1 Samuel 21

1Te David zɔ keŋɛ Nob teŋa, malemadaana Ahimelek zen'an. Ahimelek gbe'era to'oha David ge sɔkera en yeti, Wane te ho kena ho ma'an te nɛra ka dɔla hɔ? 2Te David lerege malemadaana Ahimelek wa yeti, Naba Saul n tom mam ge yele mam yeti, N da yele nɛra enŋa n tom mam se'ere poan la, la enŋa n bo mam nɔɔrɛ te n eŋɛ sɛla la. Bala te mam bahɛ n pɛɛntɛɛnreba la zen'an ha. 3Dia boe te ho wan bo mam? Bo' mam boroboro banuu, bii disɛka woo n boe. 4Te Ahimelek wa lerege David yeti, Boroboro yoo me ka boe. Toolom boroboro la ma'an n boe. Ho pɛɛntɛɛnreba la han ka nɛ pɔka soŋen, ho ta'an to'e. 5Te David yeti, Aai, tomam ka nɛ pɔka soŋen. Tomam han yɛ'a yɛha te to ta tom toonɛ, mam ka sakere te ba gan'ata la pɔka. To han ne yɛha toonbibihe toŋa, ba ne tara ba mɛhe soŋa mɛ ta'an sohɛ Na'ayenɛ, nya bii tomam n boe toonkantɛ zuo? 6Te malemadaana la dekɛ toolom boroboro la bo en. Se'ere n sɔe la, boroboro yoo ka boe han dagana toolom boroboro se'a n dekɛ bo Na'ayenɛ ma'an te ba ne dekɛ ge tee a taaba tuluga biŋe la. 7Bala ma'an te Saul yameŋa n de a duŋkeema nɛŋadaana te a yu'urɛ dɛna Doeg, dɛna Edom buuri la n daa boe bini de daarɛ Na'ayenɛ nɛŋan. 8Te David soke Ahimelek yeti, Ho ka tare kanɛ bii so'a ka'lam? Mam ba' kanbele ne mɛ te n keŋɛ ta tom naba n tom mam te n tom sɛla la. Bala te n ka dekɛ n so'a bii n zaba lɔkɔ la koyena me. 9Te Ahimelek yele en yeti, So'a sɛka n boe dela Pilistia boraa Goliat la te ho yuun ko' Elah bɔn'ɔn poan la ma'an. Ka boe kalam te tanɛ bobe ka te ka tin'an toolom fugiriga la pooren ha. Ho han bɔta kaŋa ho dekɛ ge so'a ka le bɔna ka'lam. Te David yeti, so'a pon ka le bɔna ana wo so'kaŋa. Dekɛ bo mam na. 10De daarɛ mea te David zɔ le'ehɛ Saul wa'ana paɛ Gat teŋa n boe Pilistidoma sɔ'ɔlom poan la, naba Akis zen'an. 11Te Akis kpɛ'ɛndoma soke Akis yeti, dagɛ David se'em n de teŋa wa naba la n bala? Dagɛ enŋa n bala te ba tara yoona ba wa'ahe poan te Saul ko la tuha te David ko tuha pia la? 12Te David tɛn'ɛhɛ a suunre poan ha, te la bahɛ te dabeem tara en la Gat naba Akis wa. 13Bilam te David mina ge eŋɛ wo bonyiriŋɔ la ba nu'uhen, dɔla boɔnra ba nayahe poan, ge bahɛ te a nɔtɔɔnrom gala lerona a tɛɛŋa. 14Te naba Akis yele a yamehe la yeti, behɛ ya, yamam nyɛ boraa wa n de bonyiriŋɔ ge tare ka wa'an mam yire wa na bo? 15Mam yele ya mɛ te bonyirinɔ n pɔ'ɛ mam te ya tare boraa kana wa na te ka zala te n beha? Tare ya en yehe mam yiren wa.

will be added

X\