Ezekiel 19

1Fabelɛ bo Israel nabiihe wa, 2fabelɛ yeti, Ya ma daa ane me wo gbegenɛ yan'aŋa la! A lagom gan'an me la gbegenbibihe, ge ɛɛra dia kalam kalam ugura a kɔma, 3pana uge a kɔma la, te bia kayema zo'e na lebege paŋadaana. A zamehe mina n wan aanhom a diŋdaana se'em, daa aanhena nɛreba. 4Te teŋhe daa ta wom sɛla n ete la, daa bɛnrɛ en zen'an woo, ta nyɔkɛ en, lo la banhe tare en keŋɛ Mizraim teŋa poan. 5Ya ma la n daa ta behɛ te a kan le nyɛ a bia la nyonrɔ la, a daa le malom loe la a bia kayema, kpemehe enŋa me, te enŋa me lebege gbegenɛ n kpe'em. 6A dɛna gbegenɛ tara paŋa ge kena gbegema zen'enhe poan. A zamehɛ mina n wan aanhom a diŋdaana se'em, daa aanhena nɛreba. 7A daa kɔ nɛreba la bɔŋa zen'enhe la bahɛ, ge gbirige ba teŋhe la te ba zɔ ge te se lebege dabooro. Nɛreba n kɛn'ɛre teŋse'ehe woo poan han ne wom te a wuulom ya, ba ne pabegɛ la zan'an. 8Te teŋse'ehe woo n lɛm en la nɛreba lagahɛ taaba wa'ana te ba zabɛ la en, degehɛ ba yogohe yɔrɛ, ge ga'ahɛ ba bɛntɔ biŋe te ba nyɔkɛ en. 9Ba daa dekɛ banhe lo en ve'e en kɛn'ɛhe kuto teko poan tare en na bo Babilon teŋa naba. Te ba dekɛ en kɛn'ɛhɛ paka deo poan, te a bɔna bilam, te nɔɔrɛ ka le bɔna wa wuulom Israel zɔya la zuo le yɛ'ɛha. 10Ya ma wa daa ane me wo tia n ze' va'am poan te ba sɛ ka lɛm la ko'omen te ka wom wɔla zo'e zo'e, 11Te a yagom yila te a wɔgɛ ge ana tontɔɔ nara la nadoma dɔya, ge te tia la mɛŋa wɔgɔra gana tia sɛka woo n boe ge te a woko la n yila kekeko la daa bahɛ te a tara ninpeelom. 12Ge te basɛba daa eŋɛ sunsunya wa'an vɔn' en la a yega la zan'an bahɛ. Sabeeo n daa ze'ele dapɔya bɔba wa'ana bahɛ en te a zɛnkɛ, te a biile la te a wom la zan'an sɔe, te a yile soma la n ane kanra kanra la ku'e, te bugum taɛ en di. 13Ba sɛ ka la teŋpɔgɔtia poan, teŋkɛ'ɛŋa zuo, teŋsɛka te ko'om ka bɔna. 14Te bugum taɛ a yile dɔɔrɔ la deyema, ti tia la la ka wɔla la zan'an. Yele ka le bɔna bini ana soŋa nara la nadoma doore. Yele dena wa dela fabelegɔ yele, tare ya dɛ te de dɛna fabelegɔ yele.

will be added

X\