Ebre 10

1Pa'alegɔ la yɛla ana wo yilinyiliŋɔ yɛlasoma la n wan wa'an pooren na la. Se'ere n sɔe dunhe koa mea n bala te ba koora yuunɛ yuunɛ wuuha kan bahɛ te nɛresɛba n kene Na'ayenɛ zen'en na la duhuru nɛreba be'em. 2Ge dunhe koa la han seren duhuru ne nɛresɛba la be'em, ba me kan le koora ko'sɛka woo te ba koora la. Se'ere n sɔe la ka le boe ne ba potɛn'ɛra poan tɛɛnha ba te ba tom be'em. 3Ge dene de se'ere dela dunhe koa la tɛɛnhe nɛreba la mɛ ba yelebe'ero yuunɛ yuunɛ. 4Se'ere n sɔe la, lɔlehe la boohe ziim kan ta'an bahɛ nɛra be'em bo en. 5Dene mea zuo, te Krista n daa ta yeti a wa'an teŋa wa zuo na la, a daa yeti, Hom ka bote kaanbegɔ la bo'olom, ge ho maahom la iŋa bo mam. 6Ho ka tare popeelom la nyɔ'an bo'olom la be'em bo'olom. 7Te mam yeti, Mam n wana. Ba golehɛ mam yele eŋɛ gɔŋɔ la poan mɛ. Mam Yenɛ wa, mam wa'ana te n tom ho sunboolom la. 8Behɛ ya, Krista daa yele, ho ka bote ge me ka tara popeelom la kaanbegɔ la bo'olom bii nyɔ'an bo'olom la be'em bo'olom. Ge pa'alegɔ la kelom yele dena wa mɛ. 9Te a nya daa yele te, mam n wana, mam wan tom ho sunboolom la. Bala, Na'ayenɛ ka le ɛɛra yuuma yuuma dunhe koa la te ba yuun da koora la ge nya dekɛ la Krista n bo a mɛŋa te n ki' la te la sɔe dunhe koa. 10Yesu Krista daa eŋɛ Na'ayenɛ sunboolom la, dekɛ a mɛŋa iŋa bo boyena zan'an, bahɛ te to de Na'ayenɛ toolom nɛreba. 11Yudoma malema daandoma woo la tone ba tooma la daarɛ woo ge koora ko'kaŋa mea ge ka gɔ'ɔra. Ge ko'kana kan ta'an bahɛ nɛra be'em bo en. 12Ge han dɛna Krista, a daa dekɛ la a mɛŋa bo boyena te ba ko' en nɛreba yelebe'ero zuo saŋa wuuha te nya daa zin'ire la Na'ayenɛ zuɔ nu'o. 13A zin' la bilam mea gura Na'ayenɛ ta nyaŋɛ a diŋdoma bo en. 14Ko'yeŋɔ mea ma'an poan te sɛba te a bahɛ ba dɛna Na'ayenɛ toolom nɛreba kɔ'ɔn dɛna la yelemɛŋɛrɛdoma wuuha. 15Na'ayenɛ Sea la me tɔgɛ po'e tomam yele dena wa mɛ. Yia, Sea la daa yeti, 16Nɔbiŋse'ere taaba te n wan biŋe la n nɛreba Israeldoma n wana; N wan golehɛ n pa'alegɔ la eŋɛ la ba sunya, la ba potɛn'ɛra poan. Ge kan le tɛnra ba be'em la la boyenɛ me. 17A me daa le kelom yeti, N kan le tɛnra ba be'em la la boyena me. 18Bala, Na'ayenɛ han diŋɛ bahɛ ba be'em wa bo nɛreba, ba ka le sona te ba ko' dunhe ba be'em zuo. 19Dene poan, n sɔɔnrɔ wa, Yesu n ki' la zuo, sore boe bo to te to kɛn' toolom zen'an la poan. 20Ge Yesu nya yu'ɛ sore paalega bo to bo'ore nɛreba vom n ka tare ba'ahegɔ la. A doohe la tanse'ere te ba dekɛ yule bɔ'ɔ nɔɔrɛ la. Dena wa vɔnrɛ dela a dekɛ la a mɛŋa vom tihɛ ta'an yɔ'ɛ sore kana wa bo to. 21Ton tare malemadaana n gane zan'an sɔna Na'ayenɛ yire la behera, 22bahɛ te to lɛm Na'ayenɛ la to suunre zan'an zan'an ge ton nam en la zuo, to mi' soŋa soŋa te a wan to'e to. Se'ere n sɔe a mi'ihe to sunya bahɛ te sɛla ka bɔna ba poan tɛn'ɛha be'em tɛn'ɛhegɔ ge pee to iinhe la ko'somɔ. 23Dene poan, bahɛ ya te to sɛ' ze'ele kaŋkaŋɛ yɛhera sɛla te to sakɛ to sunya poan gura. Se'ere n sɔe la, Na'ayenɛ dela se'em te ho wan ta'an delom te a wan seren eŋɛ sɛla te a biŋe a nɔɔrɛ te a eŋɛ la. 24Bahɛ ya te to tɛnra taaba yele, ete dena wa la to soŋora taaba, tara nɔŋerɛ ge me eta sɛla n an soŋa. 25Da bahɛ te to tare ya eteseko te nɛreba basɛba tara ka bɔta ba lagom na la taaba la, ge ton bahɛ ya te to soŋora taaba maan pa'aha te ya nyɛ' te dabahese'ere te to Daana Yesu lɛbera na la pɔnre. 26Ton diŋɛ wom yelemɛŋɛrɛ wo to han mina ge kelom tona be'em, kaanbegɔ seko ka boe n wan bahɛ to yelebe'ero la bo to. 27Ge sɛla gee bo to dela to palehe ɛngera la Na'ayenɛ gankerɛ, la bugum sebo n yeti la sagom nɛresɛba n zaberɛ la en la. 28Ge se'em n ka nane Moses pa'alegɔ te ba gankɛ nyɛ' en te a tara tuure ge te nɛreba bayi' bii batan' lagom yeti la dela bala, ba wan ko' en ge kan zɔ' en ninbɔn'ɔn. 29Dena wa han de'a bala, ya tɛn'ɛhe te bene namehegɔ taaba te nɛra se'em n kɛɛte Na'ayenɛ Dayɔa la nara ta a nyɛ'? A daana behere te Yesu ziim la n de Na'ayenɛ pɔtɛ bahɛ en te a dɛna Na'ayenɛ toolom nɛra la yoo. A toore Na'ayenɛ Sea la n ete tɔ som la mɛ. 30Ge tomam mi' Na'ayenɛ se'em n yele te, Mam dela lɛta, n wan lerege. A mɛ le yeti, Na'ayenɛ wan gankɛ a nɛreba. 31La dela yele n tare dabeem te ho tue Na'ayenɛ se'em n vɔe wa. 32Tɛnra ya lan da ane se'em bo ya yia saŋa la. Dabeha aŋa poan ya daa nyɛ' Na'ayenɛ nɛɛhom la ge le nyɛ' namehegɔ ge ya daa sine ge kelom sɛ' ze'ele mɛ kaŋkaŋɛ. 33Dabahese'a daa ne bɔna te ba kɛɛta ya nɛrekooŋɔ poan ge eta ya sɛla n ka ane soŋa. Te dabahese'a me daa ne bɔna te ya ka gangɛ ya lagom ze'ele po'e sɛbadoma me te ba eta ba sɛla te ba eŋɛ yamam la. 34Ya daa me de sɛba n tare ninbɔn'ɔn bɔ'ɔra sɛba n boe pakadeen la zuo. Ba me daa han ne fan' ya lɔgɔrɔ, la ne ka daana ya, ge ya ne ton tara la popeelom. Se'ere n sɔe la, ya mi' te ya tara la sɛla n gane bala wan bɔna wuuha. 35Dene poan, da dekɛ ya sɛla te ya nam Na'ayenɛ bahɛ ge kelom sɛ' ya ze'ele kaŋkaŋɛ. Te bala te ya wan nyɛ' yɔɔrɔ. 36Bala ya din'inhe suunre te ya wan ta'an tona Na'ayenɛ sunboolom te ya wan to'e sɛla te Na'ayenɛ biŋe a nɔɔrɛ bo ya la. 37Ge Yenɛ gɔŋɔ la yeti, Ge yeen gura ge la wan tom a wan ba'ahom wa'ana la kan yuue. 38Tontɔɔdoma wan vɔna la ba sakerɛ poan. Ge ba se'em han lebe pooren n ka tare popeelom la a daana. 39Ge tomam dagɛ nɛresɛba n vihe lebe poore bɔrege ge to ton dɛna la sɛba n sakɛ ge wan nyɛ' faanrɛ.

will be added

X\