1 Tesaloniki 2

1Ge n sɔɔnrɔ, ya mɛhe mi' te ton daa wa'ana behɛ ya la daa ka bahɛ yoo. 2Ya le kelom mina ban daa pon tom tɔ sɛla n ka ane soŋa se'em ge me daa to' tɔ Filipi teŋa se'em. Yele ana wa woo daa eŋɛ mɛ ge te to daa nya wa'an Tesalonika teŋa poan na la. Ge bala zan'an, to Yenɛ daa soŋɛ tɔ te to daa mɔɔlɛ a yelesoma bo ya. To daa mɔɔlɛ bo ya ge ka gangɛ la daanseko woo te to daa nyɛ' la. 3Ge yelese'ere te to yɛta ya wa dagɛ la yelese'ere te tuure bɔna bini, bii eteseko n dagɛ ma'an, bii de dɛna la se'ere te to bɔta te to tara pan'aha nɛreba. 4Dene n de se'em la dela Yenɛ n bote se'em la te tomam tɔgɔra daarɛ woo. Se'ere n sɔe la, enŋa n loe tomam ge dekɛ a yetɔgom la eŋɛ to nu'uhen. Bala, tomam ka zegere to eŋɛ la sɛla n wan eŋɛ nɛresaaleba suunre nyɛlom. Ge, to eŋɛ Yenɛ suunre nyɛlom. Enŋa me n mi' to potɛn'ɛra n tɛn'ɛhɛ se'em. 5Ya mi' soŋa soŋa te ton daa wa'ana la, to daa ka tare la nɔmalehom ma'an la to ta'an pan'ahɛ ya. To me daa dagɛ sɛba n nyigere ge yenzuo daa tɔgɔra mɛ te ya da baŋɛ te to de bala. Ge Yenɛ ze'ele to poore mɛ yɛhera yele ana wa. 6To me daa ka zegere te yamam n pɛngɛ tɔ bii nɛresɛba pɛngɛ tɔ. To daa ta'an yele ne ya sɛla te to bɔta ya zen'en ton de Krista tontoneba la zuo. 7Ge ton daa boe la ya la, to daa tare to mɛhe mɛ soŋa soŋa wo ma n tare a mɛŋa soŋa soŋa behera a kɔma se'em la. 8Ge ton daa nɔŋɛ ya la zuo te to daa ka eŋɛ to potɛn'ɛrɛ te to mɔɔlɛ Yenɛ yelesoma la ma'an bo ya. Ge, to daa lagom maahom mɛ te to dekɛ to vom tehɛ ya zuo. Se'ere n sɔe la, to daa nɔŋɛ ya mɛ. 9Yelemɛŋɛrɛ to sɔɔnrɔ, ya mi soŋa soŋa ton daa tone ka gɔ'ɔra se'em te to beha to mɛhe. To daa tone wontɛɛŋa la yu'uŋɔ zan'an. To daa ete bala te ton mɔɔlɛ Yenɛ yelesoma bɔ'ɔra ya la, to da tara daaŋɔ bɔ'ɔra se'em. 10Ge ya mɛhe nyɛ' la ya nini ton daa boe bɔŋsɛka taaba la yamam sɛba n dole Yesu sore la. Na'ayenɛ me ze'ele to pooren dena mea poan mɛ. Dɛngerɔ bii ŋmɛlema bii tuure daa ka boe eteseko te to daa eta bɔ'ɔra ya la poan. 11Ya mi te to daa ete la sɛla n de ma'an bɔ'ɔra nɛra woo wo sɔ n ete se'em bɔ'ɔra a kɔma la. 12To daa soŋɛ ya ge me kan'an ya ge me daa kɔ'ɔn yɛta ya la ninmɔ'ɔrɛ te ya bɔna bɔŋsɛka taaba n wan eŋɛ Yenɛ suunre nyɛlom. Enŋa n yele ya te ya lagom bɔna zen'an te a sɔna behera ge nyɛta pɛnka la. 13Yelese'ere zuo te to pɛngera Yenɛ daarɛ woo dela ton daa wa'ana mɔɔlɛ Na'ayenɛ yetɔgom la bo ya la, ya daa kelehe de soŋa soŋa ge me to'e de. Yan daa kelehe la ya daa mi te de dagɛ la asaala yetɔgom, ge de daa seren kɔ'ɔn dɛna la Yenɛ yelehom. Se'ere n sɔe la, Yenɛ tone mɛ la ya sɛba n sakɛ bo en la. 14Te yamam n sɔɔnrɔ, yelese'a te ya nyɛta wa dela yelese'a te lagaŋseto n dole Yenɛ sore n bo Krista Yesu bɔna Yudea teŋa poan la daa nyɛ'. Namehe se'ere taaba te ya mɛŋa teŋa nɛreba namehe ya wa dela boyena mea me te Yudoma la me daa namehe ba. 15La dela Yudoma bama n bala n daa ko Na'ayenɛ Yesu la nɔtɔgɔheba ge namehe tɔ wa. Bala, Yenɛ ka tare popeelom la ba. Ba me le dɛna la nɛra woo diŋdaana. 16Ba zegere te ba gu' to te to da ta'an mɔɔlɛ yelesoma la n faanrɛ nɛreba baha la bo sɛba n dagɛ Yudoma. Yele dena wa te ba eŋɛ wa dela be'em te ba eŋɛ pa'ahɛ be'em toonse'a te ba eta daarɛ woo la. Bala nananawa, ba wan nyɛ' namehegɔ Yenɛ zen'en. 17Ge han dɛna tomam n sɔɔnrɔ, ton daa bahɛ ya dabeha fiin wa la, la daa dagɛ la to daa tamɛ la ya yele to potɛn'ɛra poan. La yenzuo daa de'a la to ka nyɛte taaba la nini. To nyuunre mea bala bahɛ tɔ te to zegera mɛ to to le nyɛ' ya yɛ'ɛha. 18To bote te to lebena behɛ ya yɛ'ɛha. Mam Paul daa zegere mɛ te n lebe na. Ge, Dima la daa ka bo to sore. 19Ge sera la dela yamam ge dagɛ sɛba me ha te tomam tara to suunre poan gura ge tara popeelom. La dela yamam te to wan nyɛ' sore ŋmɛ' to nyɔn'ɔnrɔ to Na'ayenɛ Yesu nɛŋan a han ta lebena. Se'ere n sɔe la, to nyaŋɛ ya. 20Yelemɛŋɛrɛ, la dela yamam te to zɛnkera to mɛŋa ge tara popeelom.

will be added

X\