Ezekiel 6

1Te Na'ayenɛ yetɔgom wa'an mam zen'an: 2Asaala dayɔa wa, dekɛ ho nɛŋa tɔ Israel zɔya wa, la ho porɛ yelebe'o a zuo. 3Yele yeti, Israel zɔya wa, wom ya Daana Na'ayenɛ la n yele se'em la! Daana Na'ayenɛ la n yele se'em bo zɔya la la kunkuma la bɔn'ɔrɔ la n wana: N maahene te n dekɛ la so'a tuule ya na, n wan sagom ya kaanbegɔ zen'enhe la zan'an bahɛ. 4Ya kaanbegɔ zen'enhe la bimbinse'a zuo te ya nyɔ'anra zun'uhe la zan'an wan wɔnrɛ. N wan ko ya nɛreba ya baga la nɛŋan. 5N ta kɔrom ya nɛreba la biŋe ba baga la nɛŋan, te degehɛ ya konba lobe yeregɛ kae ya bimbina la. 6Yan kɛn'ɛre teŋse'ehe poan la woo wan sagom, ge te kaanbegɔ zen'enhe la me mɛlom, te ya bimbina la me bahɛ yoo, te ya baga la wɔnrɛ, te ya ko'ɛnka bimbina la me wɔnrɛ, te sɛla woo te ya eŋɛ la bahɛ zaŋa. 7N wan kɔrom ho nɛreba bahɛ ho nɛŋan, te ho baŋɛ te mam n seren de Na'ayenɛ. 8Ge n wan bahɛ ya sɛba. Se'ere n sɔe la, ya sɛba wan zɔ peɛn so'a la lomehe teŋhe poan ta bɔna. 9Ba nya han ta bɔna teŋsɛka poan te ba zabɛ tare ba loŋe bini te ba dɛna yamehe la, ba basɛba n peɛn la wan tɛnra ban tom ba ba toonyooro la nyiihe mam sunsunya se'em. Ba wan tɛnra ban daa tare ba sunya tona toonbe'seto la ba nini la te ba daa tara behera baga se'a la koŋkoma'ahom se'em la. Ba wan daam ba mɛhe la be'em sebo te ba pon tom la. 10Bala te ba wan baŋɛ te mam n de Na'ayenɛ la. Mam ka tare namehe kona wa sige ya zuo na la zaŋa. 11Daana Na'ayenɛ la n yele se'em n wana: Dekɛ ho nu'uhe bobe taaba, ge la ho ɛngera luta ge kaaha. Israel pototooma la ba toonfɛn'ɛha la zuo. Se'ere n sɔe la so'a la kom la namehe kanra n yeti la ko ba. 12Hom se'em n de teŋa la poan nɛra ge bɔna zen'an n zaan, namehe kanra wan ko hɔ. So'a me wan kɔrɔgɛ hom se'em n lɛm na. Hom me se'em n walehɛ peɛn kom me wan ko hɔ. Mam n yeti n eŋɛ ba se'em la n sunsunyiim la n bala. 13Ba han ta behɛ kuŋkune zuo woo te ba nɛreba la ki gan'an ba bimbina la teŋa la zɔya zuto la tikanra woo teŋa la tiihe se'ehe n tare vɔntɔ te ba nyɔ'anra ko'ɛnka bɔ'ɔra ba baga la se teŋa la, ba nya wan baŋɛ te mam n seren de Na'ayenɛ la. 14N wan tɛɛn n nu'o zabɛ la ba, la n bahɛ te teŋa la zan'an lebege daboo, ze'ele pɔgɔtia teŋa la ta paɛ Dibla teŋa, zen'an woo te ba bɔna. Bala te ba wan baŋɛ te mam n de Na'ayenɛ la.

will be added

X\