Tɛɛnhegɔ 27

1Te Moses la Israel keendoma la bo nɛreba la nɔɔrɛ yeti, Tare ya nɔse'a woo te n bo ya zina wa. 2Ya han yakɛ Yordan Kolaa wa kɛn' teŋsɛka te Na'ayenɛ ya Yenɛ la dekɛ bɔ'ɔra ya la, ya dekɛ kugu kanra sɛ takɛ a la bole. 3Se'em ma'an te ya han ta yakɛ tole ta kɛn' teŋsɛka te Na'ayenɛ ya Yenɛ la dekera bɔ'ɔra la, teŋsɛka en zote la iilom la seerom wo Na'ayenɛ ya sɔdoma Yenɛ la n biŋe a nɔɔrɛ la ya se'em la, ya golehɛ pa'alegɔ wa yɛla la zan'an lamenɛ kugu kanra. 4Ya han yakɛ Yordan wa, ya dekɛ kuga wa sɛ a Ebal Zoore zuo wo mam bo ya nɔɔrɛ zina se'em la, takɛ a la bole. 5Ya dekɛ kuga ma'an mɛ kaanbegɔ zen'an bilam bo Na'ayenɛ ya Yenɛ la. Da dekɛ ya kurugo lɔkɔ tom toonɛ de poan. 6Pin'ihe ya kuguyooro mɛ Na'ayenɛ ya Yenɛ la kaanbegɔ zen'an la, la ya kaanbɛ nyɔ'an bo'olom kaanbegɔ bini Na'ayenɛ ya Yenɛ la. 7Kaanbɛ ya sunma'ahom kaanbegɔ la bilam te ya dita ge nyeena Na'ayenɛ ya Yenɛ la nɛŋan. 8Ge golehɛ ya pa'alegɔ wa yɛla la zan'an te la nɛɛ soŋa lamenɛ kuga se'a te ya sɛ ze'ele poan. 9Te Moses la Levidoma n de malemadoma yele Israeldoma wa yeti, Go'e ya voole Israeldoma wa ge kelehe ya. Ya nan dela Na'ayenɛ ya Yenɛ la nɛreba. 10Nane ya Na'ayenɛ ya Yenɛ la ge dɔla a nɔya la a malema se'a te n bo ya zina wa. 11Daanden daarɛ mea te Moses bo nɛreba la nɔɔrɛ yeti, 12Ya han yakɛ Yordan wa ba'ahɛ, Simeon la Levi la Yuda la Isakar la Yosef la Benyamin yizuto wan ze'ele Gerizim Zoore la zuo kan' som bo nɛreba la dela. 13Ge Areuben la Gad la Aser la Zebulun la Dan la Naptali yizuto me wan ze'ele Ebal zoore la zuo pɔ' bahɛ nɛreba la zuo. 14Levidoma la wan mɔɔlɛ la koŋkokɛ'ɛŋa bo Israel nɛreba la zan'an te ba wom: 15Woŋerɛ wan woŋɛ hom se'em n dekɛ dɔɔ maalɛ bii yagom bagarɛ. Na'ayenɛ ka bɔta te ho dekɛ ho nu'uhe maalɛ bagarɛ tare ze'ele zen'an n sogɛ la. Te nɛreba la zan'an wan lebehe yeti, La dɛna bala. 16Woŋerɛ wan woŋɛ hom se'em n ka nane a sɔ bii ho ma. Te nɛreba la zan'an wan lebehe yeti, La dɛna bala. 17Woŋerɛ wan woŋɛ hom se'em malom vuue ho sɔɔn beene kugure. Te nɛreba la zan'an wan lebehe yeti, La dɛna bala. 18Woŋerɛ wan woŋɛ hom se'em n tare fɔɔhe te se ta tue sore. Te nɛreba la zan'an wan lebehe yeti, La dɛna bala. 19Woŋerɛ wan woŋɛ hom se'em n mɔŋɛ saana bii keebega bii pɔkɔɔnrɛ boorɔ. Te nɛreba la zan'an wan lebehe yeti, La dɛna bala. 20Woŋerɛ wan woŋɛ hom se'em n gan'anrɛ la ho sɔ pɔga, ho sagom la ho sɔ soŋɔ n bala. Te nɛreba la zan'an wan lebehe yeti, La dɛna bala. 21Woŋerɛ wan woŋɛ hom se'em n tun duŋa. Te nɛreba la zan'an wan lebehe yeti la dɛna bala. 22Woŋerɛ wan woŋɛ hom se'em n gan'anrɛ la ho tanya n de ho sɔ bii ho ma pɔyɔa. Te nɛreba la zan'an wan lebehe yeti, La dɛna bala. 23Woŋerɛ wan woŋɛ hom se'em n gan'anrɛ la ho dɛɛma. Te nɛreba la zan'an wan lebehe yeti, La dɛna bala. 24Woŋerɛ wan woŋɛ hom se'em n sogɛ ko ho sɔɔn. Te nɛreba la zan'an wan lebehe yeti, La dɛna bala. 25Woŋerɛ wan woŋɛ hom se'em n to'e mu'ure te ho ko nɛra en ka tare taalɛ. Te nɛreba la zan'an wan lebehe yeti, La dɛna bala. 26Woŋerɛ wan woŋɛ hom se'em n ka na'ahe pa'alegɔ wa yɛla wa doohe la hom ka tare a tona la zuo. Te nɛreba la zan'an wan lebehe yeti, La dɛna bala.

will be added

X\