Ezekiel 11

1Sea la nya ɔnbegɛ mam saazuo, tare mam wa'an nayaŋa sɛka n boe Yenɛ Yire la dapoore bɔba la na. Te koleŋa la poan bilam, te mam nyɛ boraahe pihiyi' la senuu, te Azur dayɔa Yaazania la Benaiah dayɔa Pelatia n de ba la nɛŋadoma. 2Na'ayenɛ yele mam yeti, Asaala dayɔa wa, borasena wa n tone toonbe'ero, ge bɔ'ɔra potɔɔ kan'aŋɔ teŋa la poan la. 3Ba yeti yɛta te ba ka mɛ yiya wa nananawa, te teŋa wa dela dokɔ te tomam me dɛna nɛnɔ la. 4Bala la, tɔgɛ nɔbe'o bahɛ ba zuo. Asaala dayɔa wa, tɔgɛ! 5Te Na'ayenɛ Sea nya sige mam zuo na, yele mam te n yeti, Na'ayenɛ n yele se'em n wana: Israeldoma wa, yamam n yeti se'em n bala, ge mam min sɛla n boe ya sure poan. 6Ya ko nɛreba teŋa wa poan zo'e mɛ, ge perɛ ka sɔya wa zuto la kum ma'an. 7Bala zuo la, Daana Na'ayenɛ la n yeti se'em n wana: Nɛresɛba iŋganɛ te ya ko bahɛ ka poan la n de nɛnɔ la, ge te teŋkana wa me dɛna dokɔ la, ge n wan dige ya te ya yehe ka poan. 8Ya zote la so'a, so'a mea te n wan tare wa'an ya zuo na. Daana Na'ayenɛ la n yele se'em n bala. 9N wan dige ya te ya yehe teŋa la poan, ge dekɛ ya eŋɛ saama nu'uhen, ge dekɛ namehe kantɛ kɛn'ɛhe ya. 10So'a wan kɔrom ya. N wan bahɛ te gankerɛ sige ya zuo Israel teŋa beene woo poan. La wan baŋɛ te mam n seren de Na'ayenɛ. 11Teŋkana wa kan dɛna dokɔ bo ya, bii yamam dɛna nɛnɔ bo dokɔ la. N wan bahɛ te gankerɛ sige ya zuo na Israel teŋa beene woo poan. 12Ya wan baŋa te mam n seren de Na'ayenɛ se'em te ya ka dole a pa'alegɔ la bii a nɔbiŋ'a la. Ge ya daa ŋmɛregɛ me dɔla teŋse'ehe n lɛm ya la etegɔ. 13Mam daa boe bini pota la, Benaiah dayɔa Pelatia daa ki. Te mam lu aliko ge kaahɛ paŋa yeti, Aaa Daana Na'ayenɛ! Hom kɔ'ɔn yeti ho sagom Israeldoma wa la zan'an? 14Na'ayenɛ nya tɔgɛ mam yeti, 15Asaala dayɔa wa, ho sɔɔnrɔ la ho yire la bama n dɛna ziim boyena la ho la Israeldoma la woo n bala te Yerusalem teŋadoma yɛta tii ba zaan me la Na'ayenɛ te teŋa wa bo la tomam te ka dɛna to sɔ'ɔlom. 16Bala la yele ba te Daana Na'ayenɛ la n yele se'em n wana: La mam n pon tare ba keŋɛ zen'an n zaan ha ta yeregɛ ba bahɛ teŋhe woo poan la, ge lan da eŋɛ fiin wa la, mam mɛŋa n daa de ba pu'uhegɔ zen'an teŋse'ehe woo poan te ba yeregɛ bɔna la. 17Bala la yele ba te Daana Na'ayenɛ la n yele se'em n wana: N wan kan'ahe ya zen'se'ehe la teŋse'ehe woo poan te ya yeregɛ bɔna la lebena, la n dekɛ Israel teŋa la lebehe bo ya. 18Ba wan lebe ka poan na, ge vɔn' yelebe'seto woo la bage se'a woo n boe ka poan la bahɛ. 19N wan bo ba suunre se'ere n ka tɛn'ɛhe boyi' boyi', ge dekɛ sea paalega kɛn'ɛhe ba poan bahɛ, ge dekɛ suunre se'ere n ka kpe'em la kɛn'ɛhe ba. 20Te ba nya dɔla mam malema la mam nɔze'elego la soŋa soŋa. Ba wan dɛna mam nɛreba, te mam me dɛna ba Yenɛ. 21Ge han dɛna sɛba sunya n kɔ'ɔn kɛn' la ba baga la ba toonfɛn'ɛha la, n wan dekɛ be'em sebo te ba mɛŋa tom la bahɛ ba zuo na. Daana Na'ayenɛ la n yele. 22Te kelompagehedoma la te yiile la zɛ'a ba sakpeko la yeregɛ ba kelompagehe la, ge te Israel Yenɛ la soŋa yula ba zuin. 23Te Na'ayenɛ soŋa la ze'ele teŋa la poan ɛnkɛ yehe ta yula teŋa la dapoore bɔba zɔya la zuo. 24Te mam nyɛ n zaanheŋɔ la te Yenɛ sea la lilige bo mam la poan te Sea la ɔnbegɛ tare mam bama n daa kɛn'ɛre zen'an Babilon teŋa poan la na. Bilam te zaanheŋɔ la ba'ahɛ. 25Te mam yele n sɔɔnrɔ la sɛla woo te Na'ayenɛ lilige bo mam zaanheŋɔ la poan la.

will be added

X\