Pin'ileŋɔ 49

1Te la bɔna bɔna te Yakob ta yi' a dayɔɔhe la lagahe na yele ba yeti, Tiihom ya n nɛŋan wa na te n pa'alɛ ya sɛla n wan eŋɛ ya dabahese'a n kena na la poan. 2Yakob dayɔɔhe wa, lagahɛ ya na kelehe ya sɔ Israel wa: 3Areuben, hom n de mam dayɔkeema. Hon n de mam paŋa. Se'em n pɔhɛ mam boraanɛ. Ho tare la zutebehom ge kpe'em la paŋa. 4Ho yeti ho saara mɛ ko'zotemo la. Ho kan le tara zutebehom la kpe'eŋo la taaba. Se'ere n sɔe la, ho tabelɛ sagom la ho sɔ gan'aherɛ, la hom n tabelɛ nɛ mam pɔgɔbɔ'ɔreŋa soŋen la. 5Simeon la Levi dela sɔɔn, ba so'ahe tare la gbirigere ma'an. 6Da bahɛ te mam kɛn' ba yɛla poan. Da bahɛ te mam dekɛ n mɛŋa lagom ba. Se'ere n sɔe la, ba tabelɛ dekɛ la sunsunya ko nɛreba yore yore, ge sagom ba nii bahɛ yoo. 7Nɔpɔtɛ wan dɔla ba ba sunsunya la zuo. Se'ere n sɔe la, bo ba' gaŋɛ mɛ. Ba sunsunyiim la tule mɛ ka gu'uha. N wan yeregɛ ba Yakob poan bahɛ. N wan zagahɛ ba Israel wa poan. 8Yuda, ho sɔɔnrɔ wa wan pɛngera hɔ. Ho nu'o wan sagom ho diŋdoma. Ho sɔ dayɔɔhe wa wan pɔnta na'ma ho nɛŋan. 9Yuda dela gbegenpaalega. Mam dayɔa wa, ho ane wo gbegenɛ n nan kɔ'ɔn ze'ele aanheŋɔ poan lebe na la. Ho ne kaanrom la teŋa wo gbegenɛ la ge gan'arɛ. Ho tɔe mɛ wo gbegenɛ n nan dɔgɛ ge gan'an ginha la. Ane n zale wan wa'ana nɛɛ hɔ? 10Na'am gɔŋɔ la kan malom yehe hom Yuda zen'an, bii kpe'eŋo yehe ho yaahe zen'an, gura se'em ma'an te nadita la mɛŋa ta wa'ana. Enŋa te teŋparɛ wa nɛreba zan'an wan na'aha. 11Yuda samana wan maalɛ dia gaŋɛ te a lota a bonhe, te a bonbibihe lota samankanra poan. Daam wan buge ho wo ko'om la te ho tara pɛɛra ho futo. Tiihe wɔla daam wan buge ho wo ko'om la. 12A nini mɔ'ɛ la daam te a nyɛna pelege la iilom. 13Zebulun wan zin'an la ko'kantɛ nɔɔrɛn sɔna beha. A wan dɛna ɔɔnrɔnɔ ze'elego zen'an, te a sɔ'ɔlom tɛnregɛ ta paɛ Sidon teŋa beene. 14Isakar ane mɛ wo boŋa taregɛ gan'an la ka zeero la. 15N nyɛ te vo'ohogo teŋa la ane soŋa, ge nyɛ te teŋa tare ninpeelom la, te a suure a nyugela bo zeero la lebege yameŋa. 16Dan wan sɔna a nɛreba beha wo Israel buuri n sɔe ba nɛreba beha se'em la. 17Dan wan dɛ'a la bonsɛla gan'an sore nɔɔrɛn. A wan dɛ'a zaŋkaŋa sɛka n gan' sore nɔɔrɛn kɛ'ɛra yiri kegela te i ban'areba luta na. 18Na'ayenɛ, mam gure la hom n faanrɛ wa. 19Pɛɛntɛɛnreba wan wa'ana gbirige Gad, te a gan'arɛ teŋa kɛ' ba kegela nyaŋɛ ba. 20Aser boom wan tara paŋa. Enŋa n wan bɔ'ɔra naba dia. 21Naptali dela duŋyan'aŋa n eere ɔbera fai dɔgɔra kɔmsoma. 22Yosef dela sanbole n wone. A dela sanbole n wone lɛm la kolega te de na'ma tɛn paga kolega la nɔgbɛma zuo. 23Diŋdoma n mɔ'ɛ nini zabera la hɔ, tɛɛnra hɔ ge digera hɔ. 24Ho tanhɔ kelom zanla la bala. Ho nu'uhe kan malom taregɛ, doohe la Paŋa Zan'an Yakob Yenɛ nu'o la zuo, Duŋkeema n de Israel Taŋa la zuo. 25Ho sɔ Yenɛ la wan soŋɛ hɔ. Gaŋɛ Zan'an Yenɛ la wan kan' saazuo som, la teŋa teŋa ha som bahɛ ho zuo. A kan' som bahɛ ho pɔgɔba bin'ihom la ba dɔgom poan. 26Kan'somɔ sebo te mam ho sɔ wa to'e n yaabdoma zen'an la kanregɛ gana zɔya n boe wuuha wa mɛ. Kan'somɔ bona woo sige hom Yosef zuo na. Bo sige hom se'em n boe ho yema ho sɔɔnrɔ wa poan wa zuo na. 27Benyamin dela sanheŋa ɔbera. Bolika te a pon obe a diŋdoma ba'ahɛ. Zaanɔɔrɛ te a pon tɔnrɛ en fan' sɛla la ba'ahɛ. 28Israel yizuto pia la ayi' n bala, te a kan'somɔ bahɛ ba ayena ayena woo zuo. A kan' bo ba woo doohe la lan sone te a kan' se'em bo ba la 29ge nya pa'alɛ ba yeti, Ya gee la ya tare mam paɛ n yaabdoma wa. Dabaherɛ la han ta paɛ, ya tare mam ta laɛ n sɔ yɔɔ, taŋa yoko la n boe Epron la n de Hiti nɛra la samanɛ la poan la. 30Taŋa yoko la boe la Makpela teŋa n lɛm la Mamre teŋa la n boe Kanaan teŋa poan la. Abraham da' kɔ la Epron la n de Hiti nɛra la zen'an, la samanɛ la zan'an te a tara pin'ira a nɛreba. 31Bilam te ba pin' Abraham la a pɔga Sarah. Bilam te ba pin' Isaak la a pɔga Arebeka, te mam me daa pin' n pɔga Lea bilam. 32Ba daa da' taŋa yoko la la samanɛ la zan'an la Epron n de Hiti nɛra la zen'an. 33Yakob n pa'alɛ ba wana ba'ahɛ la, a malom vuue la a mɛŋa lebe gan'arɛ soŋɔ la zuo, vo'ohe a vo'ohom zan'an. Te ba tare en ta pa'ahɛ a sɔdoma.

will be added

X\