Tɛɛnhegɔ 26

1Ya han ta kɛn' teŋsɛka te Na'ayenɛ ya Yenɛ la dekera bɔ'ɔra ya te ka dɛna ya sɔ'ɔlom la poan sɔe ka nya zin'ire ka poan ba'ahɛ, 2ganhɛ ya dideena la sɛka te ya borɛ teŋa la Na'ayenɛ ya Yenɛ la dekera bɔ'ɔra ya la poan la eŋɛ pi'ɔ poan. Tare keŋɛ zen'an te Na'ayenɛ ya Yenɛ la wan loe te ka dɛna a bɔŋa zen'an te a yu'urɛ pota bini la, 3ta yele malemadaana se'em n boe bini bala ma'an la yeti, mam wa'ana te n tɛɛn la Na'ayenɛ ho Yenɛ la zina en kɛn' teŋsɛka te Na'ayenɛ pɔ' nɔɔrɛ la to sɔyaabdoma te a wan dekɛ bo to la poan. 4Malemadaana la nya wan to'e pi'ɔ la ho nu'uhen ze'ele Na'ayenɛ ho Yenɛ la kaanbegɔ daka la nɛŋan. 5Ge te ho nya ze'ele Na'ayenɛ ho Yenɛ la nɛŋan yeti, mam sɔ yuun dela Aram teŋa nɛra ɛɛra yuun ɛ' la nɛreba fiin wa sige Mizraim teŋa poan ta bɔna bilam nya wi'ɛ lebege teŋkantɛ kpe'em ge zo'e kanlɛ poan. 6Ge Mizraim teŋadoma wa ta namehera to bahɛ te to tona toonkanra. 7Te to nya yuun kaahɛ bo Na'ayenɛ n de to sɔdoma Yenɛ la, te Na'ayenɛ wa wom to kaahega la, ge nyɛ ton dite ninbɔn'ɔn la toonse'a la mɛlehegɔ seko la. 8Te Na'ayenɛ zɛnkɛ a nu'o la a paŋa tare to ze'ele Mizraim teŋa yehe na la, kerehe n tare dabeem la nyalema. 9Te a tare to wa'an zen'kana wa poan na dekɛ teŋkana wa bo to, teŋa n zote la iilom la seerom. 10Nananawa mam tare la teŋa la poan samanɛ zuo dideena sɛka te hom Na'ayenɛ dekɛ bo mam la na. Dekɛ pi'ɔ la ze'ele Na'ayenɛ ho Yenɛ la nɛŋan ge dɔnbelɛ teŋa a nɛŋan. 11Yamam la Levidoma la saama sɛba woo n boe la ya la, lagom nyeena la yelesoma se'a woo te Na'ayenɛ ya Yenɛ la dekɛ bo yamam la ya yire nɛreba zan'an la. 12Ya han ne ta yehe ya pia porogerɛ bo'olom la ya lɔgɔrɔ woo poan yuuma atan' la n de pia porogerɛ bo'olom yuunɛ la poan ba'ahɛ, ya tare tɔ ta bo Levidoma la saama la keebehe la pɔkɔnpa te bama me bɔna ya teŋa la poan me dita tegera. 13Nya yele Na'ayenɛ ya Yenɛ la yeti, mam yehe toolom tɔnta woo n yire wa poan n bo Levidoma la saama la keebehe la pɔkɔnpa, wo hom bo ho nɔɔrɛ la se'em la. N ka ŋmɛregɛ yehe ho nɔɔrɛ la poan bii n tamɛ de se'ere. 14Mam ka di to poan n kɛlega saŋa bii n yehe to poan n ganleŋɔ saŋa bii n aan tɔ bo ke'endoma. Mam nam Na'ayenɛ mam Yenɛ la mɛ, eŋɛ sɛla woo te ho bo mam nɔɔrɛ te n eŋɛ la. 15Ze'ele ho fa'a bɔŋa zen'an la sure behɛ na ge kan' bahɛ ho nɛreba Israel zuo la teŋsɛka te ho dekɛ bo to wo hom yuun biŋe nɔɔrɛ se'em la te sɔyaabdoma la pɔtɛ la, teŋsɛka n zote la iilom la seerom la. 16Na'ayenɛ ya Yenɛ bo'ore ya nɔɔrɛ zina wa te ya dɔla a malema la a nɔze'elego wa. Ma'ɛn ya mɛhe ge dole ya a la ya sunya zan'an la ya sea zan'an. 17Ya yele zina dabaherɛ wa poan te Na'ayenɛ de ya Yenɛ, te ya wan dɔla a sɔya la zan'an ge tara a malema la a nɔɔrɛ la a nɔze'elego la ge me wan nana en. 18Te Na'ayenɛ me yele zina dabaherɛ wa te ya dela a nɛreba, a sɔ'ɔlom lɔgɔrɔ wo n pon biŋe a nɔɔrɛ se'em la, te ya wan tara a nɔse'a te a bo la zan'an. 19A yele ya te a wan dekɛ ya ze'ele pɛnka la kpe'eŋo la na'ahegɔ poan gana teŋhe wa woo te a naam wa, te ya wan dɛna toolom nɛreba bo Na'ayenɛ ya Yenɛ la ma'an wo n biŋe a nɔɔrɛ se'em la.

will be added

X\