Kolↄsɩ 3

1Yenɛ vo'e ya me la Krista. Bala tɛn'ɛha ya yelese'a n boe saazuo ha, te Krista zin'an a na'am gɔŋɔ la poan Yenɛ zuɔ nu'o bɔba. 2Bahɛ ya te ya potɛn'ɛra kɔ'ɔn tɛn'ɛha la yelese'a n boe bilam ha la ge dagɛ teŋa wa zuo yɛla la. 3Se'ere n sɔe la, ya daa ki' mɛ ge te ya vom nya bɔna mɛ la Krista Yenɛ zen'en. 4Ya yelemɛŋɛrɛ vom dela Krista. Bala, a han ta wa'ana, yamam me wan lagom taaba la en ge me lagom pɛngɛsɛka te a nyɛ' la. 5Bala, sagom yelese'a n de teŋa wa zuo yɛla te ya iinhe bɔta te ya eta la. Yele ana wa dela yalomtooma, la dɛngerɔ tooma, la asaala mɛŋa suunre n kɔ'ɔn nɔŋɛ a eta yelese'a, la be'em tɛn'ɛhegɔ, la nyika. Se'ere n sɔe la, nyika dela baga kaanbegɔ. 6Yele ana mea zuo, Yenɛ wan namehɛ nɛresɛba n ka nane a nɔɔrɛ la. 7Ya mɛhe me daa bo la bɔŋkaŋa mea taaba poan. Ya suunre me daa nɔŋɛ la teŋa wa zuo yɛla ma'an. 8Ge nananawa, la dela ya zagahɛ yele ana wa n boe ya suunre poan wa. Yele ana wa dela sunsunyiim, la dɛngerɔ etegɔ, la be'em tɛn'ɛhegɔ. La ya zagahɛ ya toora nɛreba ge me tɔgɔra tɔgɔyooro. 9Da parona ya bɔ'ɔra taaba. Se'ere n sɔe la, ya bahɛ nɛrekɛka la a etegɔ la mɛ. 10Nananawa, de ya nɛrepaalehe. Yenɛ se'em n naam ya la tare la ya mɛhe naanɛ la bahera ya daarɛ woo te ya dɛna nɛrepaalehe. A ete dena wa te a bahɛ mɛ te ya mina enŋa Yenɛ. 11Bɔŋkana taaba poan, yamam sɛba n de Greekdoma la yamam sɛba n de Yudoma, la yamam sɛba n ŋma' la sɛba n ka ŋma', la yamam sɛba n de nɛrekanreba la yamam sɛba n dagɛ nɛrekanreba, la yamam sɛba n de yamehe la yamam sɛba n dagɛ yamehe. Bana woo dagɛ ninmɔ'ɔrɛ la fiin me. La dela Krista ma'an n de sɛla woo zan'an zan'an, ge me bɔna sɛla woo poan. 12Yamam n de Yenɛ nɛreba. A nɔŋɛ ya mɛ ge loe ya te ya dɛna a mɛŋa nɛreba. Bala, tara nɛreba ninbɔn'ɔn, ge tara nɔŋerɛ, ge sirihe ya mɛhe, ge bɔ'ɔra nɛreba na'ahegɔ, ge me tara sugure bɔ'ɔra nɛreba. 13De ya sɛba n wan soŋora taaba ge dita sugure bɔ'ɔra taaba ya han ne ta tara yele la taaba. La dela ya dita sugure bɔ'ɔra taaba wo Na'ayenɛ n dite sugure bɔ'ɔra ya se'em la. 14Ge yelese'ere n nya ge te ya eŋɛ pa'ahɛ zan'an zan'an dela nɔŋerɛ. Ya han tara nɔŋerɛ, ya wan lagom eta yele ana wa woo la nɔyenɛ la. 15Bahɛ ya te sunma'ahom sebo te Krista bo ya la sɛla n wan pa'ala ya ya potɛn'ɛra poan. Te la dela sunma'ahom bɔna poan te Yenɛ daa yi' ya na te ya lagom dɛna iŋyeŋɔ. Ge bo Yenɛ fara. 16Bahɛ te Krista yetɔgom la bɔna ya suunre poan. Yetɔgom la wan bahɛ te ya tare yam sebo woo gee bahɛ te ya wan pa'ala taaba sɛla te la sona te ya eta. Yoone ya pɛnka yooma, Yenɛ baaŋa la na'ahegɔ yooma pɛngera Na'ayenɛ ya suunre poan. 17Ge sɛla woo te ya yete ya eŋɛ yetɔgom poan bii tooma poan, ya eŋɛ dɛ la Na'ayenɛ Yesu paŋa poan. Ge yamam me tara Yesu pɛngera to Sɔ Yenɛ. 18Pɔgɔba, nana ba sereba nɔya. Denɛ n de sɛla te ya sona te ya eta wo yan de sɛba n dole Yesu sore la. 19Sereba me nɔŋɛ ya pɔgɔba ge da ete ya ba sɛla n ka ane soŋa. 20Kɔma me nana ba dɔgɔreba daarɛ woo, te bala n ete Na'ayenɛ suunre nyɛlom. 21La ka sone te sɔdoma la eta sɛla n ka ane soŋa bɔ'ɔra ba kɔma. Se'ere n sɔe la, ba han eta ba bala, ba kan tara potɛn'sonɛ. 22Yamehe, la nana ya doma yelese'ere woo poan. La ka sone te ya ne nyɛ' ba gee nya pin'ilom tona. Bala, te sɛba n sɔe ya la yete ya de nɛresomdoma. Ge la tona la ya suunre zan'an la yan bo'ore Na'ayenɛ na'ahegɔ la zuo. 23Eta ya sɛla woo la ya suunre zan'an wo ya ete dɛ bɔ'ɔra la Na'ayenɛ ge dagɛ nɛreba la. 24Mina ya te Na'ayenɛ wan yɔ' ya. A wan yɔ' ya sɛla te a dekɛ biŋe bo a nɛreba la. Se'ere n sɔe la, Krista n seren de Na'ayenɛ se'em te ya tona bɔ'ɔra la. 25Ge se'em n tone sɛla n dagɛ ma'an, Yenɛ me yete a behɛ la n tone sɛla n dagɛ ma'an la yɔ' en. Se'ere n sɔe la, a yete a gankɛ nɛra woo la boyena.

will be added

X\