋɛ ba la n zo'ohogɔ. Se'ere n sɔe la, mam suunre la ma'ɛn ya. 5N wan dɛna mɛgelom bo Israeldoma, te a tanhera wo mɔpuuro n boe bon'en la. A wan nyɛ' nyɛga. 6A vɔntɔ wan puhe na, te a som wo kaam tia la, te a nyuŋo ana wo Lebanon teŋa tiihe nyuŋo la. 7Ba wan le malom tiihom mam poan. Ba wan le malom ma'ɛn wo va'am poan la. Ba wan buura wo tia la. A nyuŋo wo Lebanon teŋa daam la. 8Epraim, bagarɛ dela bem bo mam? Mam n ne kelehe ho, ge lerege ho. Mam sobege mɛ wo timan'aherɛ vɔntɔ la. Ho wɔla ze'ete la mam poan na. 9Sɛba n de yamdoma n bɔkere yele ana wa. Sɛba n tare baŋerɛ, baŋɛ a mɛ. Se'ere n sɔe la, Na'ayenɛ sore dela yelemɛŋɛrɛ. Hom se'em n de seradaana n dole a, ge hom se'em n ganlone, ŋmɛ'ɛre la na'ma a poan.

will be added

X\