Tɛɛnhegɔ 34

1Moses nya daa ze'ele Moab bɔn'ɔrɔ la poan zom Nebo Zoore la paɛ Pisga Zoore, n tɔ Yordan Kolaa yakenɛ. Bilam te Na'ayenɛ pa'alɛ en teŋa la zan'an pɔhera Gilead ta paɛ Dan teŋhe la 2Naptali sɔ'ɔlom la zan'an la Epraim la Manase teŋhe la Yuda teŋa la zan'an tara tara la nɛŋa bɔba ko'kantɛ la 3Negev pɔgɔtia la Yeriko bɔn'ɔn la zan'an la Kpa'kpa' Tiihe teŋa la ta paɛ Zoar teŋa. 4Te Na'ayenɛ nya yele en yeti, Teŋa la n bala te n yuun pɔ' nɔɔrɛ te n wan dekɛ bo Abraham la Isaak la Yakob la, n yuun yeti n wan dekɛ ka bo ba yaahe. N bahɛ te ho nyɛ ka mɛ la ho nini ge ho kan yakɛ kɛn' ka poan. 5Te Moses Na'ayenɛ yameŋa wa daa ki Moab teŋa poan bilam wo Na'ayenɛ pon yele se'em la. 6Te a daa pin' en Moab teŋa poan bilam, bɔn'ɔn seko n tɔ Bet Peor yakenɛ la poan. Ge la zina me, nɛra ka mi' a yɔɔ n boe zen'an. 7Moses daa dela yuun kɔbega la yuun pihiyi' ge ki, ge la a korogerɛ mea zan'an te a nini ka sagom bii a paŋa ba'ahɛ. 8Te Israeldoma wa daa kele Moses kum la Moab teŋa paberɛ la poan dabeha pihitan', te kɛlega dabeha la ta ba'ahɛ. 9Bala ma'an te sea pon perɛ Nun dayɔa Yosua mɛ la yam, la Moses daa dekɛ a nu'uhe pagelɛ a zuo la. Te Israel nɛreba la kɛleha en ge tona Na'ayenɛ n bo Moses nɔse'ere la. 10Yehe bala ma'an ha nɔtɔgɔha nan ka tabelɛ yehe Israel teŋa na ana wo Moses se'em te Na'ayenɛ daa kɔ'ɔn mina soŋa soŋa la 11se'em n tom nyalema la kerehe Na'ayenɛ n daa tom en te a ta eŋɛ Mizraim teŋa poan bo Faro mɛŋa la a kpɛ'ɛndoma la teŋa la zan'an. 12Nɛnɛra nan ka tabelɛ pa'alɛ paŋa kana taaba bii tom tooma n tare dabeem te Moses tom Israeldoma ninin la.

will be added

X\