Hosea 12

1Epraim dole la sabeeo. A digere la dapɔya sabeeo la saŋa woo. Ba zo'e la ponpɔrɔŋɔ, la gbirigere. Ba biŋe la sunma'ahom la Asiria, ge ziire ba kaam kena la Mizraim teŋa. 2Na'ayenɛ tare la yele la Yuda teŋa, ge me wan namehɛ Yakob yire, a be'em la zuo. A wan yɔ en wo lan nare se'em. 3A daa boe la a ma pooren, ge daa bɔta te a fan' a keema. N ta zo'e na, a mɛ mɛ la Yenɛ. 4A daa mɛ mɛ la Yenɛ soŋora nyaŋɛ, kele la nintam te a zɔ a ninbɔn'ɔn. A nyɛ en Betel tɔgɛ la en. 5Na'ayenɛ n de Pɛɛntɛɛnreba Yenɛ. A yu'urɛ dela Na'ayenɛ. 6Lebe ho Yenɛ la zen'an na. Gin' nɔŋerɛ la narehom, ge gura ho Yenɛ la saŋa woo. 7Leebedoma nɔŋɛ la piŋa. Ba tare la lɔgɔseto n ka tare zuo magara. 8Epraim ŋmɛ'ɛre a nyɔn'ɔn yeti, N tare mɛ, n tare lɔgɔrɔ! Tuure me ka boe n tarega mea poan dɛna n tom la be'em. 9Mam de Na'ayenɛ ya Yenɛ. Tare ya ze'ele Mizraim teŋa poan yehe na la. N wan le bahɛ te ya le tin' sogora kɛn'ɛra wo Sogora Tin'an De'eŋɔ saŋa te ya yuun ne tin' se'em la. 10Mam n tɔgɛ bo nɔtɔgɔheba la yelehom la, ge lilige yɛla zo'e bo ba la. N daa kelom le doohe la bama mea poan tɔgɛ, te sagaŋɔ wan wa'ana. 11Be'em boe Gilead teŋai? Ba dela nɛreyaalehe. Ba kaanbere lɔlehe Gilgal teŋa poan? Ba bimbina la wan lebege ana wo taŋkɔnrehe n lagahɛ biŋe samanɛ zuo la. 12Yakob zɔ keŋɛ la Aram teŋa. Israel ta tona la pɔka zuo. A daa dole la piihe te a solɛ ka. 13Na'ayenɛ tom la a nɔtɔgɔha, te a tare Israel ze'ele Mizraim teŋa poan yehe na, ge kelom dekɛ a nɔtɔgɔha mea te a gu'ura Israel. 14Epraim tom la toonbe'o seko n gaŋɛ. Bala, a Daana la wan bahɛ te namehegɔ sige a zuo. A wan yɔ en a toorɛ la te a to la.

will be added

X\