Ezekiel 4

1Nananawa, asaala dayɔa wa, dekɛ yɔgɔrɔ yagom *birike te ho wan ta'an golɛ Yerusalem teŋa wa eŋɛ a poan. 2Ge gan'an se'em gura te ho zabɛ la ka. Eŋɛ sɛla la sɛla gan'an gura ka la kae ka mum, ge mɛ' kuŋkuma se'em te a doohe aŋa zuo ta'an sige teŋa la poan la eŋɛ bini. 3Ge la ho nya dekɛ kenmehega te kaŋa dɛna kuto dangoone beŋe hom la teŋa la, te ho nɛŋa kɔ'ɔn tɔ ka. Ba wan gan'an fura ka, ge hom me n wan behera ka. Yele dena wa wan pa'alɛ Israeldoma wa sɛla. 4Ho nya le bo teŋa la te ho golɛ la gɔbega bɔba, gan'arɛ bilam, la ho ta dekɛ Israeldoma be'em la ziile ho mɛŋa. Dabeha se'a woo te ho gan'an ho zen'an la poan la, ho wan zi ba be'em la la bala. 5Ba be'em la yuuma n de se'em n bala te a dekɛ yi dabeha bo ho la. Bala, ho wan dekɛ la dabeha kɔbehe setan' la pihiwae' te ho wan zi' Israel teŋadoma be'em la. 6Hom han ba'ahɛ dabeha aŋa, ho le lebe teŋa la zuɔ nu'o bɔba, la ho ta gan'arɛ bilam me, la ho zi' Yuda teŋadoma me be'em dabeha pihinaahe, dabaherɛ woo dela yuunɛ deyena. 7Ŋmɛregɛ ho nɛŋa tɔ Yerusalem teŋa la te ba gan'an gura ka la, la ho nu'beela, la ho porɛ bahɛ ka zuo. 8N wan lo hɔ la mi'inhe te ho kan ta'an ŋmɛregɛ keŋɛ zen'an, gura te ho ta ba'ahɛ dabahese'a te ho wan dekɛ gan'an behera teŋa la. 9Dekɛ ki la mui la tiya la kemɔlega la suma eŋɛ kanleŋa poan la ho tara bama dita. Ho wan dita la bama dabeha kɔbehe setan' la pihiwae' la zan'an poan te ho gan'an hon wan gan'an zen'an ge behera teŋa la. 10Daarɛ woo, ho ne dekɛ boteŋa la ho makɛ ki la ka poan me'en te la dɛna ho daanyenɛ dia, te sɔɔnrom ne han ta zom na te ho di. 11Ge me dekɛ wola magaha ko'om a poan me'en nyuura bo saŋa sɛka woo. 12Ne dita ho zom la wo bo dela boroboro la, ne pin'ihe nɛreba bintawɛgela, la ho ze'ele nɛreba la nɛŋan kiim ha ki la. 13Te Na'ayenɛ me yele mam yeti, Bala mea te Israeldoma wan ta zɛ'a yeŋa dita di sɛka n dagɛ ba di, teŋse'ehe poan te a sa'ahɛ ba te ba zɔ loŋe la. 14Te mam yele Na'ayenɛ yeti, N Daana da eŋɛ bala. Mam na ka tabelɛ ganlom n mɛŋa nana. Pɔhɛ mam bonbilomen tara tara la zina wa, mam na ka tabelɛ dekɛ sɛla te sɛla nyɔkɛ obe ge bahɛ eŋɛ n nɔɔrɛn. 15Te a lebehe yele mam yeti, La ane soŋa, ne pin'ihe nagombɛ' la ho kiim ho ki la, ge bahɛ nɛreba bintawɛgela la. 16A nya yele mam yeti, Asaala dayɔa wa, n yeti n ŋma Yerusalem teŋa dia bahɛ mɛ. Nɛreba la wan magaha ba dia me la ninmɔ'ɔrɛ dita ge magaha ba ko'om nyuura la ko' nɔŋɔ. 17Se'ere n sɔe la dia la ko'om kan ta bɔna. Ba wan beha taaba bala. Ba wan mɛlom ba be'em la zuo.

will be added

X\