2 Nadoma 14

1Yehoahaz dayɔa Yehoas n di Israel na'am la yuuma ayi' poan, te Yoas n de Yuda naba la dayɔa Amazia me di Yuda na'am. 2A dela yuuma pihiyi' la anuu ge di na'am la, behɛ teŋa la yuuma pihiyi' la awae' Yerusalem poan. A ma yu'urɛ dela Yehoadin, dɛna Yerusalem teŋa. 3Amazia ete la sɛla ane soŋa Na'ayenɛ nɛŋan, ge a ka ane wo a yaaba David la. A sɛla woo ete wo a sɔ Yoas la. 4Kuŋkuma zuto kaanbegɔ zen'enhe la kelom bɔna mɛ ka gbirige bahɛ, te nɛreba kelom kena kaanbera ge nyɔ'anra ko'ɛnka se poan. 5Sɔ'ɔlom la n ta sɛ ze'ele ba'ahɛ a nu'uhen la, a ko nɛŋadoma se'ehe woo n yuun ko a sɔ n wa dɛna naba la mɛ. 6Ge a ka ko nɛŋadoma wa dayɔɔhe, doohe la Moses Pa'alegɔ Gɔŋɔ la poan te Na'ayenɛ ze'ele se'em yeti, Da ko sɔ a bia tuure zuo, bii bia ki ka sɔ tuure zuo, se'em woo n tue la n kiiri. 7Enŋa n de se'em n ko Edom buuri la poan la nɛre tuha pia Yaarom Bɔn'ɔn la poan, ge nyaŋɛ Sela teŋa tee segɛ ka yu'urɛ Yokteel, te ka yu'urɛ n bala la zina. 8Amazia nya tom nɛreba Yehu dayɔa Yehoahaz dayɔa Yehoas n de Israel naba la zen'an yeti, Wa'ana te to to'ohɛ taaba la pɛɛntɛɛnrɛ. 9Ge Israel naba Yehoas lebehe sɔɔleŋa bo Yuda naba Amazia wa yeti, Lebanon teŋa zaaŋa n tom sɔɔleŋa bo Lebanon teŋa mɔlɔsomɔ tia yeti, bo' mam ho pɔyɔa wa te n di bo n dayɔa wa. Gɔn'an tuntuo la ta baŋera la te Lebanon mɔen duŋa n wa'ana nɛ kɔ sagom biŋe. 10Hom nyaŋɛ Edom la n bala te ho kɔnba nya zakana. Bahɛ te pɛnka sɛka te ho nyɛ la seke ho, yee ho yire baanlam. Bene n sɔe te ho bɔta te ho miim mɛgelom bahɛ ho zuo lagom ta' Yuda wa? 11Ge Amazia ka kelehe. Bala te Israel naba Yehoas me maahom yehe. Te enŋa la Amazia to'ohɛ taaba Bet Semes n de Yuda teŋa bɔn'ɔn la poan. 12Israel zabɛ nyaŋɛ Yudadoma te ba zan'an zɔ kule ba yiya. 13Israel naba Yehoas nyɔkɛ la Ahazia dayɔa Yoas me dayɔa Amazia n de Yuda naba la la Bet Semes teŋa poan. Ge Yehoas keŋɛ ta gbi' Yerusalem teŋa dangoone, ze'ele Epraim nayaŋa la gbi' de ta paɛ sɛnka poan nayaŋa la. Te sɛla te a gbi' bahɛ la woko dɛna wo santira kɔbehe senaahe. 14A fan' sanlema la salempeelega la lɔgɔseto woo n boe Na'ayenɛ Yire la poan la lɔgɔseto woo n boe naba yire poan la. A me nyɔkɛ teŋa la poan nɛreba pa'ahɛ lebe Samaria teŋa. 15Yehoas tooma a se'a la a paŋa yɛla la en zabɛ la Yuda teŋa naba Amazia se'em la yɛla golehɛ eŋɛ la Israel nadoma yɛla gɔŋɔ la poan. 16Yehoas ta kule paɛ a yaabdoma, te ba pin' en Samaria teŋa, Israel nadoma pin'an zen'an la, te a dayɔa Yeroboam sɔe a na'arɛ dɛna naba. 17Yehoahaz dayɔa Yehoas n de Israel naba la n ta ki la, Yoas dayɔa Amazia n de Yuda naba la vɔe paɛ la yuuma pia la anuu. 18Amazia toonse'a woo n gee la golehɛ eŋɛ la Yuda nadoma yɛla gɔŋɔ la poan. 19Yerusalem nɛreba n wa zegera te ba ko' en, te a zɔ loŋɛ Lakis teŋa, ge ba sina ge tom nɛreba te ba keŋɛ bini ha ta ko' en, 20nya zi' en la yiri na, pin' en a yaabdoma yɔɔrɔ poan, David Teŋa la. 21Yuda nɛreba zan'an nya naɛ nɔɔrɛ loe Amazia dayɔa Azaria n nan de yuuma pia la ayoobe la, bobe en na'am te a sɔe a sɔ na'arɛ. 22A sɔ naba Amazia n kule paɛ a yaabdoma ba'ahɛ la, Azaria zabɛ to'e Elat teŋa mɛ malom mɛ ka te ka dɛna Yuda sɔ'ɔlom. 23Yoas dayɔa Amazia n wa di Yuda na'am la yuuma pia la anuu poan, te Israel boraa Yehoas dayɔa Yeroboam me di Samaria na'am, zin'ire na'am gɔŋɔ zuo yuuma pihinaahe la deyena. 24A tone la be'em Na'ayenɛ nɛŋan, ka yehe a mɛŋa Nebat dayɔa Yeroboam tuure la te a tue bahɛ te Israel zan'an tue la poan. 25A ton malom yu'ɛ la Israel teŋan beene ze'ele Lebo Hamat ta paɛ Arabah ko'kantɛ la ha, wo Na'ayenɛ Israel Yenɛ la n tɔgɛ doohe a yameŋa Amitai dayɔa Yona dɛna a nɔtɔgɔha ze'ele Gat Heper teŋa na poan se'em la. 26Na'ayenɛ daa nyɛ Israel n boe muguhego poan se'em. Da'aberɛ bii teŋan bia ka boe ba poan sɔna a mɛŋa, te nɛra me ka bɔna wan soŋɛ Israel. 27Na'ayenɛ daa ka yeti a wan saalom Israel teŋparɛ wa zuo. Bala zuo te a doohe Yoas dayɔa Yeroboam poan fan' ba. 28Yeroboam toonse'a woo n gee la a paŋɛ yɛla la en zabɛ se'em malom to'ohe Damaskus la Hamat teŋhe n tabelɛ dɛna Yuda teŋhe la bo Israel se'em la golehɛ eŋɛ la Israel nadoma yɛla gɔŋɔ la poan. 29Yeroboam ta kule paɛ a yaabdoma, Israel nadoma la, te a dayɔa Zekaria sɔe a na'arɛ.

will be added

X\