2 Korẽntɩ 13

1La nya dela sugumnɔɔren botan' n bala te n yɛ'a na te n behɛ ya wa. Ge ba golehɛ yeti, Yele woo poan, seradoma dɛna bayi' bii batan'. 2Ge n yeti la yamam sɛba n daa pon tom be'em la, la nɛra woo. N daa pon yele ya dena wa n yi'i kene la te n daa wa'ana behɛ ya la. Ge nananawa te n ka le bɔna ya zen'en wa, n wan le yele ya pa'ahɛ. Te bala te han ta lebe daanse'ere daarɛ na, n kan le zɔ' ninbɔn'ɔn bo yamam sɛba n tone bala la. 3Se'ere n sɔe la, ya woo mɔ'ɛ la nini te ya nyɛ sɛla n pa'alɛ te Krista bahere te mam tɔgɔra. A dagɛ taroma ya poan ge a paŋa kanregɛ mɛ bɔna la ya. 4Te la dela tɔrɔgɔ zuo te ba daa ta'an dekɛ en kpa' punpuuredɔɔ zuo te a ki la. Ge bala zan'an, Na'ayenɛ paŋa daa bahɛ en te a le vo'e. Bala, to me lagom pɔ'ɛ tɔrɔgɔ mɛ to bɔŋa a zen'en. Ge tomam la yamam bɔŋa poan to wan ta bɔna la en yɛhera la Na'ayenɛ paŋa poan. 5Magahɛ ya, ya mɛhe behɛ nya ya sɛ' ze'ele soŋa soŋa ya bɔŋa Yesu sore dɔlɔga la poan. Gankɛ ya, ya mɛhe de zuo behɛ yan ane se'em. Behɛ ya nya Yesu Krista seren boe la ya, ya han ka lu. 6Mam mi soŋa soŋa te ya mi te to dagɛ sɛba n ka sɛ' ze'ele soŋa soŋa. 7To sohore Na'ayenɛ te ya kan eŋɛ sɛla n dagɛ ma'an. Dena wa dagɛ la to bote nɛreba n yeti to nyaŋɛ ya. Ge, tomam bote yamam n sɛ' ze'ele soŋa soŋa, bii nɛreba han pon dekɛ tomam te to ka nyaŋɛ. 8Se'ere n sɔe la, tomam kan ta'an tom se'ere tue yelemɛŋɛrɛ ge to dela to sakɛ bo yelemɛŋɛrɛ la. 9Ge la de popeelom bo tomam ton pɔ'ɛ tɔrɔgɔ ge te yamam ton ka pɔ'ɛ tɔrɔgɔ. Bala to sohore te ya kan tara tɔrɔgɔ, ge wan sɛ' ze'ele soŋa soŋa sɛla woo poan. 10Bala n sɔe, te n ka bɔna ya zen'en ge golehɛ dena wa. Bala, te n han ta paɛ na, n kan dekɛ paŋsɛka te to Daana bo mam la namehɛ ya. Ge, n wan dekɛ dɛ soŋɛ ya te ya sɛ' ze'ele soŋa soŋa a sore dɔlɔga la poan, ge dagɛ n sagom ya. 11Ge nananawa, n sɔɔnrɔ, daanse'ere n bala. Kpeŋe ya, ya mɛhe sɛ' ze'ele soŋa soŋa. Kelehe ya yetɔgom sebo te n yɛta ya wa ge me sakere ya bɔ'ɔra taaba gee me bone ya mɛ la sunma'ahom. Na'ayenɛ se'em n de nɔŋerɛ daana la sunma'ahom daana la wan bɔna la ya. 12Po'ohɛ ya taaba la sunma'ahom kɔkerɛ 13Na'ayenɛ nɛreba la woo n boe kalam la po'ohere ya na. 14To Daana Yesu Krista zo'ohogɔ, Yenɛ nɔŋerɛ la Sea la lagaŋɔ bɔna la ya.

will be added

X\