1 Tesaloniki 1

1Mam Paul la Silas la Timoti n golehɛ gɔŋɔ wa. To golehɛ bɔ'ɔra la yamam lagaŋseko n de to Sɔ Yenɛ la to Na'ayenɛ Yesu Krista nɛreba bɔna Tesalonika teŋa poan la. Yenɛ wan eŋɛ ya som, ge bahɛ te ya tara sunma'ahom. 2To bo'ore Yenɛ fara ya zuo daarɛ woo. To me tɛnre ya yele to po'ohegɔ poan daarɛ woo. 3Se'ere n sɔe la, to Sɔ Yenɛ zen'en, to tɛnre yan tone se'em yɛhera ya sakerɛ la poan. To kelom tɛnra ya nɔŋerɛ la n bahɛ te ya tom se'em ge me kelom sɛ' ze'ele kaŋkaŋɛ yɛhera yan sakɛ se'em gura ya potɛn'ɛra poan bo Na'ayenɛ Yesu Krista la. 4To sɔɔnrɔ, to mi' te Yenɛ nɔŋɛ ya mɛ ge loe ya te ya dɛna a nɛreba. 5Te ton daa wa'ana mɔɔlɛ yelesoma la, to daa ka mɔɔlɛ dɛ la yetɔgom ma'an. Ge, to daa mɔɔlɛ dɛ mɛ la paŋa la Yenɛ Sea la poan ge me daa bahɛ te ya baŋɛ soŋa soŋa te de dela yelemɛŋɛrɛ. Ya mi' bɔŋsɛka taaba te to daa bɔna ton daa boe la ya la. To daa boe bala la yamam som zuo. 6Ya daa tɔgɔhɛ tomam la Na'ayenɛ n daa boe se'em la. Ge te la yan daa pon nyɛ' namehegɔ la, ya daa sin ge kelom to'e yelesoma la mɛ. Ya daa to'e de mɛ la popeelom sebo te Yenɛ Sea bahera te nɛreba tara la. 7Dene poan, yamam daa de nɛresɛba te sɛba woo n sakɛ bo Yesu bɔna Makedonia la Greek tenhen la wan beha tɔgɔha. 8Te yan mɔɔlɛ yelesoma la se'em yɛhera Na'ayenɛ yele la ka yehe mɛ bo Makedonia la Greek teŋhe nɛreba ma'an. Ge, yan nam Yenɛ se'em me yehe la bɔbɔre woo. Bala, yelese'ere ka le bɔna de'a tomam tɔgɛ yɛhera dena wa yele. 9Se'ere n sɔe la, nɛrebama mɛŋa tɔgɛ yɛhera ton daa wa'ana behɛ ya te ya to'e to soŋa soŋa se'em. Ba le kelom tɔgɛ yan daa zagahɛ baga kaanbegɔ ge gee ton sakɛ bo Yenɛ se'em, la yan daa yeti ya tona bɔ'ɔra Yenɛ se'em n vɔe ge me dɛna yelemɛŋɛrɛdaana se'em. 10Le yɛ'ɛha, ba daa kelom yele yan daa gure te Yenɛ Dayɔa ze'ele saazuo wa'an na se'em. A Dayɔa la dela Yesu se'em te a bahɛ en te a le vo'e ge la n daa pon ki' la. Enŋa n yeti a fan' tɔ bahɛ namehe seko n yeti ko wa'an nɛreba zen'en na yɛhera la Na'ayenɛ sunsunyiim la.

will be added

X\