Amos 6

1Yele boe yamam sɛba n zin' Zion Zoore zuo wa, la yamam sɛba n boe Samaria teŋa zoore zuo fai la, dɛna nɛrekanreba te Israeldoma kena ya zen'an la. 2Keŋɛ ya Kalneh teŋa ta behɛ, ge ze'ele bilam keŋɛ Hamat kantɛ poan ta behɛ bilam me, ge Gat teŋa n de Pilistia teŋa la poan behɛ bilam me. Yamam ane soŋa gana teŋse'ehe mɛ? Bii ba teŋhe la kanregɛ gana yamam teŋhe la? 3Ya ka sakɛ te nɔyalegerɛ dabaherɛ la kene na, ge tona ya pototooma la. 4Yamam sɛba n gan' wɔbegɔ nyɛna gɔtɔ poan, ge dɛla ya koge kanra poan ɔbera pese'ehe, la nii kanra se'a woo te bɔta wa. 5Ya malom tɛn'ɛha la yoonpaala ŋmɛ'ɛra ya kɔnlɔ, ge malom maala boŋmɛ'ɛla paala wo David la bɔ'ɔra ya mɛhe. 6Ya nyuure la daam yan bote se'em, tara toolom kaam soonra ya iŋhe, ge ka kɛla sagaŋɔ seko n ye' Yosef buuri zuo na la. 7Bala, ya wan dɛna sɛba te ba wan pɛnregɛ ya loŋe teŋa yia. Ya dikanra la, la ya na'am la te ya dita la wan ba'ahɛ. 8Daana Na'ayenɛ la pɔ' la a yu'urɛ. Na'ayenɛ n de Yenɛ la n de zaba nɛŋadaana la yeti, N ka bote Yakob pa'ale mɛŋa la, mam zagahɛ a pɛɛntɛɛnreba bɔŋa zen'enhe la mɛ, n wan dekɛ teŋa la, la sɛla woo n boe ka poan la bo diŋdoma. 9La wan wa'ana eŋɛ, te boraahe pia han pon ta gee yire poan, se pon kan vo'e. 10Te se'em aanhema bii a sɔɔn han wana te a dekɛ kum la ta pin' ge nyɛ nɛra te a sogɛ lama, a wan soke en yeti hom ma'an n yee? Te a me yeti, ɛɛn, ge a lebehe yele en yeti, ana baanlam da pota Na'ayenɛ yu'urɛ. 11Na'ayenɛ mɛŋa n bo nɔɔrɛ la, a wan wɔnrɛ yirekantɛ la yirebila te ba zan'an lebege dangoon gira zɛ'a. 12Yiri tan' zɔta tanhe zuo mɛ? Nɛra wan tara a nii ta kɔɔra tanhe zuo? Ge tontɔɔ bɔŋa lebege la gɔn'ɔhe bo ya, te tontɔɔ bɔŋa wɔla lebege di mi'ihego bo ya. 13Yamam poorɛ pee mɛ la yan nyaŋɛ Lo Debar teŋa la zuo. Te ya yɛta ya mɛhe yeti, To pon ka nyaŋɛ Karnaim teŋa mɛ la to mɛhe paŋa? 14Behɛ ya, Na'ayenɛ n de Yenɛ, dɛna Pɛɛntɛɛnreba Nɛŋadaana la yeti, Israel, n maahene la teŋa kayema te ka ihege na zabɛ la hɔ, ka wan ze'ele Hamat nayaŋa nɔɔrɛn pɔgɔlom ho na paɛ Arabah bɔn'ɔn la poan.

will be added

X\