1 Samuel 29

1Pilistia pɛɛntɛɛnreba wa tiihom la Apek teŋa, te Israel pɛɛntɛɛnreba la me ta tiihom Yezreel teŋa kolehe nɔɔrɛn. 2Pilistia nadoma la bɔna ba pɛɛntɛɛnreba tansuga la nɛŋa yɛhera na, te tansuga a se'a tara nɛre kɔbehe, te a se'a me tara nɛre tuha. Te David la a nɛreba la me tagalɛ taaba yee poore dɔla Akis. 3Pilistia zaba nɛŋadoma la sɔkera yeti, Ge Hebru nɛreba wa me ete la bene ka'lam? Te Akis yele ba yeti, David n daa de naba Saul yameŋa la n bala wa'ana bɔna la mam dabeha ta paɛ yuuma ka'lam. N zɔ wa'an mam zen'an na la tara tara la zina, mam ka nyɛ a tuure. 4Ge Pilistia nɛŋadoma wa sunsunya nyie la Akis, te ba yele en la yeti, Bahɛ te boraa wa lebe ta bɔna hom bo ka zen'an te ka bɔna la. Ka kan doohe tomam keŋɛ zaberɛ la poan. A ta'an ta ŋmɛregɛ zabɛ la tɔ. Nɛra wa yeti a eŋɛ la wane naɛ la a daana la, han dagana a tare la tomam nɛreba zuto paɛ a nɛŋan. 5Dagɛ David kana n bala te ba tara yoona ba wa'ahe poan yeti, Saul ko la tuha ge David ko la tuha pia la? 6Te Akis yi' David na yele en yeti, Na'ayenɛ nɛŋan te n zɛ'a tɔgɔra wa. La han dɛna mam tɔka, mam nyɛ hɔ te ho dɛna la birikina. Bala te mam tɛn'ɛhɛ ne te ho han lagom boe ne zaberɛ wa poan, la ane ne soŋa. Hom wa'an mam zen'an na daarɛ tara tara la zina, mam ka nyɛ ho tuure. Ge la bala zan'an, nɛŋadoma la ka to'e ho. 7Bala zuo, lebe kule la iŋma'ahom. Da tom sɛla n wan nyiihe Pilistia teŋa nadoma wa suunre. 8David soke Akis yeti, Mam eŋɛ la bene? Mam n wa'an ho nu'uhen na tona la hɔ tara tara la zina. Mam tuure dela dene te la ka sona te mam doohe ta zabɛ la n daana diŋdoma wa? 9Akis yeti, Han dɛna mam nɛŋan, ho dɛna la tontɔɔ wo Yenɛ soŋora la ge Pilistia nɛŋadoma la n yeti ho kan doohe bama keŋɛ pɛɛntɛɛnrɛ la. 10Bala, deŋɛ bolika yu'uŋyu'uŋɔ la ho daana nɛreba la te ya lebe mam n bo ya zen'an te ya kɛn'ɛra la. 11Te yiimbeere bolika yu'uŋyu'uŋɔ te David la a nɛreba la ihege lɛbera Pilistia teŋa la poan, te Pilistia pɛɛntɛɛnreba la me yɛ'a Yezreel teŋa la ha.

will be added

X\