Tɛɛnhegɔ 13

1Nɔtɔgɔha bii se'em n bɔkerɛ zaanheŋɔ han wa'an ya zen'an na yele ya yele nyanlenɛ bii yelekerega sɛka n ka tabelɛ enŋɛ n yeti de enŋɛ, 2te yele nyanlenɛ la bii yelekerega la te a yele la seren eŋɛ, ge te a yele ya yeti, bahɛ te to dɔla yena a se'a, yena se'a te ya ka tabelɛ mina, la to na'ahera aŋa, 3da pon kelehe ya nɔtɔgɔha enŋa bii zaanhom zaanhena enŋa taaba yetɔgom. Na'ayenɛ ya Yenɛ la makere ya mɛ te a behɛ ya nɔŋɛ enŋa la ya suunre la ya sea zan'an. 4Dole ya Na'ayenɛ ya Yenɛ la ma'an ge zɔta en. Tare ya a nɔɔrɛ la te a bo ya la, ge kɛleha a konkore ge nana en ge tona bɔ'ɔra en, ge gin' en kaŋkaŋe. 5Nɔtɔgɔha la bii zaanhom zaanhena enŋa taaba, la dela ya ko en. A bire la poore bo Na'ayenɛ ya Yenɛ n tare ya ze'ele Mizraim teŋa yehe na fan' ya da'aberɛ poan bahɛ la. A daana zegere te a ŋmɛregɛ ya mɛ yehe Na'ayenɛ ya Yenɛ la n bo ya nɔse'ere te ya dɔla la poan. Bahɛ te ba be'em yehe ya poan. 6Ho mɛŋa sɔɔn bii dayɔa bii pɔyɔa bii ho pɔga te ho nɔŋɛ, bii ho zɔ paɛ paɛ han sogɛ waaɛ ho yeti, Bahɛ te to tona bɔ'ɔra yena a se'a, yena se'a te yamam bii ya sɔdoma ka tabelɛ mina, 7nɛresɛba n lɛm, bii zaan la to bɔna teŋa wa loga woo poan la baga la, 8da dekɛ ho mɛŋa bo ena daana, bii ho kɛleha en. Da zɔ a ninbɔn'ɔn. Da bahɛ en bii ho sogɛ en. 9Ko en. Hom daana nu'o n wan deŋɛ kalom en ge te nɛra woo nya pa'ahɛ. 10Lobe ya en ko ge ena daana zegere te a yehe ya mɛ Na'ayenɛ ya Yenɛ tare ya ze'ele Mizraim teŋa la nu'uhen, teŋsɛka te ya daa dɛna da'aba ka poan la. 11Bala te Israel zan'an wan wom te dabeem kɛn' ba, te se'em kan bɔna ba poan wan sakɛ le tom be'em bomɔ taaba. 12Ya han ta wom te ba tɔgɔre teŋhe se'ehe te Na'ayenɛ ya Yenɛ la dekera bɔ'ɔra ya te ya bɔna wa kayema poan, 13te nɛrebe'ero n ihege ya poan na pan'ahɛ ba teŋa la nɛreba yeti, Bahɛ ya te to na'aha yena a se'a, yena te ya ka tabelɛ mina, 14ya ihege saazuo vɛɛnhɛ soŋa, doohe ya soke soke soŋa. Te la han dɛna sera, nɛɛ na te be'em bona n ete ya poan, 15ya kɔrom teŋkaŋa poan nɛreba la zan'an. Sagom ya ka la ka dunhe zan'an. 16Kan'ahɛ ya lɔgɔseto te ya fan' ka poan la zan'an biŋe teŋa sɔnhega zen'sɛka n boe teŋasoka, nyɔ' teŋa la la ka lɔgɔrɔ la zan'an, te la dɛna nyɔ'an bo'olom bo Na'ayenɛ ya Yenɛ la. Teŋkaŋa yeti ka dɛna la daboo yɛ'ɛha ha. 17Da bahɛ ya te lɔgɔseto woo te wan nyɔ' la koyena me yee ya zen'an. Bala te Na'ayenɛ kan eŋɛ suunre la ya, ge me wan zɔ ya ninbɔn'ɔn, tara ya giinle ge bahɛ te ya wi'ɛ pa'ahɛ wo n biŋe a nɔɔrɛ la ya sɔyaabdoma la pɔtɛ se'em la, 18doohe la yan nam Na'ayenɛ ya Yenɛ la, ge tara a nɔya se'a te n bɔ'ɔra zina wa, ge eta sɛla n de ma'an a ninin la.

will be added

X\