Amos 3

1Israeldoma wa, kelehe ya Na'ayenɛ n tɔgɛ ya yele se'em. Kelehe ya Na'ayenɛ n tɔgɛ a mɛŋa nɛreba wa te a tare ba ze'ele Mizraim teŋa yehe na la se'em. 2Yamam ma'an te mam loe buuri woo n boe teŋparɛ wa zuo. Bala, n wan namehe ya ya be'em woo te ya tom la zuo. 3Nɛreba bayi' wan ta'an dɔla taaba han dagana ba suunre n de boyena? 4Gbegenɛ han bɔna mɔen ge ka nyɛ sɛla, de wan kɔ'ɔn zɛ'a zɛ'a ta wuulena? De wan gan'an de yoko poan ha wuunlena ge dagɛ la de nyɔkɛ la sɛla? 5Niiŋa wan kɔ'ɔn ze'ele saazuo ha ɛnkɛ na lu bɛnregɔ poan te sɛla ka paga bini pan'ahɛ ka? Bɛnregɔ wan kɔ'ɔn zɛ'a zɛ'a ta tɛn zaŋa te sɛsɛla ka nɛ ko zuo? 6Tentanɛ ne han peebe teŋa poan, dabeem ne ka kɛn' nɛreba? Sagaŋɔ ne han sige teŋsɛka zuo, dagɛ Na'ayenɛ n ne bo sore te ko tom? 7Yelemɛŋɛrɛ, Daana Na'ayenɛ wa ka yeti a eŋɛ sɛla ge kan nɛɛ de pa'alɛ a nɔtɔgɔheba la. 8Gbegenɛ n bala tanhera la. Ane paleŋa n ka ɛngere? Daana Na'ayenɛ n tɔgɛ, ane n wan sina ge kan tɔgɛ a nɔɔrɛ la? 9Yele ya te la paɛ Asdod la Mizraim teŋa pɛɛntɛɛnreba bɔŋa zen'enhe la. Lagahɛ ya mɛhe zom Samaria zoore zuo ta behɛ namahe kantɛ seko n boe teŋa la zuo ka tara ba'ahegɔ, la mɛlɛhegɔ seko n boe ka nɛreba la zuo la. 10Na'ayenɛ yeti, Ba dela nɛre n kan mi' som tona. Gbirigere la sagaŋɔ ma'an n boe ba teŋa la poan. 11Daana Na'ayenɛ yeti, Diŋdaana wan kɛn' teŋa la poan na. A wan zabɛ nyaŋɛ nɛre kpɛ'ɛma la zan'an, fan' ka pɛɛntɛɛnreba bɔŋa zen'enhe la zan'an. 12Na'ayenɛ yeti, Wo gbegenɛ n ne zɛ duŋa te duŋkeena la ne zɛ duŋa la bɛɛhe seyi', bii toberɛ ma'an se'em la. Faanrɛ denɛ taaba te Israel nɛreba sɛba n dele fai Samaria poan la wan nyɛ. Ban wan fan' sɛla wan dɛna la soŋɔ kɛnrega la koka na'arɛ. 13Kelehe yele wa dekɛ dɛ tɔgɛ bo Yakob buuri wa. Daana Na'ayenɛ la n de Pɛɛntɛɛnreba Nɛŋadaana la n tɔgɛ. 14Daanse'ere te n wan namehe Israeldoma ba be'em la zuo la, n wan wɔnrɛ Betel teŋa bimbina la bahɛ. N wan gbirige ba iila la bahɛ teŋa. 15N wan bahɛ te yire paala, la yire kɛgehe zan'an lu boyena. N wan sagom yiya se'a woo te ba dekɛ wobe nyɛna golɛ a la bahɛ. Yire pon kan gee. Na'ayenɛ yele se'em n bala.

will be added

X\