Ezra 10

1Ezra n sohora pota ba be'em ge kɛla la gan'ara aliko Yenɛ Yire la poan la, Israeldoma kekeko, pɔgɔhe la boraahe la kɔma, lagahɛ na kae en me kele paɛ paɛ. 2Te Yehiel dayɔa Sekania n yehe Elam buuri la poan na la yele Ezra yeti, Tomam tom la be'em to Yenɛ wa nɛŋan la tomam n di sɛba n sɔe teŋhe wa pɔyɔɔhe la. Ge nananawa, la bala zan'an Israel kelom tara potɛn'ɛrɛ mɛ. 3Bala, bahɛ te to biŋe nɔɔrɛ to Yenɛ wa nɛŋan te to wan bahɛ pɔgɔhe wa la se kɔma zan'an te se keŋɛ, wo hom to daana wa, la sɛba n zote to Yenɛ wa n bo a nɔɔrɛ se'em la. Bahɛ te la eŋɛ doohe pa'alegɔ la n de se'em la. 4Ihege saazuo, ge yele la boe la hom nu'uhen. Tomam wan pa' ho poore te ho tom dɛ. 5Te Ezra ihege, bahɛ te malemadoma, nɛŋadoma, Levidoma, la Israel zan'an pɔ' te ba wan tom ban yele se'em la. 6Te Ezra yehe Yenɛ yire la poan, keŋɛ Eliasib dayɔa Yehohanan deo poan. N ta bɔna bilam la, a ka nyu' ko'om, bii a di dia. Se'ere n sɔe la, a kelom bɔna la kɛlega poan Israeldoma wa n lebena la be'em la zuo. 7Te ba soolom Yuda la Yerusalem teŋhe poan te Israel nɛreba la woo n lebe na la, tiihom Yerusalem teŋa na. 8Hom se'em woo n koŋe ka wa'an dabeha atan' poan na, ho kan sɔna ho lɔgɔseto woo te ho tara, wo kpɛ'ɛndoma la keendoma la n ko nɔɔrɛ se'em la, ge te ba yehe hom daana Israeldoma wa n lebe na wa lagaŋɔ poan bahɛ. 9Dabeha atan' poan, te Yuda la Benyamin teŋa nɛreba la lagahɛ mɛ Yerusalem teŋa. Ŋmarehe sewae' dabeha pihiyi' daarɛ te nɛreba la zan'an wa'ana zin'an Yenɛ yire la zenzaka poan, te ba suunre sagom la sɛla n ete la, la saa kantɛ la n niire la. 10Te Ezra n de malemadaana la ihege ze'ele saazuo yele ba yeti, Ya ka tom yelemɛŋɛrɛ, ya di la sateŋhe pɔgɔba, tare tuure na pa'ahɛ Israel. 11Nananawa, porɛ ya be'em la bo Na'ayenɛ n de ya sɔdoma Yenɛ la, ge la ya tom a potɛn'ɛrɛ wa. Yelege ya mɛhe teŋa wa doma wa la sateŋhe pɔgɔba wa poan. 12Te nɛrekooŋɔ la lerege voole yeti, La de sera. Hom yele se'em la to wan eŋɛ. 13Ge to zo'e mɛ ka'lam, te saa nia la me bahɛ te to kan nyaŋɛ zɛ'a yeŋa wa. To me kan nyaŋɛ ba'ahɛ yele wa daanyenɛ bii dabeha ayi' ma'an poan. Se'ere n sɔe la, to tom be'em bona wa gaŋɛ mɛ. 14Bahɛ te to nɛŋadoma la ze'ele to na'arɛ tom bo to. Se'em woo n boe to teŋsɛka woo poan tare sateŋhe pɔka ne wa'an daanse'ere te ba wan loe bo ba la na. Bama la ba teŋa keendoma la ba gankereba la, gura te to Yenɛ la sunsunya wa n dite to yele dena wa zuo la ta ma'ɛn. 15Asahel dayɔa Yonatan la Tikva dayɔa Yazeya ma'an n ka nam yele dena wa, te Mesulam la Sabetai n de Levi la pa' ba poore. 16Te nɛreba wa n ze'ele Babilon lebe na wa eŋɛ wo ban ko nɔɔrɛ la Ezra te ba wan eŋɛ se'em la. Te Ezra n de malemadaana la loohe nɛreba n de keendoma, la yizuto keema, golehɛ ba zan'an yu'ura. Te ba ko yeti, Ŋmarehe pia pɔhega daarɛ te ba wan zin'ire yele la zuo. 17Te ba vɛɛnhɛ borase'ehe woo n di sateŋhe pɔgɔhe wa ba'ahɛ yuunɛ se'ere n tagalɛ la de pɔhega ŋmarega pɔhega daarɛ. 18Malemadoma tuunhom la poan, sɛba n di sateŋhe pɔgɔba la Yozadak dayɔa Yesua la a sɔɔnrɔ yaahe poan na. Ba yu'ura dela Maaseiah la Eliezer la Yarib la Gedalia. 19Te ba pɔ' te ba wan bahɛ pɔgɔhe la ge loe peraa ba dunhe poan tɛhɛ te ka dɛna lebehe yɔ' bo'olom. 20Imer tuunhom la poan, Hanani la Zebadia n di. 21Harim tuunhom la poan, Maaseiah la Eliya la Semaiah la Yehiel la Uzia n di. 22Pasur tuunhom la poan, Elioenai la Maaseiah la Ismael la Netanel la Yozabad la Elasa n di. 23Levidoma la poan, Yozabad la Simei, Kelaiah se'em yu'urɛ deyema dela Kelita la Petahia la Yuda la Eliezer n di. 24Yoon yooneba la poan, Eliasib n di. Nayaŋa guruba la poan, Salum la Telem la Uri n di. 25Israeldoma me n wana: Paros tuunhom la poan, Aramia la Izia la Malkiya la Miyamin la Eleazar la Malkiya la Benaiah n di. 26Elam tuunhom la poan, Matania la Zekaria la Yehiel la Abdi la Yeremot la Eliya n di. 27Zatu tuunhom la poan, Elioenai la Eliasib la Matania la Yeremot la Zabad la Aziza n di. 28Bebai tuunhom la poan, Yehohanan la Hanania la Zabai la Atlai n di. 29Bane tuunhom la poan, Mesulam la Maluk la Adaiah la Yasub la Seal la Yeremot n di. 30Pahat Moab tuunhom la poan, Adna la Kelal la Benaiah la Maaseiah la Matania la Bezalel la Binui la Manase n di. 31Harim tuunhom la poan, Eliezer la Isiya la Malkiya la Semaiah la Shimeon la 32Benyamin la Maluk la Semaria n di. 33Hasum tuunhom la poan, Matenai la Mattatta la Zabad la Elipelet la Yeremai la Manase la Simei n di. 34Bane tuunhom la poan, Maadai la Amram la Uel la 35Benaiah la Bedeiah la Keluhi la 36Vania la Meremot la Eliasib la 37Matania la Matenai la Yaasu n di. 38Binui tuunhom la poan, Simei la 39Selemia la Natan la Adaiah la 40Maknadebai la Sasai la Sarai la 41Azarel la Selemia la Semaria la 42Salum la Amaria la Yosef n di. 43Nebo tuunhom la poan, Yeiel la Matitia la Zabad la Zebina la Yadai la Yoel la Benaiah n di. 44Nɛrebana wa zan'an di la sateŋhe pɔgɔhe, te basɛba dɔgɛ la se.

will be added

X\