Yɛhega 2

1Saŋkaŋa mea poan te boraa kayema n de Levi buuri, di Levi buuri poan pɔka. 2Te a pɔga la nyɔkɛ poorɛ dɔgɛ bodibila. Te bia la ana soŋa, te pɔka wa sogora bia la, tara tara la ŋmarehe setan'. 3N ka le ta ta'an sogɛ bia la saŋsɛka poan la, te a dekɛ pi'ɔ, takɛ ko la sin'iro, dekɛ bia la eŋɛ ko poan, dekɛ ko liŋa vuge, te ko'om kan ta'an kɛn' ko poan, tare ko ta yagelɛ kolekatema n boe Nile Kolaa la ko'om nɔgbenɛ, 4ge te bia wa tanya zɛ'a kenkɛleŋa ge behera sɛla n wan eŋɛ ka sɔɔn la. 5Te Faro pɔyɔa ta sige kolaa la poan na te a sɔ iŋa, te a yamehe la kaara kolaa la nɔgbenɛ, te naba pɔyɔa wa ta nyɛ pi'ɔ la en yage kolekatema la zuo ko'om la poan la, tom a yameŋa te ka keŋɛ ta dekɛ pi'ɔ la na. 6Te a vuke pi'ɔ la, nyɛ te bia boe bini dɛna bodibila, kɛla, te ninbɔn'ɔn nyɔkɛ en, te a yeti, Bia wa dela Hebru buuri wa bia. 7Te bia wa tanya la paɛ na soke Faro pɔyɔa la yeti, N keŋɛ ta yi Hebru pɔka na te ka to'e en behera bɔ'ɔra hɔ? 8Te a yeti, Ɛɛn, ta yi' na. Te pugula la keŋɛ ta yi bia la mɛŋa ma la na. 9Te Faro pɔyɔa wa yele pɔka la yeti, Tare bia wa kule ta behera en bɔ'ɔra mam, ge te n yɔɔra hɔ. Te pɔka la tare bia la kule ta behera ka. 10Te bia la ta zo'e kotɛ, te ka ma la tare ka keŋɛ ta bo Faro pɔyɔa wa, te a dekɛ en lebege a dayɔa, segɛ ka yu'urɛ Moses, de vɔnrɛ dela mam yaɛ ho la ko'om poan na. 11Moses bonkotɛ poan te a yehe daarɛ deyema te a ta behɛ a buuri Hebrudoma la, nya ta nyɛ ban pɛnregere ba te ba tona toonkanra se'em. Bilam, te a nyɛ te Mizraim nɛra ŋmɛ'ɛre a sɔɔn Hebru nɛra. 12Te Moses behɛ bilam zan'an te nɛra ka behere en na, te a ko' Mizraim teŋa nɛra la, pin' ka tentɔnɔ poan. 13Yiimbeere, te Moses le keŋɛ a buuri Hebrudoma wa zen'an, ta nyɛ te Hebrudoma bayi' zabere, te a soke se'em n ka tare boorɔ la yeti, Bene te ho ŋmɛ'ɛra ho ma bia? 14Te boraa la lebehe soke en yeti, Ane n bo ho sore te ho behera, ge gankera tomam? Ho yeti ho ko mam me wo hom zam ko Mizraim nɛra la se'em la? Te dabeem kɛn' Moses, te a tɛn'ɛhɛ bo a mɛŋa yeti, ba baŋɛ yele la mɛ. 15Te Faro ta wom yele ana wa, zegera te a ko' Moses, te Moses zɔ' keŋɛ ta bɔna Midian teŋa poan. 16Te tendaana bɔna Midian teŋa la poan tare pɔyɔɔhe seyopɔe, te Moses ta kɛn' teŋa la poan, ɛ ta paɛ bulega poan, yaga ka nɔɔrɛn, te pugunto wa n bala sige na te ba ankɛ ko'om bo ba sɔ piihe, 17te duŋkeema basɛba wa'ana sa'aha pugunto la, te Moses ka sakɛ, ge ihege na po'e pugunto la, ge lagom ankɛ ko'om la bo ba dunhe la. 18Te pugunto la kule, te ba sɔ Aruel ta soke ba yeti, Wane te ya zina lebe wana kalam na? 19Te ba yele ba sɔ la yeti, Mizraim nɛra en soŋɛ to, sa'ahɛ duŋkeema la, ge lagom ankɛ ko'om bo to dunhe la bo tɔ. 20Te ba sɔ la soke a pɔyɔɔhe wa yeti, Ka bɛɛ? Wane te ya ka tare ka na. Keŋɛ ya ta yele en te a wa'ana te ya bo en ko'om. 21Te Moses sakɛ te a wan bɔna la boraa la, te boraa la dekɛ ka pɔyɔa Zipora bo en te a dɛna a pɔga. 22Te pɔka la ta dɔgɛ bodibila, te Moses segɛ bia la yu'urɛ Gersom, de vɔnrɛ dela, mam dela saana teŋa wa poan. 23Te la bɔna bɔna te Mizraim teŋa naba la ta ki, te Israeldoma kelom bɔna ba yamenɛ la poan kaaha ɛɛra soŋorɛ, te ba kaahega la paɛ Yenɛ. 24Te Yenɛ wom ba fabelegɔ la, ge tɛɛn a nɔbiŋere se'ere te a biŋe la Abraham, Isaak, la Yakob la. 25Te Yenɛ suure behɛ Israeldoma wa na.

will be added

X\