Ester 3

1Yele ana tole ba'ahɛ mɛ, te naba Ahasurus le pa'ahɛ Agag boraa Hamedata dayɔa Haman kpe'eŋo, ba' zɛnkɛ en saazuo gana a kpɛ'ɛn taaba la woo n boe teŋa la poan la en la. 2Te naba Ahasurus bo sɛba woo n tone naba yire la poan zin'an naba nayaŋa nɔɔrɛn la te ba han ne nyɛ Haman, ba suuta zuto ge dɔnbe ta teŋa na'aha en. Yele dena wa te Mordekai ka sakɛ eta 3te naba yire kpɛ'ɛma la woo n ne zin'an naba zɔŋɔ nɔɔrɛn soke en yeti, Bene n sɔe te ho ka nana naba nɔɔrɛ la te a bo la? 4Ge ban tɔgɔre bala bɔ'ɔra Mordekai daarɛ woo la, a ka malom tɛɛra a potɛn'ɛrɛ, te ba nya yele Haman te ba baŋɛ nya Mordekai wan tee a potɛn'ɛrɛ la bii a kan tee, la n pon deŋɛ yele ba Yudoma nɛra. 5Haman n ta kpanhɛ baŋɛ te Mordekai ka dɔbeta teŋa na'aha enŋa la, te a suunre nyie la Mordekai, 6Te a behɛ te a han pon damɛ Mordekai ma'an ge bahɛ a buuri la, la dela yoo, Bala n ta baŋɛ te Mordekai buuri dela Yudoma la, a nya kɔ'ɔn ɛɛra la sɔrɔɔ seto te a wan doohe ko' Mordekai, la Yudoma la woo n boe naba Ahasurus sɔ'ɔlom poan la. 7Naba Ahasurus na'am dia yuum pihiyi' la poan pɔhega ŋmarega la te ba yi'ira ka Nisan la pɔhega daarɛ te Haman ŋmɛ' gbaŋa te a loe ŋmaresɛka, la daanse'ere poan te a wan ko' Yudoma la n de Mordekai nɛreba la zan'an teŋa la poan daarɛ woo, te gbaŋa la lu ŋmarega pia la seyi' la te ba yi'ira Adar, la zuo, ka dabeha pia la atan' daarɛ. 8Te Haman ihege keŋɛ naba Ahasurus zen'an ta yele en yeti, Naba, buuri deyema n kɔ'ɔn yeregɛ bɔna ho sɔ'ɔlom wa poan zen'an woo te ze'elego, seko te ba dekɛ gu' ba mɛŋa la bɔna koyema la buuri wa woo a boe ho sɔ'ɔlom wa poan n dole ze'elego seko la, ba ka dole hom naba ze'elego la te ho dekɛ gu' ho sɔ'ɔlom wa la bala zuo la, la ka nare ho bahɛ te buuri dena wa vɔna ho sɔ'ɔlom wa poan. 9Bala la han wan dɛna bala, ho bo nɔɔrɛ te ba doohe ho sɔ'ɔlom wa poan zan'an sagom ba ge mam mɛŋa wan yɔ sɛba woo n doohe sagom ba la sanlenpeelega bɔɔrehe tuha pia ban tom la zuo, te ba me tare wa eŋɛ hom naba ligiri poan. 10Bala te naba pirege a nu'toa bo Agag boraa Hamedata dayɔa Haman se'em nya de Yudoma la diŋdaana la. 11Ge a nya yele Haman yeti, Sɔna ligiri la, la nɛreba la, la ho eŋɛ ba hom n bote se'em. 12Pɔhega ŋmarega dabeha pia, la a tan daarɛ, te ba lagahɛ naba gɔŋgoloheba la woo na, te Haman pa'ale ba te ba golehɛ bo gɔŋminiba la, la sɛba woo n de kpɛ'ɛndoma teŋa la poan me behera teŋkanra la, la buuri buuri la kpɛ'ɛndoma la woo n boe teŋa la teŋkanra woo poan la, buuri woo la de gɔŋɔ de yetɔgom poan. Gɔŋɔ la daa golehɛ la naba Ahasurus yu'urɛ poan, te a nu'toa danlehom din'ɛn ko poan. 13Nya ba dekɛ gɔŋɔ la tom nɛreba te ba tare doohe teŋa la poan teŋhe woo poan tɔnrɛ, gɔŋɔ la woo poan golehɛ yeti ba doohe teŋa la woo poan sagom, bii ko, bii piie Yudoma la woo teŋa la poan daanyenɛ ŋmarehe pia, la seyi' la n yi'ira Adar ŋmarega la, ka dabeha pia, la atan' daarɛ Bahɛ, ge tan ba lɔgɔrɔ. 14Gɔŋɔ wa dela ko paɛ teŋa woo n boe teŋa la poan, yɛta teŋa nɛreba yeti ba maahom ba mɛŋa gura dabaherɛ la. 15Tom nɛreba naba yu'urɛ poan, te ba dekɛ gɔnɔ wa zɔ kae zen'se'ehe woo n sone te gɔnɔ la paɛ la, la Susa mɛŋa poan. Te naba la, la Haman nya zin'an nyuura, ge dita, ge te Susa teŋa nɛreba ana bora.

will be added

X\