Ester 5

1Dabeha atan' la daarɛ la te Ester dekɛ a lɔgɔsonɔ yɛ, nya sige naba zenzakai ze'ele tɔ naba sɔnhega deo la, bala ma'an la te naba me zin' la a gɔŋɔ zuo a sɔnhega deo la poan. 2Naba la niho n ta tɔ Ester la a poorɛ pee mɛ la en, te a zɛnkɛ a sanlema doore la ta a zanla a nu'uhen la tɔ Ester. Te Ester paɛ naba la nɛŋa kalom sanlema doore la. 3Te naba soke en yeti, Ester, hom dela n pɔgɔkeema yele mam sɛla te ho bɔta ge n wan bo ho, la han pon dɛna la mam sɔ'ɔlom wa porogere te ho bɔta n wan dekɛ bo ho. 4Te Ester lebehe yeti, Ho han sakɛ ne, mam maahom la dia bote ne te hom, la Haman wa'an zina na di. 5Te naba la tom te ba yi Haman te a wa'an kalam na, te ba eŋɛ wo Ester n bote se'em la. Te naba, la Haman seren doohe taaba keŋɛ te ba ta di di sɛka te Ester maahom bo naba la. 6Ba ta bɔna bini nyuura la daam, te naba soke Ester yeti, Yele mam sɛla n daane hɔ, te n maalɛ bo ho, la. Yele mam hom bote sɛla ge n wan bo ho, la han pon dɛna mam sɔ'ɔlom wa porogere te ho bɔta, n wan dekɛ bo ho. 7Te Ester lebehe yele naba yeti, Sɛla n daane mam, la mam bote Sɛla dela, 8Hom naba han seren nɔŋɛ mam mɛ, ge me pee la puurɛ te ho eŋɛ sɛla woo te mam bɔta bo mam beere, n wan le maahom dia ze'ele te hom naba la Haman le wa'ana di. Ya ha wa'ana di ba'ahɛ mam nya wan yele hom naba, sɛla n daane mam, la mam n bote sɛla. 9De daarɛ la, Haman ze'ele Ester yire yehe mɛ la popeelom, la paŋa. Ge en yehe na nyɛ te Mordekai zin' naba nayaŋai la ka lagom ihege saazuo bo en, bii a gbi'ira wo nɛra woo n nyɛ enŋa Haman eta se'em la, te a sunsunya le nyie la Mordekai. 10Ge te Haman nyɔkɛ a mɛŋa bala baanlam kule a yire. Ge nya tom yi a zɔdoma, la a pɔga Zeres na, 11nya pa'alɛ ba enŋa n tare se'em, enŋa dayɔɔhe n zone se'em, la naba n pa'ahɛ enŋa kpe'eŋo se'em te enŋa gana naba kpɛ'ɛndoma la woo se'em. 12Ge nya yele pa'ahɛ te, naba pɔgɔkeema Ester mɛŋa maahom dia mɛ te a bo naba, ge tom soolom na yeti, nɛnɛra da doohe n han dagana mam Haman wa ma'an doohe la naba wa'ana di dia la. Beere le yɛ'ɛha, mam te a le yi, te n doohe la naba le lebena te to di di sɛka te a maahom ze'ele naba la. 13Ge yele ana zan'an dela yoo bo mam han kelom nyɛta Yudoma nɛra Mordekai wa te a zin'an naba nayaŋa nɔɔrɛn la. 14Te a pɔga Zeres, la Haman zɔdoma la te a sonha bɔ'ɔra ba la yele Haman yeti, La tɔe me yoi? Bahɛ te ba sɛ dɔɔrɔ te to woko dɛna santira pihinuu te beere te ho yele naba te ba nyɔkɛ en ta yule bini ge te ho doohe la naba la popeelom keŋɛ ta di Ester n maahom di sɛka te a bo naba la. Haman n wom kan'aŋɔ kona wa la, a poorɛ pee mɛ, te a bahɛ te ba sɛ kuto la.

will be added

X\