Ezekiel 25

1Na'ayenɛ tɔgɛ bo mam yeti, 2Asaala dayɔa wa, dekɛ ho nɛŋa tɔ Ammondoma wa la ho porɛ bahɛ ba zuo. 3Yele ba yeti, kelehe ya Daana Na'ayenɛ la n yele se'em: Daana Na'ayenɛ la yeti, Mam n sagam mam toolom zen'an la n bahɛ la Israel teŋa lebege daboo la n bahɛ te Yuda teŋa nɛreba zɔ lomehe teŋhe poan, yamam n yeti, Ɛnhɛɛn! 4Se'ere n sɔe n yeti n dekɛ ya eŋɛ la dapɔya bɔba teŋhe wa doma nu'uhen te ya dɛna ba sɔ'ɔlom. Ba wan tin' ba zaba zen'enhe, la ba bɔŋa zen'enhe ya teŋasoka, ge fan' ya dia di', ge fan' ya iilom nyu'. 5N wan bahɛ te Araba teŋa lebege yogoma ɔbega zen'an, ge bahɛ te Ammon teŋa me lebege piihe kaaheŋɔ zen'an. Bilam te ya wan baŋɛ te mam n de Na'ayenɛ. 6Daana Na'ayenɛ la n yele se'em n wana: Yamam n pa' ya nu'uhen, ge wa' kerehe, ge te ya suunre tɛn'ɛha te ya tom Israel teŋa wa be'em la zuo, 7n wan tɛɛn n nu'o zabɛ nyaŋɛ ge fan' la bo teŋhe wa zan'an. N wan ŋma' ya teŋhe wa poan bahɛ, ge yelege ya teŋa wa zuo bahɛ. N wan sagom ya, te ya baŋɛ te mam n seren de Na'ayenɛ. 8Daana Na'ayenɛ la n yele se'em n wana: Hom Moab la Seir teŋa n yeti, Yuda teŋa ka le nyana teŋa la kayena me la. 9Bala zuo, n wan bahɛ te Moab teŋadoma te ba lebege taromdoma bɔna sɛba nu'uhen n pɔhɛ la Moab teŋkanra la yia, Bet Yesimot la Baal Meon la Keriataim teŋa, teŋsɛka n de teŋa la zan'an soŋa zen'an. 10N wan dekɛ Moab teŋa la Ammondoma la zan'an eŋɛ dapɔya bɔba teŋadoma wa nu'uhen te ba dɛna ba sɔ'ɔlom, te Ammondoma yu'urɛ pon da le pota teŋa wa zuo, 11N wan dekɛ namehegɔ kɛn'ɛhɛ Moab teŋadoma mɛ. Bala te ba wan baŋɛ te mam n seren de Na'ayenɛ. 12Daana Na'ayenɛ la n yele se'em n wana: Edom teŋa n lebehe eŋɛ Yuda teŋa be'em sebo taaba te Yuda teŋa dekɛ eŋɛ en la, a tom la be'em n bala. 13Bala zuo la, Daana Na'ayenɛ la yeti, N wan tɛɛn n nu'o zabɛ la Edom teŋadoma wa la n ko teŋa la nɛreba la ka dunhe zan'an. N wan ze'ele Teman teŋa ta paɛ Dedan teŋa, kɔrom ba zan'an la so'a, ge te teŋse'ehe zan'an lebege daboo. 14N wan gorɛ n nɛreba Israeldoma nu'o, te ba lebehe yɔ Edom teŋadoma. Ba wan eŋɛ Edom teŋadoma wa wo mam sunsunya la n bote ba eŋɛ ba se'em la. Ba wan baŋɛ te mam n lebehe yɔɔra ba. Daana Na'ayenɛ yele se'em n bala. 15Daana Na'ayenɛ la n yele se'em n wana: Pilistia teŋadoma n eŋɛ sunsunya, ge dekɛ wonse'eren ha yɛla, la pototooma bɔta te ba sagom Yuda teŋa lerege la zuo, 16mam, Daana Na'ayenɛ la yeti, N boe bini te n tɛɛn la n nu'o, la n zabɛ la Pilistia teŋadoma wa, n wan ŋma Keret teŋadoma wa lobe, ge sagom sɛba woo me n kɛn'ɛre ko'om teŋa bɔba ha la zan'an. 17N wan bahɛ te n sunsunyiim sige ba zuo na, n wan namehe ba la n sunsunyiim la. N han ka'ɛ n sunsunyiim la bahɛ ba zuo na, ba nya wan baŋɛ te mam n de Na'ayenɛ.

will be added

X\