Yɛhega 29

1Malema se'a te ho wan malom bo ba ge te ba ta'an dɛna malemadoma tona bɔ'ɔra mam. Nyɔkɛ lɔlega la peraahe seyi' n ka tare dɛngerɔ la 2boroboro la kaam boroboro la boroboro bonpegehe te ba tare zomsomɔ maalɛ ba te mi'ihom ka bɔna ka poan. 3Dekɛ ba zan'an eŋɛ pi'ɔ koyena poan tare na la lɔlega la peraahe seyi' la. 4Tare Aron la a dayɔɔhe la wa'ana ze'ele Sogorɛ la nɔɔrɛn sɔ ba la ko'om. 5Ge dekɛ futo la, yɛɛlɛ Aron. Fupeelega la yia, tagela fusɔbele pɔɔnhegɔ la, tagela fugiriga la, tagela nyɔn'ɔn zuo funiho la, nya dekɛ sɛganɛ la n golɛ la bobe, 6dekɛ zuvɔnka la vuge en, te sanlema bonlamehega la te golehegɔ la bɔna la ta' zuvɔnka la. 7Te ho nya dekɛ toolom kaam la ka'ɛ eŋɛ Aron zuo te la dɛna kaam soa. 8Tare a dayɔɔhe la me wa'ana degehɛ fupeela yɛ ba, 9lo' ba sɛgana, ge dekɛ ba zuvɔngɔhe vuge ba, bama buuri n wan dɛna malemadoma yɛ'ɛha. Te ho nya maahom Aron la a dayɔɔhe la, te ba dɛna malemadoma. 10Tare lɔlega la wa'an Sogorɛ la nɔɔrɛn na. Te Aron, la a dayɔɔhe la degehɛ ba nu'uhe pagelɛ lɔlega la zuo zuo, 11te ho kɔrɔgɛ ka Na'ayenɛ nɛŋan, Sogorɛ la nɔɔrɛn, 12poregɛ lɔlega la ziim bosebo tare ta dekɛ ho nu'dibila ma'ala ziim la taala iila la n sɛ kaanbegɔ daka la zuin na la, ge ziim sebo woo n gee la, ho ka'ɛ bo biŋe daka la teŋa. 13Lagɛ nahɔ la kaam sebo woo n pin' bo nyɔɔrɔ, la bo sunsure, la bo sɛyiga, la kaam sebo woo n boe ba poan la zan'an, nyɔ' daka la zuo. 14Ge lɔlega la nɛnɔ la ka ganɛ la ka bino la zan'an, tare bama yehe po'ohegɔ zen'an la kenkɛleŋa ha, ta nyɔn' ba la bugum bilam ha, te la dɛna yelebe'ero duuhego kaanbegɔ. 15Ge loe peraa la kayema, te Aron, la a dayɔɔhe la degehɛ ba nu'uhe pagelɛ ko zuo, 16te ho kɔrɔgɛ kɔ, tɔgelɛ ko ziim la, tare ta ka'ahɛ yeele kaanbegɔ daka la loga la zan'an. 17Ge aanhom peraa la nɛndaahe la woo biŋe, ge pee ka nyɔɔrɔ, la ka bɛɛhe, dekɛ ba pa'ahɛ nɛnɔ la poan, la zuo la zan'an, 18pa'ahɛ nɛnɔ la zan'an poan nyɔ' tɔ daka la zuo, te to dɛna nyɔ'an bo'olom, dɛna nyuŋo soŋɔ, nyɔ'an bo'olom bo Na'ayenɛ. 19Dekɛ peraa sɛka n yee la, te Aron, la a dayɔɔhe la degehɛ ba nu'uhe pagelɛ ko zuo, 20te ho kɔrɔgɛ kɔ, dekɛ ko ziim la bosebo ma' Aron zuɔ toberɛ teŋanɔɔren bɔba na, ge ma' a dayɔɔhe la me zuɔ toberɛ teŋanɔɔren bɔba bala mea, ge ma' ba zuɔ nu'dibidɔɔrɔ, la ba zuɔ na'dibidɔɔrɔ, ge ka'ahɛ ziim sebo n gee la woo yeele kaanbegɔ daka la loga la zan'an kae. 21Ge vaɛ ziim sebo te ho ka'ɛ ne biŋe daka zen'an la, poregɛ soa kaam la, pa'ahɛ bo poan tare na miihe Aron iŋa, la a futo la, la a dayɔɔhe la, la ba futo la me, te enŋa, la a futo la dɛna fa'a, te a dayɔɔhe la, la se futo la me dɛna fa'a. 22Yehe peraa kaŋa kaam, la ka zo ko'orɛ la, la kaam sebo n pin' ka nyɔɔrɔ, la ka sunsure, la ka sɛyiga a yi la, la kaam sebo woo n boe ba poan la, la ka zuɔ gbere. Se'ere n sɔe la, ka dela malema pehego, 23ge loe pi'ɔ la poan te boroboro te mi'ihom ka bɔna ka poan zɛ'a Na'ayenɛ nɛŋan la, boroboro deyena, kaam boroboro deyena, la boroboro bonpegehe deyena. 24La ho dekɛ lɔgɔtona eŋɛ Aron, la a dayɔɔhe la nu'uhen, te ba zɛnkɛ tɔ saazuo pa'alɛ, te lɔgɔtonɔ dɛna Na'ayenɛ denɛ. 25Te ho nya to'e lɔgɔrɔ la ba nu'uhen, dekɛ tɔ pagelɛ daka la zuo nyɔ', te la dɛna nyuŋo soŋɔ, bo'olom bo Na'ayenɛ. 26Dekɛ peraa sɛka te ho dekɛ malom Aron kenɔ malema la nyɔn'ɔn zɛnkɛ pa'alɛ Na'ayenɛ, te ko dɛna Na'ayenɛ denɛ, te hom sɔna koŋɔ. 27Dekɛ nyɔn'ɔn la, la gbere se'ere n zɛnkɛ ne pa'alɛ Na'ayenɛ la, dɛna peseko n dekɛ malom Aron, la a dayɔɔhe la n wan dɛna malemadoma la malema la te bama dɛna Aron, la a dayɔɔhe la denɛ. 28Malema ana wan dɛna la Aron, la a dayɔɔhe denɛ, Israeldoma wa poan saŋa woo. Se'ere n sɔe la, la dela bo'olom kaanbegɔ, kaanbegɔ seko te Israeldoma wa wan tara ba kaanbegɔ bo'olom, la ba popeelom bo'olom bɔ'ɔra mam Na'ayenɛ. 29Aron han ka ta bɔna, toolom futo wa wan tee dekɛ bo a dayɔse'ehe n boe, futo la wan bi'ihe, ge kpemehe ba, ba kaam soa daarɛ la. 30Dayɔsɛka n wan sɔe Aron na'arɛ dɛna malemadaana, kɛn'ɛra Saraa la poan na kaanbera la, a wan yɛ futo wa la bala ka yɛɛra, tara tara la dabeha ayopɔe. 31Dekɛ malema pehego wa nɛnɔ la dogɛ tɔ dokɔ poan, fa'a zen'an wa poan, 32te Aron, la a dayɔɔhe la zin'ire Sogorɛ la nɔɔrɛn obe nɛnɔ la, la boroboro la n boe pi'ɔ la poan la. 33Bama ma'an n wan dita yelebe'ero sugurom dia wa, te la pa'alɛ te ba yehe ba mɛ ze'ele bo Na'ayenɛ, se'em ka boe wan lagom di ka, se'ere zuo, ka dela toolom dia. 34Nɛnɔ la, bii dia la han gee yelegɛ beere, ba da le di, kan'ahɛ ba ta nyɔ' la bugum. Se'ere n sɔe la, di kana wa dela toolom dia. 35Eŋɛ Aron, la a dayɔɔhe wa, wo mam n pa'alɛ ho se'em la, dekɛ ba doohe dabeha ayopɔe la poan, malom malemadoma malema la bo ba. 36Daarɛ woo lɔlega n kaanbere, te kaŋa dɛna be'em duuhego kaanbegɔ. Kaanbɛ be'em duuhego wa la sɔ' kaanbegɔ daka la kaam, te la pa'alɛ te ho pee ka mɛ n bala. 37Dabeha ayopɔe kaanbɛ be'em duuhego wa bo kaanbegɔ daka la. Te ka dɛna toolom lɔkɔ te sɛla woo n kalom ka me wan dɛna toolom lɔkɔ. 38Lɔgɔseto n wan tara kaanbera daka la zuo daarɛ woo dela, pe bibihe seyi' n de yuunɛ. 39Kɔrɔgɛ pebila kayema bolika, ta kɔrɔgɛ kayema la me zanɔɔrɛ. 40Tara zom somɔ wola, kaam wolehe, la daam yugela, te la dɛna daam bo'olom kaanbegɔ, pa'ahɛ la peseko n kaanbere bolika la. 41Pe seko me n wan kɔrɔgɛ zanɔɔrɛ la, ho tara ki bo'olom, la daam bo'olom wo bolika kaanbegɔ la. Nyɔ' ba, la bugum, te ba dɛna nyuŋo soŋɔ kaanbegɔ bo Na'ayenɛ. 42Kaanbegɔ kona wa n wan dɛna ho buuri wa saŋa woo kaanbegɔ, te ba ne wan wa'ana ze'ele Sogorɛ la nɔɔrɛn, zen'sɛka te n ne wan wa'ana tɔgɛ la ho la, kaanbɛ. 43N ne wan wa'an Israeldoma wa zen'an bilam na, te n tebehom to'e zen'an la. 44N wan duuhe Sogorɛ la kaanbegɔ daka la te ba dɛna toolom, la Aron, la a dayɔɔhe la n boe la en la, te ba dɛna malemadoma, tona bɔ'ɔra mam. 45N wan bɔna la Israeldoma wa, dɛna ba Yenɛ. 46Te ba baŋɛ, te mam n de Na'ayenɛ la, ba Yenɛ se'ere n tare ba ze'ele Mizraim teŋa yehe na te n bɔna la ba la, mam n de Na'ayenɛ la n de ba Yenɛ la.

will be added

X\