2 Nadoma 15

1Israel naba Yeroboam na'am dia yuuma pihiyi' la ayopɔe poan, te Amazia dayɔa Azaria di Yuda na'am. 2A wa dɛna la yuuma pia la a ayoobe ge di na'am la, zin'ire na'am gɔŋɔ zuo yuuma pihinuu la ayi' Yerusalem poan. A ma yu'urɛ dela Yekolia n yehe Yerusalem na. 3Azaria tooma tegɛ Na'ayenɛ nini mɛ wo a sɔ Amazia n yuun ane se'em la. 4Ge a ka sagom kuŋkuma zuto kaanbegɔ zen'enhe la, te nɛreba kelom kaanbera ge nyɔ'anra ko'ɛnka se poan. 5Na'ayenɛ ŋmɛ' naba wa la ban'an te a iŋa sagom te a kɛn'ɛra a ma'an ge te a dayɔa Yotam sɔe naba yire la behera, ge behera teŋa la me gura naba la kum. 6Azaria yelese'a woo n gee la en eŋɛ sɛla woo la golehɛ eŋɛ la Yuda teŋa nadoma yɛla gɔŋɔ la poan. 7Azaria ta kule paɛ a yaabdoma. Te ba pin' en la a yaabdoma David Teŋa la, te a dayɔa Yotam sɔe a na'arɛ dɛna naba. 8Yuda naba Azaria na'am dia yuuma pihitan' la anii poan, te Yeroboam dayɔa Zekaria di Israel na'am, behɛ Israel ŋmarehe seyoobe Samaria poan. 9A tone la be'em wo a yaabdoma la Na'ayenɛ nɛŋan. A ka yehe a mɛŋa Nebat dayɔa Yeroboam tuure la te a tom bahɛ te Israel zan'an tue la poan. 10Yabes dayɔa Salum zabɛ la en, ŋmɛ' en bahɛ nɛreba ninin, ko' en, ge sɔe dɛna naba. 11Zekaria yelese'a n gee la golehɛ eŋɛ la Israel nadoma yɛla gɔŋɔ la poan. 12La seren eŋɛ nɔbiŋse'ere te Na'ayenɛ biŋe la Yehu te ho dayɔɔhe n wan sɔna Israel na'am ta paɛ ba yaan naahe poan. 13Yuda naba Uzia na'am gɔŋɔ zuo yuuma pihitan' la awae' poan te Yabes dayɔa Salum di Israel na'am. A zin'ire na'am gɔŋɔ zuo la ŋmarega Samaria teŋa. 14Gadi dayɔa Menahem nya ze'ele Tirza teŋa wa'an Samaria na ŋmɛ' Salum ko en Samaria poan ge sɔe dɛna naba. 15Salum wa yelese'a n gee la zaberɛ la te a zabɛ la zan'an golehɛ eŋɛ la Israel nadoma yɛla gɔŋɔ la poan. 16Saŋkaŋa te Menahem ze'ele Tirza sagom Tipsa teŋa la nɛreba n boe sɔ'ɔlom poan. Se'ere n sɔe la, ba ka wa sakɛ te ba dekɛ ba mɛhe eŋɛ a nu'uhen. A ko Tipsa nɛreba ge larom ka pɔgɔpoohedoma woo n boe ka poan. 17Yuda naba Azaria na'am dia yuuma pihitan' la awae' poan te Gadi dayɔa Menahem di Israel na'am. A behɛ Israel la yuuma pia Samaria poan. 18Te a tona be'em Na'ayenɛ nɛŋan. A ka yehe a mɛŋa Nebat dayɔa Yeroboam tuure la te a tue bahɛ te Israel zan'an tue la poan. 19Asiria teŋa naba Pul nya wa'ana zabɛ la teŋa la, te Menahem mu'e naba Pul la sanlenpeelega bɔɔrehe tuhure te a bahɛ en te a kelom dɛna naba ge bɔna a nu'uhen. 20Menahem bahɛ te dakanrɛ woo n boe Israel teŋa poan bo sanlenpeelega kpila pihinuu pihinuu, te a dekɛ bo Asiria teŋa naba la. Te Asiria naba la bahɛ ka le daam teŋa la. 21Menahem toonse'a woo n gee la n eŋɛ yelese'a woo la golehɛ eŋɛ la Israel teŋa nadoma yɛla gɔŋɔ la poan. 22Menahem kule paɛ a sɔyaabdoma, te a dayɔa Pekahia sɔe a na'arɛ dɛna naba. 23Yuda naba Azaria na'am dia yuuma pihinuu poan, te Menahem dayɔa Pekahia di Israel na'am, bɔna Samaria poan. A behɛ Israel la yuuma ayi'. 24Pekahia tona be'em Na'ayenɛ nɛŋan. A ka yehe a mɛŋa Nebat dayɔa Yeroboam tuure la te a tom bahɛ te Israel zan'an tue la poan. 25Pekahia pɛɛntɛɛnreba kpɛ'ɛma ayema la Aremalia dayɔa Peka yehe a pooren, dekɛ Gilead boraahe pihinuu ko Pekahia ta Argob la Arie naba yire Samaria poan. Bala te Peka ko Pekahia ge sɔe dɛna naba. 26Pekahia toonse'a n gee la yelese'a woo te a eŋɛ la golehɛ eŋɛ la Israel teŋa nadoma yɛla gɔŋɔ la poan. 27Yuda teŋa naba Azaria na'am dia yuuma pihinuu la ayi' poan, te Aremalia dayɔa Peka di Israel na'am bɔna Samaria teŋa. A behɛ teŋa la yuuma pihiyi'. 28A tona be'em Na'ayenɛ nɛŋan. A ka yehe a mɛŋa Nebat dayɔa Yeroboam tuure la te a tom bahɛ te Israel zan'an tue la poan. 29Israel naba Peka saŋa la poan, te Asiria naba Tiglat Pileser wa'ana zabɛ nyaŋɛ Iyon la Abel Bet Maaka la Yanoa la Kedes la Hazor la Gilead la Galilee la Naptali sɔ'ɔlom la zan'an, nyɔkɛ nɛreba la zan'an tare ba loŋe Asiria. 30Saŋkaŋa te Uzia dayɔa Yotam n di Yuda na'am yuuma pihiyi', te Elah dayɔa Hoshea yehe Aremalia dayɔa naba Peka pooren, zabɛ la en, ko' en, ge sɔe dɛna naba. 31Peka toonse'a woo n gee la a yelese'a woo te a eŋɛ n golehɛ eŋɛ la Israel nadoma yɛla gɔŋɔ la poan. 32Aremalia dayɔa Peka n wa dɛna Israel naba la a na'am dia yuuma ayi' poan te Uzia dayɔa Yotam di Yuda na'am. 33Yotam wa dɛna la yuuma pihiyi' la anuu ge di Yuda na'am, behɛ teŋa la yuuma pia la ayoobe Yerusalem poan. A ma dela Zadok pɔyɔa te ka yu'urɛ yi'ira Yerusa. 34Yotam tooma tegɛ Na'ayenɛ nini wo a sɔ Uzia la. 35Ge a ka gbi kuŋkuma zuto kaanbegɔ zen'enhe la bahɛ, te nɛreba la kelom kena se poan kaanbera ge nyɔ'anra ko'ɛnka se poan. Yotam malom mɛ Na'ayenɛ Yire la saazuo bɔba nayaŋa la. 36Yotam toonse'a woo n gee la n eŋɛ sɛla woo la golehɛ eŋɛ la Yuda teŋa nadoma yɛla gɔŋɔ la poan. 37Saŋkaŋa poan ha la, Na'ayenɛ daa pɔhɛ tona la Aram teŋa naba Arezin la Aremalia dayɔa Peka te a kena zabera la Yuda teŋa wa. 38Yotam ta kule paɛ a yaabdoma, te ba pin' en la a yaabdoma David Teŋa la, te a dayɔa Ahaz sɔe a na'arɛ dɛna naba.

will be added

X\