Yɛhega 39

1Ge te ba dekɛ gun sɔbele pɔɔnhegɔ la gun mɔlɔ la gun mɔle mɛŋka la tan peelega wogɛ toolom fuseto n wan yɛɛra tona Na'ayenɛ fa'a zen'an la poan. Ba wogɛ futo wa bo la Aron wo Na'ayenɛ n bo Moses a nɔɔrɛ se'em la. 2Ba dekɛ sanlema guno la gun sɔbele pɔɔnhegɔ la gun mɔlɔgɔ la gun mɔle mɛŋka la tanɛ peelega kpa' fuseko n yɛɛre baha duma zuo la. 3Ge ba dekɛ sanlema ŋmɛ' ba baanlehɛ, ŋma ba lagom la tan sɔbele pɔɔnhegɔ la, la tan mɔlɔgɔ la, la tan mɔle mɛŋka la, la tan peelega pɛ' fuo la. 4Ge ba ŋma bɔgɔrɔ zuo tana la, pɛ' nu'uhe tan baanlehe seyi' la te a wa'ana tuhe bɔgɔrɔ zuo tana la poan. 5Guno seto kpa' golɛ enŋa ko zuo dela sanlema guno mea la guno sɔbele pɔɔnhegɔ la gun mɔlega la gun mɔle mɛŋka la tan peelega mea, wo Na'ayenɛ n bo Moses a nɔɔrɛ se'em la. 6Ge ba ŋma kugu ponpɔnrɔsabelega la ba'ahɛ, dekɛ kɛn'ɛhɛ sanlema guno banhe la poan, golehɛ Israel dayɔɔhe la yu'ura enŋa a zuo te la gan'an wo kuta n dekɛ tuluga din'e daanlɛ te la gan'an se'em la, 7nya dekɛ a kɛn'ɛhɛ bɔgɔrɔ tana fugiriga la zuo, te a paga bilam tɛɛnha Na'ayenɛ Israel kɔma la yele, wo Na'ayenɛ n bo Moses a nɔɔrɛ se'em la. 8Ge ba maalɛ nyɔn'ɔn zuo funiho la wo ba maalɛ fugiriga la se'em la, sanlema guno la guno sɔbele pɔɔnhegɔ la gun mɔlɔgɔ la gun mɔle mɛŋka la tan peelega la. 9Ba pɛ funiho la, yunre de boyi', te de ana mɔkɔ, te de yaleŋa dɛna tabatɛ, te de woko me dɛna tabatɛ. 10Te ba nya dekɛ sanlenkuga la tagalɛ taaba sugumnɔɔren bonaahe tanɛ la zuo sige na, kuga atan' se'a n tagalɛ taaba yia la dela mɔlebagenɛ tagala mɔlɔdɔɔnrɔ nya tagala zenzengemɔlegɔ. 11Kugu se'a atan' n tagalɛ taaba sugumnɔɔren boyi' la me dela kugu dɛnlemadɛntɔ tagala poonhogɔ tagela beheŋa kugure. 12Kugu se'a atan' n tagalɛ taaba sugumnɔɔren botan' la dela kugu dɛnlemadɛnpoohogɔ tagela kugu ponpɔnra nya tagala kugu mɔlɔgɔ. 13Kugu se'a atan' n tagele taaba sugumnɔɔren bonaahe la dela kugu peele tagela ponpɔnrɔsabelega nya tagala am kugure. Ge dekɛ sanlema kure banhe dekɛ kuga wa ferɛ se poan. 14Kuga la zan'an dela kugu pia la ayi', ŋma lama lama, te ba golehɛ Israel dayɔɔhe pia la seyi' la la yu'ura eŋɛ a zuo. 15Ge ba kure sanlema zɔntɔ te to ane baanlehe baanlehe wo guno ga' funiho la n nyɛɛre baha nyɔn'ɔn zuo la. 16Ba kure sanlema banhe seyi', la se kɛn'ɛhegɔ zen'enhe seyi', nya dekɛ ga' funiho la nɔya ayi' poan. 17Ba nya dekɛ sanlema zɔntɔ la lo' banhe seyi' la n ga' funiho la nɔya ayi' la poan la, 18te zɔntɔ toyi' la nɔya n dekɛ tuhe banhe seyi' la nɔya la poan, gi de tara te de paga fugiriga la kaŋkaŋe. 19Te ba kure sanlema banhe seyi', dekɛ ba gorɛ funiho la kenkɛlehe n boe fugiriga. 20Ge ba nya kure sanlema banhe seyi', dekɛ se ga' fuo la bɔgɔrɔ tana la teŋa bɔba na, 21nya dekɛ funiho la banhe la, ta ga' la fugiriga la banhe la n ga' ko bɔgɔrɔ tana la poan la banhe la, te la gin' funiho la tara te de da ka lɔrɔgera wo Na'ayenɛ n bo Moses a nɔɔrɛ se'em la. 22Ba dekɛ guno n de sɔbele pɔɔnhegɔ wogɛ pɛ' fuwoko seko n de sɔbele pɔɔnhegɔ la, 23ge ŋmaɛ zuo tuhega zen'an la wo fukanra zuo tuhega zen'an n ne ŋmaɛ se'em la, nya kpa' zuo tuhega zen'an la kae, te la da ta'an aanhegɛ. 24Fuo la teŋa na, kpamehegɔ la zen'an la, ba dekɛ la guno n de sɔbele pɔɔnhegɔ la gun mɔlɔgɔ la gun mɔle mɛŋka la gun peelega pɛ' *pomegranate yule bilam. 25Ge ba dekɛ sanlema kure loma yule guno *pomegranate la teŋasoka, fuo la kpamehegɔ teŋa na la kae. Fukoŋɔ n wan yɛɛra tona Sogorɛ la poan, wo Na'ayenɛ n bo Moses a nɔɔrɛ se'em la. 26Pɛ' lomenɛ lɛm guno *pomegranate woo kae fuo la teŋa la zan'an wo Na'ayenɛ n bo Moses nɔɔrɛ se'em la. 27Ba dekɛ tanpeela pɛ' fuwogopeela la me bo Aron, la a dayɔɔhe la, 28ge dekɛ tan peelega pɛ' zu vongehe la, la tana se'a n vugere zuo, la kurehe se'ehe n senge poan la, 29ge dekɛ tan peelega la guno sɔbele pɔɔnhegɔ la gun mɔlɔgɔ la gun mɔle mɛŋka pɛ' gabehe la la fupinho wo Na'ayenɛ n bo Moses a nɔɔrɛ se'em la. 39 30Ba dekɛ sanlema kure bonlamehega sɛka n wan lama zuvɔnka la nɛŋa la, golehɛ ka zuo te Na'ayenɛ Ma'an Denɛ, 31ge ba dekɛ guŋo n de sɔbele pɔɔnhegɔ pɛ' ka lamenɛ zuvɔnka la, wo Na'ayenɛ n bo Moses a nɔɔrɛ se'em la. 32Sogorɛ wa n tin' ba'ahɛ se'em n bala, Israeldoma wa eŋɛ sɛla woo mɛ wo Na'ayenɛ n bo Moses a nɔɔrɛ se'em la. 33Te ba nya tare Sogorɛ wa wa'ana bo Moses la sɛla n wan pile ko la ko lɔgɔrɔ la zan'an la ko kpa'ahe la kolehe dɔɔrɔ la dɔɔseto n pagele la dɔɔsaala la dɔɔrɔ ze'elehe la 34piihe gana se'a n vɛɛn la gana se'a n kpe'em wan dekɛ pile la tana se'a n wan lo' yule Saraa la nɔɔrɛn la 35nɔbiŋere daka la ka dɔɔsaala seto n wan tara ziira ka la be'em duuhego liŋa la 36tebole la de lɔgɔrɔ zan'an la boroboro se'ere n wan gan'an Na'ayenɛ nɛŋan daarɛ woo la 37sanlema butolela zɛ'ɛlega la te ka butolehe bibihe la suga ka yila la zuo la ka lɔgɔrɔ woo la kaam sebo n wan tara lameha ka la 38la sanlema ko'ɛnka daka la toolom soa kaam la ko'ɛnka la tana se'a n wan lo' yule nɔɔrɛ sɛka n dole kɛn'ɛra Sogorɛ la mɛŋa poan la 39kaanbegɔ daka la n dekɛ nyɔgom kure la nyɔgom n dekɛ kure bonlamehega kae ka teŋa la, la ka dɔɔsaala la n wan tara ziira ka la laahe la laakanra la lɔgɔseto woo n wan tara tona daka kaŋa tooma la laapɛrega a la ka zɛ'ɛlega la 40tana se'a n wan lo' yule pin' zenzaka la zenzaka la dɔɔseto la to ze'elehe la nɔɔrɛ sɛka n dole kɛn'ɛra ka poan na la ka mi'inhe la kpa'ahe la lɔgɔseto woo n wan tara tona Sogorɛ la 41toolom lɔgɔsonɔ la te Aron la a dayɔɔhe la wan dɛna malemadoma yɛɛra tona malema tooma la. 42Israeldoma wa tom sɛla woo mɛ wo Na'ayenɛ n bo Moses a nɔɔrɛ se'em la. 43Moses n nyɛ te ba tom toonɛ la wo Na'ayenɛ n bo a nɔɔrɛ se'em la, te a kan' som bahɛ ba zuo.

will be added

X\