Ester 6

1Yu'uŋɔ koŋɔ mea poan, naba ka ta'an wan ginhe, ge nya tom te ba dekɛ gɔŋɔ seko te ba golehɛ yelese'a n eŋɛ a sɔ'ɔlom la poan eŋɛ ko poan la tare na bo en. 2Te ba tare gɔŋɔ la na bo en, te a kaanlɛ ta paɛ zen'an te Mordekai te Bigtana, la Teres ɛɛra sose'ere te ba wan doohe ko' naba Ahasurus, te Mordekai baŋɛ wa'ana yele naba la se'em. 3Naba la soke yeti, Bene te ba eŋɛ bo Mordekai wa, la en tom se'em yele wa poan la? Te naba la tontoneba sɛba n boe a nɛŋan la yeti, Ba ka eŋɛ sɛsɛla bo en. 4Te naba la le soke ba yeti, Ane n bala bɔna zenzakai ha wa? Bala ma'an la te Haman n bala nan sigera naba zenzakai na te a sɔnhɛ bo en te ba nyɔkɛ Mordekai ta le yule enŋa n sɛsɛla ze'ele te ba yule en la poan. 5Te naba tontoneba la lebehe yele naba yeti, Haman n ze' ho zenzakai la. Te naba me yeti, Yele ya en te a kɛn' na. 6Te Haman kɛn' na, te naba soke en yeti, Mam bote n eŋɛ la nɛra ayema soŋa, bala yele mam, bene te n wan eŋɛ bo en? Te Haman tɛn'ɛhɛ bo a mɛŋa yeti, Ane te naba wan bota te a eŋɛ en soŋɛ gana mam? 7Te a yele naba la yeti, Som sebo te hom naba wa eŋɛ bo nɛra se'em te ho bɔta te ho eŋɛ en soŋa la dela 8bahɛ te ba dekɛ hom naba mɛŋa n yɛɛre fuseto la, la yeho sebo te a ban'ara, te na'am muŋa vuga bo la. 9Bo naba kpɛ'ɛndoma la ayema, ta a nya tare na bagɛ en, ge bagɛ yeho, nya gorɛ en te a zom yeho la, te a nya tare en yehe teŋa la poan kaara ge nya mɔɔle te nɛra woo n sone te a ete se'em n bala bɔ'ɔra nɛra se'em te naba mɛŋa loe en la 10Bala te naba yele Haman yeti, Eŋɛ kalam la ho ta dekɛ n futo la, la yeho la wo hom yele se'em la, la ho yehe ta bagɛ Yudoma nɛra la n zin' mam nayaŋa nɔɔrɛn la, ta bahɛ sɛla hom pa'alɛ se'em la poan. 11Bala te Haman kɛn' ta dekɛ naba na'am fuo la, la naba yeho la, nya yehe na bagɛ Mordekai nya bahɛ te a zom naba yeho la zuo. Te a nya tole nɛŋa nya mɔɔla yeti dɔla teŋa la poan wan kaara yɛta te ba wan eta se'em bɔ'ɔra nɛra se'em te naba mɛŋa loe wa n wana. 12Te bala tole, te Mordekai lebe naba nayaŋa la poan, ge te Haman kule a yire la nintam, la vi. 13Haman n ta yele a pɔga Zeres, la a zɔdoma la sɛla n eŋɛ la, te nɛresɛba n kan' ane n la, la a pɔga Zeres yele en yeti, Han dɛna te Mordekai se'em te hom te'ele lu a nɛŋan wa dela Yudoma nɛra, ho ye pan'ahe la ho mɛŋa, ho kan nyaŋɛ ze'ele la en, ho yeti ho lu mɛ a nɛŋan. 14Ba boe bini sonhera la bala bɔ'ɔra Haman, te naba kpɛ'ɛndoma n bala paana ve'e Haman, kanbela yɛ'a te enŋa la naba keŋɛ ta di disɛka te Ester maahom ze'ele naba la.

will be added

X\