Ezekiel 22

1Na'ayenɛ tɔgɛ bo mam yeti, 2Ge hom, asaala dayɔa wa, ho wan gankɛ teŋa wa? Ho wan gankɛ nɛre kooherɛ teŋa wa? La han dɛna bala, pa'ale ka a toonfɛn'ɛha se'a te ka tona la, 3yeti, Daana Na'ayenɛ la n yele se'em n wana: Teŋsɛka n ka'ahɛ ziim ka poan dabehere wan paɛ na. Ho sagom ka mea doohe la hom maale baga ka poan. 4Ho ganlom mɛ la hom n ka'ahe ziim ho poan la, ge me sagom ho mɛŋa la hom n maalɛ baga la. Ho mɛŋa n bahɛ te ho dabeha ba'ahɛ wa, ho ba'ahegɔ yuunɛ paɛ na. Bala n bahɛ te ho lebege kɛhega lɔkɔ bo teŋhe, ge dɛna yelɔ'ɔrɔ bonɔ bo teŋhe wa. 5Nɛresɛba n lɛm hɔ, la sɛba n zaan la hɔ, wan ɛnregera hɔ. Ho dela teŋsɛka n ka tare paŋa. Ge te tuuŋo ma'an kɔ'ɔn perɛ hɔ. 6Behɛ Israel nabiihe la woo boe ho poan dela nabiihe n tare paŋa koora nɛreba n bote se'em. 7Hom poan te ba bɔna ge eta sɔ la madoma poto'etegɔ hom poan. Te ba bɔna ge faanra saama, ge eta keebehe la pɔkɔnpa sɛla n ka ane soŋa. 8Ho ka zagahɛ mam yɛla la me, ge ganlom mam Vo'ohogo Dabeha la! 9Hom poan te ponpɔrɔŋdoma bɔna ka'aha ziim. Hom poan te sɛbadoma n zone zɔya zuto dita baga dia, ge tona toonyooro la bɔna. 10Hom poan te sɛba n ganlone ba sɔdoma sonɔ la bɔna. Hom poan te nɛresɛba te pɔka ne bɔna a peere ŋmarega ge te ba ne sina ge pɛnregɛ gan'arɛ la en la bɔna. 11Hom poan te nɛreba sagona ba tadaana pɔga, te sɛba me sagona ba tanpa se'em te enŋa, la enŋa sɔ dɛna sɔ ayena. 12Hom poan te nɛreba tɔ'ɔha mu'ure ge ka'aha ziim. Ho tare pɛmɛha la nɛreba, ge dɔgɔla ba, te ba yɔɔra dɔgɔlega mɛ te ho tɔ'ɔha, ho fan' la ho sɔɔnrɔ nya dɛna bontata. Ge ho nya tame mam yele. Daana Na'ayenɛ la yele. 13N wan foe n nu'uhe seyi' ho fan' lɔgɔrɔ la te ho ka'ahɛ ziim ho teŋa la poan ge nyɛ la. 14Ho wan kelom tara potɛn'ɛre, bii ho kelom tara paŋa saŋsɛka te n wan tɔlege la ho la? Mam Na'ayenɛ la n tɔgɛ, n me wan bahɛ te la eŋɛ ho bala. 15N wan yeregɛ ho bahɛ teŋhe poan, te ho toonfɛn'ɛha la ba'ahɛ. 16Teŋhe wa zan'an han nyɛ te ho dekɛ mam te n ka le dɛna sɛla ba nɛŋan, bilam te ho wan baŋe ti mam n de Na'ayenɛ la. 17Na'ayenɛ tɔgɛ bo mam yeti, 18Asaala dayɔa wa, Israel nɛreba la zan'an lebege la kure bura, mam zen'an, ba zan'an ane me woo nyɔgom la, ba ane me kuto te ba dekɛ bahɛ bugum poan la. Ba dela sanlenpeelega bon buya. 19Bala zuo, Daana Na'ayenɛ la n yele se'em n wana: Yan lebege kure buya la zuo, n wan kan'ahe ya na kɛn'ɛhe Yerusalem teŋa poan. 20Wo nɛreba n eere lagaha sanlenpeelega la nyɔgom la kuto te ba nyɛlegɛ ba kuta bugum poan se'em la, bala mea te mam wan ɛ lagahe ya la n sunsunyiim la, tare ya na kɛn'ɛhɛ teŋa la poan, la n nyɛlegɛ ya. 21N wan lagahe ya na la n dekɛ n sunsunyiim la pɛbila ya wo ban zuguri kuta bugum se'em la, te ya nyɛlegɛ teŋa la poan. 22Ya wan nyɛlegɛ teŋa la poan wo sanlenpeelega n ne nyɛlegɛ teŋa la poan wo sanlenpeelega n ne nyɛlegɛ kuta bugum poan se'em la. Bilam te ya wan baŋɛ te mam, Na'ayenɛ n ka'ɛ n sunsunyiim bahɛ ya zuo na. 23Na'ayenɛ tɔgɛ bo mam yeti, 24Asaala dayɔa wa, tɔgɛ bo teŋparɛ wa yeti, Ho dela teŋsɛka te saa kan ni, bii ka miihe ho zui, n sunsunyiim dabeha la poan. 25Pototoonɛ n boe ho nabiihe la poan, aanhena baha na wo gbegenɛ n nyɔkɛ sɛla aanhena la. Ba koore la nɛreba, ge faanra lɔgɔrɔ la lɔgɔsonɔ, ge bahɛ te pɔkɔnpa zɔ'ɔra ho poan. 26A malemadoma la tara gbirigere la mam pa'alegɔ la, ge ganlom mam toolom lɔgɔrɔ. Ba pon ka yelegera sɛla n de fa'a la sɛla n dagɛ fa'a. Ba pa'ala te bɔgɔhegɔ ka boe lɔgɔseto n dɛngɛ la lɔgɔseto n dagɛ dɛngɛ. Ba mum ba nini ka dɔla mam Vo'ohogo Dabeha la te mam yu'urɛ nya sagom ba zen'an. 27Teŋa la kpɛ'ɛndoma la teŋa la mɛŋa ane me wo sanhe la, kɔ'ɔn aanhena. Ba kɔ'ɔn dɛna la ziim ka'ahereba, ge koora nɛreba ge faanra. 28Ge te mam nɔtɔgɔheba la sina ge parona maala toonbe'ero tona wa. Ba ne parom ti, Daana Na'ayenɛ la n yele se'em n wana, ge te mam, Na'ayenɛ ka yelese'ere. 29Teŋa la nɛreba zamehe la saama dɔgelega la fan'. Ba namehera taromdoma la nahadoma la saama, ge zagahera yelemɛŋɛrɛ. 30Mam behɛ ba poan te n wan nyɛ ne nɛra se'em n malom mɛ dangoone la, nɛra se'em n wan sɔe ba na'arɛ ze'ele fole la n gan mam, la bama teŋasoka la, te n da sagom ba ge mam n behɛ wuu la, n ka nyɛ se'em. 31Bala zuo la, n ka'ɛ n sunsunyiim la, n bahɛ te ba toonfɛn'ɛha la woo te ba tom la sige ba mɛhe zuto na. Daana Na'ayenɛ la n yele.

will be added

X\