2 Samuel 14

1Zeruiah bia Yoab baŋɛ te naba tɛn'ɛhere la Absalom yele. 2Te Yoab ihege tom nɛra te a keŋɛ Tekoa teŋai ta tare pɔka n tare yam na. Te a pa'alɛ pɔka la yeti, Mina ge eŋɛ ho mea wo ho dela nɛresɛba n mi' koonɔ kɛlega la ayema. Yɛ kɛlega lɔgɔrɔ, da son kaam. Ge eŋɛ ho mea wo ho nɛra n ki te ho ne pon kɛla la. 3La ho keŋɛ naba la zen'an ta yele en yele ana wa, ge nya pa'alɛ pɔka la, n wan ta yele yelese'a la. 4Tekoa pɔka wa n ta paɛ naba zen'an na, ka lu la teŋa a nɛŋan, yele en yeti, Naa, naba, soŋɛ mam! 5Naba la soke en yeti, Ho daaŋɔ dela kone? Te pɔka la lebehe yele en yeti, N daana, mam sera ki mɛ, ge gee mam, te mam dɛna pɔkɔɔnrɛ. 6N tare n dayɔɔhe seyi', te ba ta zabɛ sɛnkai ha, te nɛra ka bɔna bini wan ponhɛ ba. Te ayema ŋmɛ' ayema la te a ki. 7Te yizuo la zan'an ihege zaberɛ la mam, te n dekɛ n dayɔa la n ko' ka sɔɔn la bo ba te ba ko ka, enŋa n ko a sɔɔn la zuo, te me wan ko'en. Ban bote ba eŋɛ se'em kɔ'ɛ mam na'arɛ se'ere n gee la bahɛ n bala, te mam sera buuri da yee, te a yu'urɛ saalom teŋa wa zuo. 8Naba la yele pɔka la yeti, Kule, ge n bo nɔɔrɛ ho yele wa zuo na. 9Ge pɔka wa lebehe yele naba la yeti, N daana, taalɛ la yeen dɔla mam la n sɔ yiredoma ma'an, ge da ta' hom naba la ho na'am gɔŋɔ wa. 10Naba la lebehe yeti, Nɛra se'em n dekɛ a nu'o kalom hɔ, tare en wa'ana bo mam, a kan le malom kalom hɔ. 11Pɔka wa lebehe yeti, Naa, beha la Na'ayenɛ a Yenɛ wa, te se'em n yeti a ko lerege wa, da la ko, te n dayɔa wa da ki. Te naba la yeti, Mam pɔ' Na'ayenɛ wa, te ho dayɔa la zoŋko koyena pon kan lu teŋa. 12Pɔka la nya yeti, N daana, n bote ne te n yele ho la yele deyena. Te naba yeti, Yele mam. 13Pɔka la yeti, Hom mi' wana ge te bene ɛnŋɛ te hom maahom yele dena wa gura Yenɛ nɛreba wa? Hom bo potɛn'ɛrɛ se'ere wa wan lobɛ hɔ, ho han ka bahɛ te ho mɛŋa dayɔa la te ho dige ka bahɛ yeŋa la lebe kule na. 14Te woo wan ki, te ane mɛ wo ko'om en ka'ɛ gan'an teŋa, kan le ta'an kan'ahɛ vaɛ se'em la. Ge Yenɛ ka koore, a ne maahom la sose'a n wan se'em te ba dige bahɛ, te a ka lɛna en la lebe na a nɛŋan na. 15Mam n wa'ana te n yele hom n daana naba se'ere n bala, nɛreba la bahɛ te dabeem n kɛn' mam. Bala te mam tɛn'ɛhɛ te n wan yele ho, daanse'ere ho wan eŋɛ ho yameŋa wa n bote sɛla la bo mam. 16Hom naba wan kelehe, ge fan' ho yameŋa wa se'emdaana n yeti a ŋmaɛ mam la n dayɔa wa Yenɛ sɔ'ɔlom la poan bahɛ la, nu'uhen bahɛ. 17Mam, ho yameŋa wa, mi' ne te hom n daana naba yelehom n wan ta'an fan' mam bahɛ. Se'ere zuo la hom naba kpe'em mɛ la toonsoma wo Yenɛ soŋora la. Na'ayenɛ ho Yenɛ la bɔna hɔ. 18Naba la yele pɔka la yeti, N ka bote ho sogɛ mam yelese'ere woo te n wan soke ho. Te pɔka la yeti, N daana, soke. 19Naba la soke pɔka wa yeti, Yoab nu'o boe yele ana wa woo poan mɛ bii? Te pɔka la lebehe yeti, N daana naba, ge te ho kɔ'ɔn zɛ'a wa, nɛra kan ta'an parom ho nɛŋan. La dele ho tontona Yoab n bo mam nɔɔrɛ te n eŋɛ wana, enŋa n pa'alɛ mam yele ana wa woo. 20Ho tontona Yoab bote a ŋmɛregɛ la yɛla a se'a zuo, te a eŋɛ wana wa. Ge hom n daana naba me tare la yam wo Yenɛ soŋora la, n sɔe te ho baŋɛ dɛ wa. 21Naba la yele Yoab yeti, La ane soŋa keŋɛ ta tare Absalom lebe na. 22Yoab sure a mea teŋa na'ahɛ David, ge kan' som bo en, ge yeti, Naa, zina ho tontona wa baŋɛ ya te ho n daana nɔŋɛ en, la hom n kelehe sɛla te a soke bɔta ho zen'an wa. 23Yoab nya maahom a mea nya keŋɛ Gesur teŋa poan, ta tare Absalom lebe Yerusalem teŋai na. 24Ge naba la bo nɔɔrɛ te ba tare en keŋɛ a mɛŋa yire, ge a da wa'an enŋa nɛŋan na. Te Absalom kule a mɛŋa yire, ge ka paɛ naba la nɛŋan na. 25Israel teŋa la poan la, nɛra daa ka boe te a soŋa nɛɛ wo Absalom. Ze'ele a na'dibihen, ta paara a zuin, a zen'an ka boe gbelege. 26Yuunɛ woo a zonto la ne zo'e gaŋɛ mɛ, te a han ne kɛ a zuo zonto, te a ne kɛ to tebehom ne magara la naba kpila kɔbehe seyi'. 27Absalom ta dɔgɛ la dayɔɔhe setan' la pugula, te ka yu'urɛ yi'ira Tamar, te ka soŋa nɛɛ ka tara makerɛ. 28Absalom kɛn' yuuma ayi' Yerusalem teŋan, ge kan ta'an keŋɛ naba nɛŋan. 29Te a tom te ba ta yi' Yoab na, te a tare en keŋɛ naba la zen'an, te Yoab zagahɛ ka kena na, te a le tom pa'ahɛ bo yi', te Yoab zagahɛ ka wa'ana. 30Absalom nya yele a tontoneba la yeti, Behɛ ya, Yoab va'am n bala lɛm la mam va'am la, te mui nan zɛ'a de zuo la, keŋɛ ya ta mɔ'ɛ bugum bahɛ de poan. Te Absalom tontoneba la seren keŋɛ ta nyɔ' Yoab va'am la. 31Te Yoab ihege keŋɛ Absalom yire, ta soke en yeti, Bene zuo te ho tontoneba la keŋɛ ta nyɔ' n va'am la bahɛ? 32Absalom lebehe en yeti, Mam tom mɛ yi' ho te ho wa'ana, te n tom hɔ te ho ta soke naba yeti, Bene zuo te n ze'ele Gesur teŋa kule na? N bɔŋa bilam ha pon sona ka'lam. Bala bahɛ te n paɛ naba nɛŋan na, te taalɛ han bɔna n poan, a ko mam. 33Bala te Yoab keŋɛ naba David zen'an ta yele en Absalom n se'em. Te naba la tom yi Absalom, te a keŋɛ naba la zen'an, ta paɛ sure teŋa naba la nɛŋan. Te naba la kɔkɛ en.

will be added

X\