Ezekiel 9

1Te mam wom te Na'ayenɛ tanhɛ bahɛ na yeti, Tare ya teŋa la kooreba la te ba woo zanla ba zaba lɔkɔ. 2Mam nyɛ te boraahe seyoobe ze'ele Yenɛ Yire koleŋa sɛka n lebehe zuɔ bɔba ha la ken na, ge zanla ba zaba lɔkɔ ba zaba lɔkɔ. Te boraa kayema me lagom bɔna ba poan yɛ fupeelehe, me zanla golehegɔ lɔgɔrɔ te a golehɛ. Te ba zan'an wa'ana ze'ele nyɔgom kaanbegɔ daka la zen'an. 3Te Israel Yenɛ soŋa la n ne bɔna kelompagehedaana la ɛnkɛ zom saazuo ta ze'ele Yenɛ Yire la koleŋa nɔɔrɛn na. Na'ayenɛ nya yi boraa wa n yɛ fupeelehe la me zanla golehegɔ lɔgɔrɔ 4ge yele en yeti, Keŋɛ doohe Yerusalem teŋa zan'an poan, nyɛ nɛresɛba woo n kɛla Yuda nɛreba toonfɛn'ɛha la zuo la ho dekɛ sɛla golehɛ eŋɛ bama n kɛla gbɛ'ya zuo daanlɛ ba bahɛ. 5Mam n kelehere la, mam wom te a yele boraahe la yeti, Doohe ya en kɛn' teŋa la poan, la ta kɔrom ge da zɔta se'em se'em ninbɔn'ɔn. 6Kɔrom ya boraa yan'ahe la bodibinto la pɔgɔsa'ara la pɔgɔyan'ahe la kɔma, ge da kalom ya nɛra se'em woo te a golehɛ ba gbe'ere daanlɛ en bahɛ. Pɔhɛ ya mam toolom zen'an wa poan yia la ya kɔrom. Te ba pɔhɛ la nɛŋadoma sɛba n daa boe Yinɛ Yire la nɛŋan na la. 7A yele ba yeti, Ganlom ya Yenɛ Yire wa la koa ge la ya va kum la lobe bahɛ zenzaka la poan te ka perɛ. Keŋɛ ya! Te ba me yehe ta pɔhɛ nɛreba la koa teŋa la poan. 8Ban bahɛ mam n ma'an ge keŋɛ ta koora nɛreba la, mam lu aliko, ge kaahɛ bo Na'ayenɛ yeti, Aaa, Daana Na'ayenɛ! Ho yeti ho dekɛ la ho sunsunyiim wa Yerusalem zuo la ho sagom Israeldoma wa zan'an? 9A yele mam yeti, Israeldoma be'em la ba' gaŋɛ mɛ. Ziim ka'ahegɔ me kɔ'ɔn to'e teŋa wa zuo, te yelemɛŋɛrɛ ka bɔna teŋa la poan. Ba yeti Na'ayenɛ pon zagahɛ teŋa la mɛ, Na'ayenɛ ka behere tɔn ete sɛla. 10Bala zuo la, n kan beha ba te ninbɔn'ɔn tara ma. N wan dekɛ sɛla n nare n dekɛ yɔ ba ba toonbe'ero la bahɛ ba zuo na. 11Te boraa sɛka n yɛ fupeelehe ge zanla golehegɔ lɔgɔrɔ a sakpekɔ la lebena yeti, Naa, n eŋɛ ya wo hom n bo mam nɔɔrɛ te n eŋɛ se'em la.

will be added

X\