Ebre 2

1Bala la to malom gorɛ yelemɛŋɛrɛ yɛla la kaŋkaŋɛ te ton daa wom la, la to da yehe de poan. 2Ge yetɔgom la te Yenɛ soŋoreba daa tɔgɛ bo to sɔyaabdoma la daa seren dela yelemɛŋɛrɛ. Bala, nɛra se'em n ka dole de, bii a ka nam de me, pon nyɛ' namehe seko n nare te a nyɛ'. 3Te la nya han de'a bala, to wan eŋɛ la wane ta'an ta le'ehɛ, to han ka yu'ɛ toberɛ kelehe yelese'ere n de ninmɔ'ɔrɛ yɛhera faanrɛ yele wa? Ge to Daana daa pon mɔɔlɛ mɛ yɛhera faanrɛ yele wa te sɛba n wom la daa pa'alɛ tɔ soŋa soŋa te la dela yelemɛŋɛrɛ. 4Na'ayenɛ me pa'ahɛ ba zuo pa'alɛ soŋa soŋa te de dela yelemɛŋɛrɛ. A pa'alɛ dena wa yɛhera la n daa eŋɛ yelekerehe la yelenyalema tooma yema yema la. A me daa bo sɛba n nam en la tooma yema yema yɛhera a Sea la poan. A daa eŋɛ dena wa yɛhera la a mɛŋa potɛn'ɛrɛ n bote se'em. 5Na'ayenɛ n daa dekɛ teŋsɛka n yeti ka bɔna bo nɛra se'em te a sɔna behera la, a daa ka loe a soŋoreba bo ba. 6Ge zen'an kayema tɔgɔra yele dena wa yele. La yeti, Asaala dela bene te ho tɛn'ɛha a yele? Nɛresaala dela bem te a yele pakɛ hom? 7Ho naam en te ho a taga la ho soŋoreba la poorɛ, te ho dekɛ ho soŋa, la na'ahegɔ muŋa vuge en. 8Ho dekɛ sɛla woo eŋɛ la a nu'uhen. La yeti Na'ayenɛ dekɛ sɛla woo eŋɛ la a nu'uhen, ge sɛla ka boe te asaala ka sɔna behera. Nananawa, to ka nyɛ' te sɛla woo bo la a nu'uhen, 9ge tomam nyɛte Yesu se'em te Na'ayenɛ daa bahɛ en te a taga la soŋoreba la poorɛ. Ge nananawa to nyɛ' te dekɛ a soŋa la na'ahegɔ muŋa vuge en, doohe la n ki la zuo. Yenɛ zo'ohegɔ la zuo, Yesu ki bo to waabe. 10La dela ma'an te Na'ayenɛ se'em n naane ge behera sɛla woo n boe la, bahɛ te Yesu namehegɔ poan te a nara te a seren dɛna dayɔɔhe zo'e zo'e faanrɛ te ba lagom nyɛ' pɛngɛsɛka taaba te a nyɛta la. 11La dela Yesu n duuhere nɛreba be'em bɔ'ɔra ba te ba dɛna toolom nɛreba. Bala, te enŋa la sɛba n de toolom nɛreba la lagom tara Sɔ' ayena. Bala n sɔe, te Yesu wan ta ze'ele Na'ayenɛ nɛŋa yi' ba a sɔɔnrɔ. 12A yeti, Mam wan tɔgɛ ho yu'urɛ wa bo n mɛŋa sɔɔnrɔ, la n yizuodoma mam wan ze'ele nɛreba lagaŋɔ teŋasoka pɛngɛ ho. 13A daa le yeti, Mam wan delom en. Le yɛ'ɛha me, a yeti, Behɛ, mam n wana la kɔmsɛba te Na'ayenɛ bo mam. 14Bala, kɔma la te a yi'ira ba yeti a kɔma la dela nɛresaaleba n dɔgɛ ba. Bala, la me dela boyena te Yesu mɛŋa ana wo bama n an se'em la. A daa ane bala, te a han ki', a wan ta'an sagom sagona se'em n tare sɛla n bahere te nɛreba kiira paŋa la. 15Te a fan' nɛresɛba n daa wɔne te ba dela yamehe ban dɔgɛ ba daarɛ na la bahɛ. Se'ere n sɔe la, ba daa tare la dabeem la sɛla n wan ta eŋɛ ba han ki'. 16Dena wa pa'alɛ te la dagɛ Yenɛ soŋoreba te a soŋɛ. Ge la ton de'a la Abraham yaahe te a soŋɛ. 17Bala, la daa sontii a sɔɔnrɔ la n an se'em woo la, enŋa mea me ana bala. Bala te a wan ta'an dɛna ba malema nɛŋadaana n de birikina la ninbɔn'zɔta tona bɔ'ɔra Na'ayenɛ duuhe nɛreba be'em bo ba la. 18Le yɛ'ɛha, Yesu wan ta'an soŋɛ sɛba n nyɛte makerɛ. Se'ere n sɔe la enŋa mɛŋa me daa nyɛ' makerɛ la namehegɔ.

will be added

X\