2 Samuel 8

1Saŋa kayema te David ta wa'ana zabɛ la Pilistidoma wa nyaŋɛ ba, ge fan' Meteg Ama teŋa Pilistidoma wa nu'uhen. 2Te a le wa'ana zabɛ nyaŋɛ Moabdoma la me. A bahɛ te ba gan'anrɛ teŋa te dekɛ mi'an doohe makɛ ba behɛ. Ba makɛ mi'an la woko la sugumnɔɔren boyi', ko nɛresɛba woo n boe mi'an la n makɛ se'em beene la, ge le makɛ mi'an la woko boyena te nɛresɛba woo n boe mi'an la make denɛ beene la, ka ko bama. Te Moabdoma wa nya dɛna David yamehe yɔɔra koba bɔ'ɔra en. 3David me daa zabɛ Zoba naba Hadadezer n de Arehob dayɔa mɛ. Se'em ma'an te a yɛ'a sigera Euprates Kolaa a la poan te a ta tɛɛn a mɛŋa sɛla n tabelɛ eŋɛ bini la. 4David fan' ba yiri toroto tuhure la sɛba n tukure a yiri toroto la tuha seyopɔe la sɛba n kene na'ma me tuha pihiyi'. A kagɛ yiri la woo duma, ge ta gee yiri se'e n wan ve'e toroto kɔbega ma'an. 5Damaskusdoma Aram teŋa nɛreba daa wa'ana te ba soŋɛ Zoba naba Hadadezer, David ko' ba nɛreba tuha pihiyi' la ayi'. 6David tare a mɛŋa pɛɛntɛɛnreba ta gu'ule Aram sɔ'ɔlom Damaskus teŋa te Aramdoma la yɔɔra koba bɔ'ɔra en. Te Na'ayenɛ bo David paŋa zaberɛ zen'an woo poan. 7Te David va sanlema zaba te'elehe la te Hadadezer pɛɛntɛɛnreba zanla tɛ'ɛla la tare wa'an Yerusalem teŋa poan na. 8Ge David vaɛ nyɔgɔm kekeko Naba Hadadezer teŋhe, Beta la Berotai poan pa'ahɛ. 9Hamat naba Tou n ta wom te David zabɛ nyaŋɛ naba Hadadezer pɛɛntɛɛnreba la zan'an la, 10te a tom a dayɔa Yoram, te a ta po'ohɛ Naba David, la en zabɛ la naba Hadadezer nyaŋɛ en la. Se'ere n sɔe la, Hadadezer wa zaberɛ me la Tou wa. Te Yoram tare sanlenpeelega la sanlema la nyɔgom lɔgɔrɔ wa'ana bo David. 11Te Naba David dekɛ lɔgɔtonɔ la sanlenpeelega la sanlema se'a te a zabɛ nyaŋɛ teŋhe ge fan' la woo na bo Na'ayenɛ la: 12Edom la Moab la Ammon la Pilistia la Amalek. A me bo Na'ayenɛ lɔgɔrɔ te a zabɛ nyaŋɛ Arehob dayɔa Hadadezer Zoba naba. 13David nyɛ yu'urɛ, en ta lebe na la, a ko la Edomdoma boraahe tuha pia la senii Yaarom Bɔn'ɔn la poan. 14A tare a mɛŋa pɛɛntɛɛnreba ta gu'ule Edom teŋa, ge teŋa la poan zen'an woo a dekɛ la a mɛŋa pɛɛntɛɛnreba ta gu'ule bini. Edomdoma wa zan'an dɛna David yamehe. Ge te zen'an woo te a yɛ'a, Na'ayenɛ la ne bo en la nyaŋerɛ. 15Te David nya sɔna Israel zan'an behera, eŋɛ yelemɛŋɛrɛ la som bo a nɛreba. 16Zeruiah bia Yoab n de pɛɛntɛɛnreba la nɛŋadaana, te Ahilud dayɔa Yehosapat goleha yela biŋera, 17te Ahitub dayɔa Zadok la Abiatar dayɔa Ahimelek dɛna malemadoma, te Seraiah dɛna ba gɔŋgoloha, 18Yehoiada dayɔa Benaiah sɔna Keret la Peletdoma la behera, te David dayɔɔhe la me dɛna a kan'aneba.

will be added

X\