2 Yelebiŋ'a 32

1Hezekia n tom tooma ana woo la birikinte ta ba'ahɛ la, Asiria naba Senakerib wa'an me na te a zabɛ la Yuda teŋa, kae teŋkanra la zan'an gan'an pigira se te a nyaŋɛ se to'e sɔna. 2Hezekia n ta baŋɛ te Senakerib wa'an me na te a zabɛ la Yerusalem la, 3a zin'ire mɛ la a kpɛ'ɛndoma la a pɛɛntɛɛnreba la, sɔnhɛ la ba te ba le' bulehe se'ehe n boe yeŋa tara ko'om la. Te ba sakɛ la en, tom bala. 4Te nɛreba la lagahɛ yehe ta le' bulehe la kolaahe se'ehe ko'om n boe teŋa la yeŋa tara ko'om, ge yeti, Wane to wan bahɛ te Asiria nadoma wa wa'ana nyɛ ko'om. 5Te Hezekia kpemehe a mɛŋa, bahɛ te ba malom mɛ teŋa la dangɔɔma se'a woo n lu la, mɛ limihego deto ta' dangɔɔma la, ge mɛ dangoone deyema yeŋa, ge mɛ taatɛ palehɛ naba David pɛɛntɛɛnreba teŋa dangoone la, ge kure zaba lɔgɔrɔ la zaba te'elehe kekeko. 6Ge loohe pɛɛntɛɛnreba kpɛ'ɛndoma te behera a nɛreba la, ge nya lagahɛ ba zan'an wa'an teŋa la nayaŋa la poan na, tɔgɛ la iŋkpeŋere yele ba yeti, 7Kpe'em ya kaŋkaŋe, ge kpemehe ya mɛhe. Da tare ya dabeem, bii ya iŋa kɔ'ɔhɛ la Asiria naba la a pɛɛntɛɛnreba wa n ka tare kanlɛ wa, ge se'em n boe la tomam la, gane se'em n boe la bama la. 8Sɛba n boe la en la tare la iŋganɛ paŋa, ge se'em n boe la tomam la dela Na'ayenɛ to Yenɛ la, te a soŋɛ tɔ, ge zabɛ zaberɛ wa bo to. Te nɛreba la iŋa kpeŋe la Yuda naba Hezekia wa yelehom wa. 9Wana wa pooren te Asiria naba Senakerib wa'ana zabera la Lakis teŋa ge tom a yamehe la gɔŋɔ Yerusalem na, naba Hezekia n de Yuda naba wa, la Yuda nɛreba woo n boe Yerusalem zen'an. A tom a nɛreba la na yeti, 10Asiria naba Senakerib yeti, Ho dele la bene, ton kelom yee Yerusalem teŋa wa te to gum ka kae gan'an gura wa poan wa? 11Hezekia ka pan'ahe ya mɛ te a bahɛ te ya vibe la kom la ko'nyuuro la en yeti ya yeti, Na'ayenɛ to Yenɛ la wan fan' to Asiria naba wa nu'uhen bahɛ la? 12Dagɛ Hezekia mɛŋa n doohe kuŋkuma zuto wɔnrɛ kaanbegɔ zen'enhe zan'an bahɛ ge bo nɔɔrɛ te nɛra woo kaanbera kaanbegɔ zen'an kayena ma'an poan, ge nyɔ'anra kaanbegɔ zen'kaŋa ma'an poan la? 13Yamam ka mi' mam mɛŋa la n sɔdoma n eŋɛ nɛreba ba teŋhe poan se'em la? Se yena la daa ta'an enŋa la sɛla fiin wa, te ba fan' ba teŋhe la mam nu'uhen yoi? 14Yenɛ denɛ n daa nyaŋɛ fan' de nɛreba, teŋse'ehe woo te mam sɔdoma yuun sagom se zan'an zan'an bahɛ la bahɛ? Ane n wan ta'an fan' a nɛreba mam nu'uhen bahɛ, te yamam tɛn'ɛha te yamam Yenɛ la wan ta'an fan' ya mam nu'uhen bahɛ wa? 15Bala, da bahɛ ya te Hezekia pan'ahɛ ya, bii a bahɛ te ya bɔregɛ wana. Da pon sakɛ ya bo en yeti sɛla, ge teŋa bii sɔ'ɔlom ka boe te ka yenɛ fan' ka nɛreba mam mɛŋa bii mam sɔdoma nu'uhen bahɛ, bii yamam wa, te ya Yenɛ wan nyaŋɛ fan' ya bahɛ. 16Te Senakerib yamehe la tɔgɛ zɛrɛgɛ Na'ayenɛ n de Yenɛ la, la a yameŋa Hezekia. 17Naba la golehɛ la gɔnɔ toora Na'ayenɛ Israel Yenɛ la, ge tɔgɛ zɛrɛgera Yenɛ yeti, Teŋhe yena ka ta'an fan' ba nɛreba mam nu'uhen bahɛ, bala mea te Hezekia Yenɛ wa me kan ta'an fan' de nɛreba mam wa nu'uhen bahɛ. 18Yamehe wa daa mɔɔle yele ana wa mɛ la koŋkokɛ'ɛŋa, Yuda buuri yetɔgom poan bɔ'ɔra Yuda buuri la n yage ba teŋa dangoone la poan beha na la. Ba mɔɔle wana te ba bahɛ te dabeem n kɛn' ba, te ba to'e ba teŋa la. 19Te nɛreba wa nyɔna Yenɛ wa n de Yerusalem Yenɛ wo a dela teŋparɛ wa zuo nɛreba baga te nɛresaaleba dekɛ ba nu'uhe maalɛ la. 20Ge naba Hezekia la Amoz dayɔa Isaiah n de nɔtɔgɔha la sohɛ mɛ ge kaahɛ bo saazuo Yenɛ wa yele ana wa zuo. 21Te Na'ayenɛ tom a soŋora na, te a sige na sagom Asiria pɛɛntɛɛnreba la zan'an. Pɛɛntɛɛnreba sɛba n mi' zaberɛ, nɛŋadoma, kpɛ'ɛndoma, la se'em woo n de pɛɛntɛɛnra bɔna Asiria naba tiiheŋɔ la poan. Te naba la yare lebe a teŋa la nyanɛ, ta paɛ kɛn' a bagarɛ yire la poan, te a mɛŋa kɔma wa'ana ko en la so'a. 22Na'ayenɛ n fan' Hezekia la Yerusalem nɛreba Asiria naba Senakerib, la ba diŋdoma basɛba nu'uhen bahɛ se'em n bala, ge gu'ura ba bɔbɔrɛ woo. 23Te nɛreba zo'e zo'e nya tare ba bo'olom kena Yerusalem na bɔ'ɔra Na'ayenɛ, ge tara lɔgɔsonɔ kena na bɔ'ɔra Yuda naba Hezekia, te a pɔhɛ saŋkaŋa la dɛna nakantɛ teŋhe woo nɛŋan. 24Saŋkaŋa poan ha te Hezekia ta lu ban'an yɛ'a kum, sohɛ Na'ayenɛ, te Na'ayenɛ tɔgɛ bo en ge bo en danlehom te a wan yee a ban'an la poan. 25Ge ban'an la n ta bahɛ en la, pa'alɛ mɛŋa n kɛn' Hezekia, te a ka nyaŋɛ eŋɛ lan dene a eŋɛ se'em lebehe som sebo te a to'e la. Te Na'ayenɛ sunsunyiim a zuo, la Yuda la Yerusalem teŋhe zuo. 26Ge lan eŋɛ bala la, Hezekia sigehe pa'ale mɛŋa sɛka n boe a suunren la mɛ, te Yerusalem nɛreba la zan'an me eŋɛ bala. Bala Hezekia saŋa la poan, Na'ayenɛ sunsunyiim ka le sige Yerusalem teŋadoma zuo. 27Te Hezekia dɛna bontata, tara zuo. Mɛ deto te to dɛna a sanlenpeelega la sanlema la sanlenkuga la nyɛga la zaba te'elehe la toolom lɔgɔrɔ yema yema ma'an biŋere deto. 28Ge mɛ deto te tonɔ me dɛna a ki', la daam, la kaam, la dunhe, nii la piihe gɔtɔ. 29Ge mɛ teŋkanra bo a mɛŋa, tara piihe la dunhe kekeko bo a mɛŋa. Se'ere n sɔe la, Na'ayenɛ bo en la lɔgɔrɔ n ka tare makerɛ. 30Hezekia n de se'em n nyaŋɛ mɛ gu' Gihon kolaa ko'om la n ze'ele zuin bɔba saara na la, ŋmɛregɛ bɔ te bo zɔta kɛn'ɛra naba David teŋkantɛ la poan zuɔ bɔba. Sɛla woo te Hezekia bɔta te a eŋɛ, a ne nyaŋɛ eŋɛ mɛ, 31pon ta ta' la nɛrekanreba la te Babilon teŋa naba tom na te ba wa'ana vɛɛnhɛ baŋɛ yelekerega sɛka n tone a teŋa la poan la. Yenɛ daa bahɛ en la a ma'an yele denɛ poan, te a magahɛ a potɛn'ɛrɛ behɛ n tɛn'ɛhere se'em. 32Hezekia toonse'a n gee la, la n kanbɛ a suunre bo Yenɛ tom yelese'a la zan'an golehɛ eŋɛ la Amoz dayɔa nɔtɔgɔha Isaiah liligere yɛla gɔŋɔ la poan, Yuda Israel teŋa nadoma yɛla gɔŋɔ la poan. 33Te Hezekia kule paɛ a sɔdoma, te ba pin' en naba David dayɔɔhe yɔɔrɔ seto n boe saazuo bɔba la poan, te Yuda la Yerusalem teŋhe nɛreba zan'an zin'ire a koorɛ la poan. Te a dayɔa Manase sɔe a na'arɛ dɛna naba.

will be added

X\