1 Timõtɩ 1

1Mam Paul se'em te Yenɛ loe te n dɛna Krista Yesu tontoneba la ayema n golehɛ gɔŋɔ wa. Mam n golehere kɔ la dela Yesu te to nam la n yeti n golehɛ. 2N golehɛ bɔ'ɔra hon Timoti. Hon nam Krista la zuo, ho ane wo mam mɛŋa dayɔa la. Yenɛ n de to Sɔ la la Krista Yesu se'em n de to Na'ayenɛ la wan eŋɛ hɔ soŋa ge zɔ' ho ninbɔn'ɔn ge bo ho sunma'ahom. 3N le yɛta hɔ la mam daa ye' Makedonia teŋa poan ge daa yele ho te ho eŋɛ se'em la. Yee Epesus teŋa poan la ho yele nɛresɛba n pa'ale ponpɔrɔŋɔ pa'alegɔ te ba go'e bala. 4Yele ba te ba da tɛn'ɛha sɔlema la yaabdoma yɛla n ka tare ba'ahegɔ te nɛrebama taaba han eta wana ba ŋmɛ'ɛre la nɔkpe'ene ge me dagɛ la ton nam Yenɛ se'em la. 5Sɛla n sɔe te n yeti ho eŋɛ wana wa dela, la bahɛ te basɛba nɔŋɛ Yenɛ la ba suunre zan'an, la sunpeele ge nam Yenɛ soŋa. 6Ge nɛrebana basɛba ka eŋɛ wana, ge tɔgɔra la sɛla n ka tare vɔnrɛ. 7Ba mɛhe potɛn'ɛra bote la ba pa'alɛ Moses Pa'alegɔ la, ge ba mɛhe ka bɔkɛ ban yeti sɛla la. Ba me ka bɔkɛ yelese'a te ba tɔgɔra la. 8To mi' te la ane soŋa, nɛra han dekɛ pa'alegɔ la tom ma'an, 9te a han mi' te Yenɛ ka eŋɛ pa'alegɔ la bo la tontɔɔdoma. Ge te a eŋɛ pa'alegɔ bo nɛre wuruba la sɛba n ka zote Yenɛ la be'emdoma la sɛba n ka po'ohere Yenɛ la sɛba n koore ba sɔdoma bii ba madoma, la nɛrekooreba la 10sɛba n tone kabonhe tooma la boraahe n gan' la taaba la sɛba n zuunre nɛreba nyɔgera la sɛba n parone la sɛba n ne pɔ' te ba eŋɛ sɛla ge ka eta la. Pa'alegɔ la me eŋɛ bo la sɛba woo n ka dɔla a. 11Pa'alegɔ la yelesoma la sakɛ bo taaba te Yenɛ n tare popeelom ge tɔ'ɔha pɛnka la te enŋa n bo mam te mɔɔla. 12N po'ohɛ to Daana Krista Yesu en baŋɛ te a wan sakɛ te mam pa'alɛ nɛreba. Enŋa me bo mam paŋa te n ta'an ton tooma la. 13Mam mɛŋa daa de se'em n tɔgɔre la tɔgɔbe'ero a yele ge nameha a nɛreba ge toora en. Ge te Yenɛ daa zɔ n ninbɔn'ɔn mɛ, man daa ka baŋɛ mam ete sɛla la me daa ka sakɛ bo en. 14Te Na'ayenɛ la ka'ɛ zo'ohogɔ kantɛ la bahɛ mam zuo, ge bo mam nɔŋerɛ la naŋa Krista Yesu poan. 15Yele dena wa dela ya sakɛ bo ge le sona te ya to'e de nu'uhe seyi': Krista Yesu daa wa'an teŋa wa zuo na te a fan' la nɛresɛba n ton be'em bahɛ. Nɛrebama woo poan, mam n tom be'em gaŋɛ! 16Yenɛ daa zɔ n ninbɔn'ɔn te Krista Yesu pa'alɛ te a din'inhe suunre bɔ'ɔra nɛreba. En din'inhe suunre se'ere taaba bo mam se'emdaana n ton toonbe'ero gana nɛra woo la pa'alɛ te a wan din'inhe suunre me bo nɛresɛba n wan nam en ge bo ba vom sebo n ka ba'ahegɔ Yenɛ zen'en. 17Na'ahe ya Naba la wuuha ge pɛngere en wuuha se'em n behe tɔ daarɛ woo la, a ka kiire, nɛreba me ka nyɛte en. Enŋa ma'an n de Yenɛ la! Taarɛ. 18Timoti, ho an wo mam bia la. N dekɛ yele dena wa eŋɛ ho nu'uhen, ge n tɛnra nɛreba n daa tɔgɛ ho yele se'em la bahɛ te ho wan ta'an zabɛ zabɛ sonɛ la. 19Hon eŋɛ dena, ho wan gin' naŋa la kaŋkaŋe ge eta sɛla te ho mina te la de ma'an. Nɛreba basɛba zagahɛ mɛ ka eta ge yare sakɛ bo ponpɔrɔŋɔ pa'alegɔ la. 20Himenaeus la Alekzander lagom bɔna nɛrebama taaba poan mɛ. N dekɛ nɛrebama bayi' wa bo Dima te ba zamehɛ la ba da tɔgɔra tɔgɔbe'ero yɛhera Yenɛ yele.

will be added

X\