1 Timõtɩ 4

1Yenɛ Sea la daa yeti la ken na te nɛreba basɛba wan bahɛ sera pa'alegɔ la ge sakɛ bo ponpɔrɔŋɔ la bonbɛ'ɛhe pa'alegɔ. 2Ponpɔrɔŋdoma wan pa'ala ponpɔrɔŋɔ pa'alegɔ ge te ba zuto ka zɛɛra. 3Nɛrebana wa yeti nɛreba da dita pɔgɔhe ge ba kiha diihi sese'ehe te Yenɛ maalɛ te sɛba n nam en ge baŋɛ yelemɛŋɛrɛ wan to'e ka ge bo Yenɛ fara. 4Le yɛ'ɛha, sɛla woo te Yenɛ maalɛ ane soŋa. Bala te nɛra da zagahɛ sɛla, ban to'e ge bo Yenɛ fara la zuo. 5La dela dia te Na'ayenɛ n kan' bo la ge te ba po'oha la zuo. 6Ya dekɛ dena wa pa'alɛ ya sɔɔnrɔ la te bala te ya wan eta etesoŋɔ bɔ'ɔra Krista Yesu. Yelese'a to to gorɛ la nu'uhen seyi' wa la dela sera pa'alegɔ yelehom la pa'alegɔ soŋa te ya daa dɔla. 7Ge da dekɛ ya yetɔgɔyoore eŋɛ sɛla. Zamehɛ ya ya mɛhe la bɔŋa Yenɛ sore poan. 8Se'ere n sɔe la, nɛra han zameha a iŋa sɛla etegɔ, a wan nyɛ' de yɔɔrɔ fiin, ge a han bɔna Yenɛ sore poan, a wan nyɛ' yɔɔrɔ zina la beere. 9Sɛla te n nan yele wa dela yetɔgom sebo n de to nam ge nara to to'e la nu'uhe seyi'. 10Dena zuo te to kpeŋe to mɛhe la toonkpɛ'ɛma. Se'ere n sɔe la, to mi' te Yenɛ n vɔe ge dɛna nɛra woo Faanra. A wan bo to yɔɔrɔ pon sɔna sɛba n nam Krista la. 11Yele ba ge pa'alɛ ba dena wa. 12Da bahɛ te nɛra behe ho yoo te ho de bonbilipaalega zuo. Pa'ale ba ban wan tara ba mɛhe se'em ge bɔ'ɔra ho na'ahegɔ. Tɔgɔra tɔgɔsoma, tara ho mɛŋa soŋa, nɔŋɛ nɛreba, nam Yenɛ ge da tara dɛngerɔ. 13Kan'anla Yenɛ gɔŋɔ la bɔ'ɔra nɛreba la ge kan'ana ba ge pa'ala ba gura te n wa'ana. 14Da zagahɛ sɛla te Yenɛ dekɛ bo ho te ho eŋɛ la te ban daa tɔgɛ te keendoma daa dekɛ ba nu'uhe pagela ho zuo la. 15Ton'ana dela ho tom. Dekɛ ho potɛn'ɛrɛ eŋɛ la poan te nɛreba nyɛ' te ho ete la te de tɔla nɛŋa. 16Behɛ la ho mɛŋa la ho pa'alegɔ la soŋa soŋa. Eta bala wuuha. Se'ere n sɔe la, ho han eta bala ho wan fan' ho mɛŋa ge le fan' sɛba n kelehe ho la bahɛ.

will be added

X\