Ezekiel 18

1Na'ayenɛ tɔgɛ bo mam yeti, 2Nɛreba wa tɛn'ɛhe Israel teŋa wa yele la wane, ge tara yetɔgɔbiŋire dena wa makera Israel teŋa wa? Ba tɔgɔre ti, Sɔdoma n obe to'oto, te kɔma nyɛna sɔe min'e. 3Mam Daana Na'ayenɛ n kɔ'ɔn bɔna wa, ya kan le makɛ makɛ dena taaba Israel teŋa wa poan. 4Se'ere n sɔe la, nɛra se'em woo n vɔe dela mam bonɔ, sɔdoma dela mam bonɔ, te ba dayɔɔhe me dɛna mam bonɔ. Bala, nɛra se'em n tom be'em la, n wan ki. 5Nɛra han bɔna dɛna tontɔɔ nɛra, kɔ'ɔn tona sɛla n nare. 6A zone zɔya zuo ta dite baga dia, bii a beha Israel baga wa te ba dela sɛla. A kan sagom a tadaana pɔga, bii pɔka bɔna ka peere ŋmarega ge te a sina ge gan'arɛ la ka. 7A ka bobegere nɛra sɛla poan, sɛla woo te a ne peŋe a ne lebe ta yɔ mɛ. A ka faanre, ge me tara a dia bɔ'ɔra sɛba te kom tara ba, ge bɔ'ɔra sɛba n eere beele futo te ba pin'ira ba mɛhe. 8A ka tare a ligiri pɛmɛha nɛreba ge dɔgɔla ba, bii a dɔgɔla ba, bii a tɔ'ɔha sɛba pa'aha. A ka sakere te a nu'o tona be'em, ge me han yeti a gankɛ nɛreba ba yi teŋasoka, a ne gankɛ ba la tontɔɔ. 9A dole mam malema la la soŋa soŋa, ge dɔla mam nɔze'elego la la birikinte. Nɛre ena daana dela nɛre tontɔɔdaana. A daana wan vɔna. Daana Na'ayenɛ la n yele. 10Ge a han tara dayɔa, te ka dɛna dayɔsɛka n bote daaŋɔ, ka'ahɛ ziim, bii a tone a toonbe'ero tona wa ziim bii a tone la toonbe'ero tona wa taaba, 11ge a sɔ pon ka tom tɔ. Ge enŋa zɔna zɔya zuto dita baga dia, ge sagom a tadaana pɔga. 12Dɛna se'em n bobegere taromdoma la nahadoma. Dɛna se'em n faanre. A han peŋe sɛla ge biŋe nɔɔrɛ te a wan tare lebe na, a kan tare lebena. Dɛna se'em n bote baga. 13Tara pɛmɛha nɛreba ge dɔgɔla ba, bii ba yɔɔra pɛla pa'aha te a tɔ'ɔha. Nɛre ena daana wan vɔna? A kan vɔna, se'ere zuo toonfɛn'ɛha ana wa woo te a tom la zuo, ba wan ko' en, te taalɛ la dɔla a mɛŋa. 14Ge dayɔkana wa taaba wa me han tara a me dayɔa, te kaŋa me nyɛ a sɔ la n tone toonbe'ero seto woo la, ge ka tɔgehɛ tom to tɔ, 15A zone zɔya zuto dita baga dia bii a behe nyɛta Israel teŋa baga la te ba dɛna sɛla ba en. A ka bote a sagom a tadaana pɔga. 16A ka bobegere nɛnɛra, bii a biŋe nɔɔrɛ ge peŋe sɛla ge ka bɔta te a lebehe yɔ dɛ, A ka faanre, ge me bɔ'ɔra sɛba n ka tare dita, ge bɔ'ɔra sɛba me n ka tare yɛɛra, te ba yɛɛra. 17A ka sakere tara a nu'o tona be'em, ge me ka tara pɛmɛha nɛreba ge dɔgila ba. A tare mam nɔze'elego la me soŋa soŋa, ge dɔla mam malema la me soŋa. Nɛre ena daana kan ki a sɔ be'em la zuo, a yeti a vɔna me, malom vɔna. 18Ge a sɔ la wan ki a mɛŋa be'em la zuo, se'ere zuo, a tom la pim pim tooma, faanra a sɔɔnrɔ, ge tona toonbe'ero a nɛreba teŋasoka. 19Ge yan wan soke yeti, La yeti la eŋɛ la wane te a dayɔa la ka zi a sɔ la be'em la yɔɔrɛ toseto? Lan de se'em n wana, a dayɔa la n sone sɛla n nare ge dɛna tontɔɔ la, dɔla mam malema la zan'an soŋa soŋa la, a yeti a vɔna me, malom vɔna. 20Nɛra se'em n tom be'em la n wan ki'. Dayɔa kan zi sɔ be'em yɔɔrɛ, bii sɔ zi dayɔa be'em yɔɔrɛ. Tontɔɔ yɔɔrɛ bo'ore la tontɔɔdaana, ge te be'em me yɔɔrɛ dɔla be'emdaana. 21Ge potɔya la han ŋmɛregɛ a mɛŋa yehe a be'em la poan, ge dɔla mam malema la zan'an, ge tona sɛla n nare ge eta soŋa, a yeti a vɔna mɛ, a kan ki. 22A toonbe'ero seto woo te a tom la, la koyena me kan dɔla en. Enŋa n nya tone tontɔɔtooma la zuo, a wan vɔna. 23Mam ka tare popeelom la potɔya kum. Daana Na'ayenɛ la n yele. Ge ba han ŋmɛregɛ ba mɛŋa yehe ba be'em la poan na vɔna, bala me dagana la popeelom bo mam? 24Ge nɛra se'em me n de tontɔɔ nɛra, han ŋmɛregɛ yehe a tontɔɔ bɔŋa la poan tona be'em, tona toonfɛn'ɛha seto woo te potɔya tona la, a wan vɔna me yoi? A toonsoma se'a woo te a tom la la deyena me kan dɔla en. N dagɛ birikina la zuo, la toonbe'ero seto woo te a tom la zuo, a wan ki. 25Ge te ya sina ge yeti, To Daana n dole sose'ere la ya la dagɛ yelemɛŋɛrɛ Israeldoma wa kelehe ya. Mam sore la dagɛ yelemɛŋɛrɛ? Dagɛ yamam sore la n ton dagana yelemɛŋɛrɛ? 26Nɛre tontɔɔdaana han bɔna bɔna ta ŋmɛregɛ a mɛŋa yehe a tontɔɔ bɔŋa la poan tona be'em, a wan ki, de zuo be'em la te a tona la zuo te a wan ki. 27Ge potɔya han ŋmɛregɛ a mɛŋa yehe a pototooma la te a tom la poan, nya tona sɛla n de tontɔɔ, a wan nyɛ vom. 28Enŋa n behɛ nyɛ te sɛla woo te a tona la dela be'em, ge ŋmɛregɛ a mɛŋa yehe bo poan la, a wan vɔna, a kan ki. 29Ge la bala zan'an, Israeldoma kelom yeti to Daana n dole sose'ere la ya la dagɛ yelemɛŋɛrɛ. Israeldoma wa, la ton dɛna la mam sore la n dagɛ yelemɛŋɛrɛ wa? Dagɛ yamam mɛŋa sore la n dagɛ yelemɛŋɛrɛ? 30Bala zuo la, Israeldoma wa, n yeti n gankɛ ya zan'an mɛ, ayena ayena, nɛra woo la a gankerɛ. Daana Na'ayenɛ la n yele. Tee ya, ŋmɛregɛ ya yamehe yehe ya tuure la poan, ge da bahɛ ya te be'em la lobɛ ya. 31Yehe ya mɛŋa ya tuure yɛla tooma la te ya tom la woo poan bahɛ, ge la ya tee sunpaalɛ, la ya nyɛ sɛ paalega! Israeldoma wa, bene n sɔe te ya sina ge zin'an te ya ki bahɛ yoo? 32Se'ere zuo la mam ka tare popeelom la se'em sagom kum. Daana Na'ayenɛ la n yele. Tee ya, la ya vɔna!

will be added

X\