Ezekiel 2

1A daa yi mam yeti, Asaala dayɔa wa, ihege, ihege ze'ele saazuo, ge te n tɔgɛ bo ho. 2En daa boe bini tɔgɔra bala la, te Sea wa'ana kɛn' mam poan bo mam paŋa te mam ta'an ihege ze'ele n na'ma zuo, ge n wom te a tɔgɔre bɔ'ɔra mam. 3A yele mam yeti, Asaala dayɔa wa, n tone ho la Israeldoma wa zen'an, n tone ho la pobirega teŋadoma wa zen'an, teŋsɛka doma n bire poore bahɛ mam wa zen'an. Bama la ba sɔdoma bire poore bahɛ mam la bala tara tara la zina beere wa. 4Nɛresɛba te n tona ho ba zen'en wa dela nɛresɛba toba n kpa', ge te ba sunya kanbɛ, ta yele ba yeti, Daana Na'ayenɛ la n yele se'em n wana. 5Han dela bama, ba han kelehe bii ba han kan le kelehe, denɛ n bala. Se'ere zuo, ba pon dɛna la bire poore nɛreba, ge ba yeem mina te Na'ayenɛ nɔtɔgɔha tabelɛ bɔna la ba. 6Ge hom, asaala dayɔa wa me, da zɔta dabeem la ba bii dabeem tara hɔ la yetɔgom sebo te ba wan tɔgɔra ho la, da zɔta dabeem la gɔn'ɔhe se'ehe n kae ho la, la hom n kɛn'ɛre la naŋhe la. Da zɔta dabeem la ban tɔgɔre se'em, bii ho paleŋa ɛngera la ba etegɔ la, la ban pon dɛna a bire poorendoma zaŋa la. 7Hom yeem tɔgɛ mam yetɔgom la bo ba, te ba han wan kelehe, ba kelehe, ba han kan kelehe, denɛ n bala. Se'ere zuo, ba poan dɛna la a bire poore soma zaŋa. 8Ge hom, asaala dayɔa wa, kelehe mam n yeti ho se'em wa. Hom me da bire ho poore wo nɛrebana wa n bire ba pɔya se'em bahɛ mam wa! Ya'ɛ ho nɔɔrɛ la ho obe sɛla woo te n wan dekɛ bo ho. 9Mam nya behɛ, te nu'o n bala tɛɛn tontɔɔ tɔ mam na. Te ganɛ kilom kilom bɔna nu'o la poan, 10te a yirige ko mam nɛŋan. Te ba golehɛ fabelegɔ la kɛlega, la namehegɔ yɛla eŋɛ ko nɛŋa la ko pooren zan'an.

will be added

X\