Efɛɛzɩ 6

1Le pa'ahɛ, yamam kɔma me, nana ya dɔgɔreba Yenɛ sore la poan. Se'ere n sɔe la, la dela ya tone te ya eta bala. 2Dena n de yia yele n tare nɔbiŋere, Na'aha ho sɔ la ho ma, 3Bala te ho wan tara vom woko teŋsɛka te ya Na'ayenɛ la n de ya Yenɛ dekera bɔ'ɔra ya wa poan. 4Bala mea, yamam sɔdoma la madoma me ka sontii ya eŋɛ ya kɔma sɛla n wan bahɛ te ba sunsunya nyie. Ge yan wan ton eŋɛ se'em dela ya kan'ana ba wo sɛba n dole Na'ayenɛ sore la ge pa'ala ba sɛla n nare ba eta. 5Le kelom pa'ahɛ yɛ'ɛha, yamam yamehe me nana sɛba n sɔe ya behera teŋa wa zuo la. Bo'ore ya ba na'ahegɔ ge me zote ya ba. Ya han eta dena wa, ya ete dɛ la ya sunya zan'an zan'an wo ya ete dɛ bɔ'ɔra la Krista la. 6Da ne gure ya te ya ta nyɛ' ba ge pin'ilom eta dena wa te ba ta'an yete ya de nɛresoma. Ge ya dekɛ ya suunre zan'an zan'an la ya eŋɛ sɛla te Na'ayenɛ bɔta wo Krista yamehe la. 7Bala, tone ya ya tooma la ya potɛn'ya zan'an zan'an wo ya dela yamehe tona bɔ'ɔra Na'ayenɛ gee dagɛ asaala la. 8Mina ya te Na'ayenɛ wan yɔ' nɛra woo sɛba n de yamehe la sɛba n dagɛ yamehe yɛhera la toon somse'a te ba tom la. 9Yamam me sɛba n tare yamehe me eta bala bɔ'ɔra ba ge da eta ya sɛla n wan tara dabeem kɛn'ɛha ba. Mina ya te yamam mɛhe la ya yamehe la me tare Daana te a bɔna saazuo ha. A gankere nɛra woo la boyena. 10Ba'ahegɔ poan, kpeŋe ya ya mɛhe ge sɛ' ze'ele soŋa soŋa ya bɔŋa Na'ayenɛ poan la a paŋsɛka n gane sɛla woo la poan. 11Dekɛ ya Yenɛ zaberɛ lɔgɔrɔ la yɛ'. Bala te ya wan ta'an sɛ' ze'ele ge te Sagona la kan dekɛ a be'emtooma la nyaŋɛ ya. 12Se'ere n sɔe la, to ka zaberɛ mɛ la saaleba, ge to zaberɛ mɛ la bonbɛ'ɛhe la ba kpɛ'ɛndoma, la paŋbɛ'ɛhe n sɔe saazuo behera. 13Bala, dekɛ ya Yenɛ zaberɛ lɔgɔrɔ la yɛ'. Bala, te dabaherɛ be'o daarɛ la han paɛ ya na, ya wan ta'an sɛ' ze'ele bala mea. Ya me han zabɛ ta paɛ ba'ahegɔ, ya wan kelom sɛ' ze'ele ge te a kan nyaŋɛ ya. 14Dene poan, sɛ' ya ze'ele mɛ soŋa soŋa. Gee Yenɛ zaberɛ lɔgɔrɔ la dela dena wa. Bahɛ ya te yelemɛŋɛrɛ bɔna la ya wo sɛganɛ te ya dekɛ lo' ya sɛɛhe kaŋkaŋɛ la. Bahɛ ya te tontɔɔtooma me ana wo kuto fuseko te ba ne yɛ' pin' nyɔn'ɔn bɔba ma'an la. 15Le yɛ'ɛha me, bahɛ ya te ya nini mɔ'ɛ la te ya mɔɔlɛ yelesoma la yɛhera sunma'ahom yele bo nɛreba te la ana wo tagase'a te ya pire maahom yeeha zaberɛ. 16Zen'en woo te ya bɔna bahɛ te ya sakerɛ dɛna ya zaba tɛ'ɛga gu'ura Sagona la yabega pɛɛma la te a tɛɛra la. 17Bahɛ ya te faanrɛ la te ya nyɛ la me ana wo kuto sapibere te ya dekɛ vuge, ge te Yenɛ yelehom me dɛna soa te Yenɛ Sea bɔ'ɔra la. 18Po'ohere ya bɔ'ɔra Yenɛ te a soŋɛ ya yele ana wa woo poan. Zen'an woo te ya bɔna, ya soha wo Yenɛ Sea la n yele ya se'em la. Dena mea zuo, da gan' ya ginhera ge sɛ' ya ze'ele mɛ soŋa soŋa. Po'ohere ya daarɛ woo bɔ'ɔra Yenɛ nɛreba woo. 19Ya me po'oha bɔ'ɔra mam te Yenɛ bo te sɛla te n wan tɔgɛ. A bahɛ mam te n han ne yete n tɔgɛ, n tɔgɔra boraanɛ, ge bahɛ te nɛreba ta'an baŋɛ yelesoma yɛla la te ba nan ka baŋɛ la. 20Yelesoma la zuo, te mam ze'ele Yenɛ na'are pakadeen wa poan. Sohɛ ya bo mam te n mɔɔlɛ yelesoma la la boraanɛ wo la n de n mɔɔla se'em la. 21Ge to sɔɔn soŋɔ Tikikus se'em de birikina tona Na'ayenɛ tooma la wan yele ya sɛla woo yɛhera n yele. Bala, te ya wan baŋɛ mam ane se'em. 22Bala n sɔe, te n tona en na la. A han wa'an bala na, a wan yele ya to woo n ane se'em, ge kpemehe ya. 23To Sɔ Yenɛ la Na'ayenɛ Yesu Krista wan bahɛ te ya sɛba woo n de sɔɔnrɔ la te ya tara sunma'ahom la nɔŋerɛ. A me wan bahɛ te ya tara sakerɛ bala bo en. 24Yenɛ zo'ohogɔ bɔna la sɛba woo n tare nɔŋse'ere n ka tare ba'ahegɔ bɔ'ɔra to Na'ayenɛ Yesu Krista.

will be added

X\