Tõoma 20

1Te nɛrekooŋɔ la n daa ta gbirige bala ge nya ta ma'ɛn la, Paul yi' lagahɛ la Yesu dɔlɔba la kan'an ba te ba maan nyɛ' la paŋa Yesu dɔlɔga la poan ge keehe ba ge keŋɛ Makedonia teŋa poan. 2Paul n keŋɛ dɔla teŋhe la poan la, a me tɔgɔre kan'ana Yesu nɛreba la basɛba n bo bini te ba maan nyɛ' paŋa Yesu dɔlɔga poan. En daa eŋɛ bala a nya paɛ la Greek teŋa poan. 3Bilam te Paul bɔna tara tara la ŋmarehe setan'. En maahom ne te a keŋɛ Siria teŋa poan la, a wa wom to Yudoma la eere la a na'ma. Bala te a eŋɛ a potɛn'ɛrɛ te a le lebe doohe Makedonia teŋa poan. 4Te Paul n ye' la, Berea teŋa boraa Pirhus dayɔa Sopater, la Tesalonika boraahe Aristarkus la Sekundus, la Derbe boraa Gaius, la Asia boraahe Tikikus la Tropimus, la Timoti lagom dɔla en mɛ. 5Te boraahe la tole to nɛŋa ta gura to Troas teŋa poan. 6Ge te Boroboro N Ka Tare Mi'ihom De'eŋɔ daarɛ n tole la, to keŋɛ ta dekɛ ɔɔnrɔŋɔ kantɛ Filipi teŋa poan. Ton zom ɔɔnrɔŋɔ kantɛ la dabeha anuu poan te to keŋɛ ta paɛ boraahe la n gure to Troas teŋa poan la mɛ. Bilam te to zan'an bɔna Troas teŋa wa poan la dabeha ayopɔe. 7Te Alaherɛ daarɛ zanɔɔrɛ ton lagahɛ te to zan'an lagom di', bilam te Paul tɔgɛ Yesu yɛla bo nɛreba la tara tara la yu'uŋsunsua. Se'ere n sɔe la yiimbeere la a kan bɔna bini. 8Ge te butoleladoma zo'e zo'e me bo saazuo deseko te to lagaha gura paara la. 9Te bodibipaalega te ba yi'ira en Eutikus zin'an takore nɔɔrɛ. Te Paul n tɔgɔre bɔ'ɔra nɛreba la, Eutikus la me wa ginha. Te en ginhera la, a nya kɔ'ɔn ze'ele saazuo deseko te to bɔna ha la, lu' teŋa na. Te ban paɛ te ba ɔnbegɛ en la, te a pon ki' mɛ. 10Ge te Paul sige na gbelom a mea paɛ boraa la zen'en ɔnbegɛ en ge yeti, Da fabele ya te a vo'e ya. 11Te Paul nya le zom la kura la keŋɛ deo la poan. En paɛ la a gen'ɛn la boroboro te enŋa la Yesu dɔlɔba la obe. Te Paul le tɔgɛ bo nɛreba la mɛ tara tara te sonlom ta zona ge te a nya bahɛ ba zen'en. 12Ba nya tare bodibipaalega n lu' na la kule la vore la, te ba sunya pee mɛ zo'e zo'e. 13Tomam keŋɛ ta zom ɔɔnrɔŋɔ kantɛ keŋɛ Assos teŋa poan, teŋkana wa poan te to yete to ta dekɛ Paul wo n yele to se'em la. Ge Paul ye' bini la na'ma. 14Ton daa paɛ to Assos teŋa wa poan wa, to dekɛ Paul mɛ ɔɔnrɔŋɔ kantɛ la poan te to zan'an lagom keŋɛ Mitilene teŋa poan. 15Ton paɛ Mitilene teŋa wa poan la, to keŋɛ tole mɛ te yiimbeere la te to paɛ Kios teŋa poan. Yiimbeere yɛ'ɛha te to paɛ Samos teŋa poan te yiimbeere te to nya paɛ Miletus teŋa wa poan. 16Ton paɛ Miletus teŋa wa poan la, Paul eŋɛ a potɛn'ɛrɛ te a kɔ'ɔn tole Epesus teŋa poan. A ka bote a yue teŋse'ehe n bo Asia teŋa poan la. Se'ere n sɔe a me kɔ'ɔn kanbela mɛ te a paɛ Yerusalem teŋa poan te la n de sɛla zan'an a paɛ Dapihinuu Daarɛ la. 17Paul n bo Miletus teŋa poan la, a soolom ha te ba yele Epesusdoma n dole Yesu zuodoma la te ba wa'an a zen'en na. 18Te zuodoma la n paɛ a zen'en la, a yele ba yeti, Ya mɛhe mi' te mam daa kɔ'ɔn pɔhɛ wa'an teŋse'ehe n bo Asia teŋa poan la, n kɔ'ɔn bɔna la ya mɛ ge ka vuruge keŋɛ zen'an zen'an. 19N daa dela Yesu yameŋa sigihe n mea la kele la nintam ge me nyɛ' namehegɔ zo'e zo'e yɛhera la Yudoma la n eere n na'ma zen'an la. 20Ge ya mɛhe mi' te bala mea zan'an n daa ka zagahɛ te n kan tɔgɛ yelese'ere n wan ta'an soŋɛ ya la bii n kan mɔɔlɛ pa'alɛ ya Yesu yɛla nɛreba zen'en la ya yiya poan, 21kan'an Yudoma la sɛba n dagɛ Yudoma la kpe'eŋkpe'eŋo te ba tee ba potɛn'ya ba be'em poan ge dekɛ ba mɛhe paɛ Yenɛ ge me nam to Daana Yesu. 22Te nananawa mam dole Yenɛ Sea la nɔɔrɛ la zuo te n ye'a Yerusalem teŋa poan wa ge ka mina sɛla te nɛreba wan eŋɛ mam bini. 23Ge sɛla te mam mina ma'an dela Yenɛ Sea n daa kan'an ma teŋsɛka woo te n han paɛ Yerusalem, ba wan namehɛ ma zo'e zo'e ge dekɛ ma kɛn'ɛhɛ pakadeen. 24Ge mam pɔnhɛ n mea vom mɛ. Se'ere n sɔe la n bote te n nyaŋɛ ba'ahɛ la toonkantɛ se'ere te to Daana Yesu bo ɔ te n ton la. Toonɛ la me dela n mɔɔlɛ yelesoma yɛhera la Yenɛ nɔŋerɛ la bo nɛreba. 25Te nananawa mam mɛŋa mi' te ya se'em te n daa doohe ya zan'an zen'enhen mɔɔlɛ Yenɛ sɔ'ɔlom yɛla bo ya ka le maan nyɛ' mam yɛ'ɛha. 26Bala mam yete ya mɛ la ninmɔ'ɔrɛ zina wa te hon se'em nya han bɔregɛ Yenɛ nu'uhen dena wa ka le de'a mam talɛ. 27Se'ere n sɔe la n ka zagahɛ te n kan mɔɔlɛ Yenɛ potɛn'ɛrɛ n ane se'em la bo ya. 28Dene poan tare ya ya mɛhe soŋa soŋa la nɛresɛba woo te Yenɛ Sea la dekɛ eŋɛ ya nu'uhen la, te ba de'a a nɛreba. Se'ere n sɔe la Yenɛ mea bia Yesu n ki' bo ba la zuo. Bala, behera ya ba wo duŋkeendoma n behere ba piihe se'em la. 29Te mam mi' te n han keŋɛ ge bahɛ ya kalam, nɛrebɛ'ɛhe boe wan wa'an ya zen'en na wan sagom sɛba n dole Yesu sore la, wo sanhe me ne wa'an na sagom piihe se'em la. 30Ge la kena te nɛreba basɛba ya poan wan ta tɔgɔra ponpɔrɔŋɔ yɛla la ba ta'an yelege Yesu dɔlɔba la te ba dɔla ban yele se'em la. 31Bala, tare ya zuto soŋa soŋa ge tɛnra te yuuma atan' te mam daa bɔna la ya kan'ana ya wontɛŋa la yu'uŋɔ kɛla bɔ'ɔra ya. 32Ge nananawa, n dekɛ ya eŋɛ la Yenɛ nu'uhen la yetɔgom la n pa'ale a zo'ohogɔ bo ya. A wan soŋɛ ya te ya maan nyɛ' paŋa a sore la poan ge bahɛ te ya tara sɛla woo te a bɔ'ɔra a nɛreba. 33Mam potɛn'ɛre daa ka boe se'em bonɔ poan te mam ka to'e la se'em ligiri bii futo. 34Ge n mea nu'uhen te n daa dekɛ tom nyɛ' ligiri fiin wa, te mam la n nɛresɛba n tom la ma la daa tara da'ara sɛla te to bɔta. 35Bala poan n pa'alɛ ya yɛla zan'an te ya tona ge da tara zinyagarɛ wo mam daa tone ge ka tara zinyagarɛ se'em la. Te bala te to wan ta'an soŋɛ sɛba n nare soŋorɛ la. Ge tɛn'ɛre ya to Daana Yesu n yele se'em la. A yeti, Se'emdaana n bo'ore nɛreba tare popeelom zo'e zo'e nyana se'emdaana n kɔ'ɔn bɔta te a tɔ'ɔha nɛreba zen'en. 36Paul n tɔgɛ lana wa woo ba'ahɛ la, nɛreba la woo dɔnbelɛ teŋa la en te a soha Na'ayenɛ. 37Ba bɔna bini te a bahɛ ba zen'en la kɛla, ge gin' en kɔkɛ en mɛ, 38te ba la sunya sagom mɛ zo'e zo'e. Se'ere n sɔe la n yele ba te ba ka le maan nyɛ' en la zuo. Bala te ba nya keehe en ge bele en tare en keŋɛ te a ta zom ɔɔnrɔŋɔ kantɛ keŋɛ.

will be added

X\