Pa'ala 3

1Sɛla woo tare la daarɛ mɛ. Te yele woo n boe teŋparɛ wa zuo tara de saŋa. 2Dɔgom saŋa boe mɛ, te kum saŋa bɔna. Borega saŋa boe mɛ, te kɛ'a saŋa bɔna. 3Koa saŋa boe mɛ, te tebegɔ saŋa bɔna. Gbi'a saŋa boe mɛ, te mea saŋa bɔna. 4Kɛlega saŋa boe mɛ, te la'a saŋa bɔna. Kaahega saŋa boe mɛ, te wa'a saŋa bɔna. 5Kuga yeregerɛ saŋa boe mɛ, te a lagahegɔ saŋa bɔna. Kɔkerɛ saŋa boe, te a ze' yema yema saŋa bɔna. 6A ɛ nyɛ saŋa boe mɛ, te ɛ bahɛ yoo saŋa bɔna. Lagahegɔ saŋa boe mɛ, te a lobe bahɛ saŋa bɔna. 7Aanheŋɔ saŋa boe mɛ, te pɛ'a saŋa bɔna. Sina saŋa boe mɛ, te tɔgom saŋa bɔna. 8Nɔŋerɛ saŋa boe mɛ, te yaarɛ saŋa bɔna. Zaberɛ saŋa boe mɛ, te sunma'ahom saŋa bɔna. 9Tontona nyɛte la bem yɔɔrɔ a namehegɔ la tooma la poan? 10Mam nyɛ zeero seto te Yenɛ dekɛ ziile saaleba te ba bɔna to poan la mɛ. 11Yenɛ eŋɛ te sɛla woo tara la la saŋa, ge eŋɛ te asaala ka bɔkera Yenɛ tooma n pɔhɛ se'em, pɔhera ba vom yɛ'a ba vom ba'ahegɔ. 12Mam mi' te yelesonɛ ka boe bo saaleba, gana ba tara popeelom, ge eta som hom nan vɔe wa. 13Nɛra woo dita, ge nyuura, te a nini tegɛ la a namehegɔ yɔɔrɔ la. Yenɛ n bo. 14Mam mi' te sɛla woo te Yenɛ eŋɛ, la boe la bala wuuha. Sɛla kan pa'ahɛ, bii sɛla yehe bini bahɛ. Yenɛ n eŋɛ wana te nɛra woo zɔta en. 15Sɛla n boe pon tabelɛ bɔna mɛ, sɛla me n wan wa'ana, pon bɔna mɛ. Yenɛ n wan bahɛ te sɛla n tole lebe na. 16Mam nyɛ la se'ere teŋparɛ wa zuo. Toonsoma n boe zen'an la, toonfɛn'ɛha boe bini mɛ. Yelemɛŋɛrɛ n boe zen'an la, ŋmɛlema boe bini mɛ. 17Mam yele n mɛŋa yeti, Yenɛ wan gankɛ tontɔɔdaana, la toonfɛn'ɛhadaana mɛ. Se'ere n sɔe la, etegɔ woo, la toonɛ woo saŋa boe mɛ. 18Te mam yele n mɛŋa yeti, han dɛna saaleba wa, Yenɛ magahe to mɛ te to baŋɛ te to ka nyane dunhe. 19Se'ere n sɔe la, nɛreba la dunhe nyɛte la daaŋɔ koyena. Daaŋɔ koyena n gure ba woo. Nɛra kiiri mɛ, te duŋa me kiira. Ba zan'an tare la vo'ohom boyena. Nɛreba ka nyane dunhe. Sɛla woo dela yoo. 20Ba zan'an ye' la zen'yeŋa, ba zan'an dela tentɔnɔ, ge me wan lebe la tentɔnɔ mea poan. 21Ane n mi' nya asaala sea ne zom la Yenɛ zuo, ge te duŋa sea sige teŋa? 22Bala, mam nyɛ te sɛla ka boe ana soŋa bo asaala, gana a di a tooma la nyɛlom. A denɛ n bala. Ane n wan tare en lebena te a nyɛ sɛla n leen eta a pooren?

will be added

X\