1 Samuel 13

1Saul dela yuuma pihitan' ge dɛna naba beha Israel teŋa. A behɛ Israel teŋa la yuuma pihinaahe la ayi'. 2Saul ganhɛ la Israel pɛɛntɛɛnreba tuha atan'. Tuha ayi' bɔna la en Mikmas la Betel zoore teŋa, te tuhure la n yee la bɔna la Yonatan Gibea teŋa n boe Benyamin teŋa poan. Ge a bahɛ nɛresɛba woo n yee la te ba lebe kule ba yiya. 3Yonatan zabɛ nyaŋɛ Pilistidoma pɛɛntɛɛnreba sɛba n gure Geba teŋa la, te Pilistidoma la wom de yele. Te Saul peebe tentanɛ kae teŋa la zan'an mɔɔlɛ te Hebru nɛra woo wom. 4Israel zan'an n wom te Saul zabɛ nyaŋɛ Pilistia pɛɛntɛɛnreba n gure Pilistia la, ge me mina te Pilistidoma la ka bote Israeldoma wa yele la. Te Israeldoma la zan'an lagahɛ Saul zen'an na Gilgal teŋa poan. 5Te Pilistidoma la lagahɛ maahom te ba zabɛ la Israeldoma. Ba tare la zaba yiri toroto tuha pihitan' la sɛba n tukure la yire toroko tuha ayoobe, ge te pɛɛntɛɛnreba sɛba n kene na'ma zo'e wo kolaa tentɔnbin'ihegɔ la. Te ba wa'ana tiihom Mikmas teŋa Bet Aven teŋa dapɔya bɔba ha. 6Israeldoma wa n ta behɛ te Pilistia pɛɛntɛɛnreba la n ba' bibigera ba se'em na la, te ba sogɛ ba mɛhe yogoro la bogoro la tanhe la loohe poohen. 7Hebrudoma wa basɛba yakɛ Yordan kolaa la kɛn' Gad la Gilead teŋhe poan. Bala ma'an te Saul kelom bɔna la Gilgal teŋa poan te a nɛreba la dɔla en ge gbe'era la dabeem. 8Te Saul gu'uhe Samuel Gilgal teŋa poan ta paɛ Samuel n bo en dabeha ayopɔe se'a la, te Samuel kelom ka wa'ana. Te nɛreba la pɔhɛ le'eha ge baha Saul. 9Bala te Saul yeti, Bo ya mam nyɔ'an bo'olom la la sunma'ahom bo'olom la na. Te ba tare na bo en te a kaanbɛ nyɔ'an bo'olom la. 10N kaanbɛ nyɔ'an bo'olom la ba'ahɛ la, te Samuel n bala paara na. Te Saul to'ohɛ en, po'ohe en. 11Samuel soke en yeti, Ho eŋɛ la bene wa? Te Saul lerege en yeti, Mam nyɛ te nɛreba la yeregere mɛ ge baha mam, te ho me ka wa'an dabahese'a te ho pa'alɛ mam la poan na, ge te Pilistidoma la me maahom bɔna Mikmas teŋa poan la zuo, 12te mam tɛn'ɛhɛ yeti, Pilistidoma wa ta'an bibige mam Gilgal teŋa wa poan na, ge te n me nan ka soke Na'ayenɛ behɛ. Bala te mam pɛnregɛ n mɛŋa kaanbɛ nyɔ'an bo'olom la. 13Te Samuel yele Saul yeti, Ho tom la gere tooma, la hon ka doohe Na'ayenɛ ho Yenɛ la nɔɔrɛ la te a bo ho la. Ho han eŋɛ ne, Na'ayenɛ wan sɛ ne ho na'am sɔ'ɔlom Israel teŋa wa poan te bo bɔna wuuha. 14Ge nananawa, ho na'am la kan le tokɛ. Na'ayenɛ gaŋɛ la boraa sɛka n tare Na'ayenɛ mɛŋa suunre loe la kaŋa ta ka beha a nɛreba wa. Se'ere n sɔe la hom ka doohe Na'ayenɛ n bo ho a nɔɔrɛ se'em la. 15Samuel nya bahɛ Gilgal teŋa tɔɔra Gibea teŋa n boe Benyamin teŋa poan, te Saul kaanlɛ nɛresɛba n dole en la te ba dɛna wo boraa kɔbehe seyoobe. 16Te Saul mɛŋa la a dayɔa Yonatan, la nɛresɛba woo n boe la ba la yee kɛn'ɛra Gibea teŋa la n boe Benyamin teŋa poan la, ge te Pilistidoma la me tiihom bɔna Mikmas. 17Te pɛɛntɛɛnreba basɛba ze'ele Pilistidoma tiiheŋɔ la yehe na tɔnrɛ ba mɛŋa sugumnɔɔren botan'. Te basɛba tɔɔra Oprah teŋa yɛ'a Sual teŋa, 18te basɛba tɔɔra Bet Horon teŋa, te basɛba la me tɔɔra zɔya se'a n sure beha Zeboim Bɔn'ɔn la poan mɔen bɔba ha la. 19Saŋkaŋa poan wa la te kuta ka pote Israel teŋa la poan. Se'ere n sɔe la, Pilistidoma wa yeti, to kan pa'alɛ Hebrudoma wa te ba tana kuta so'ahe la kana ba mɛŋa. 20Bala Israeldoma ne sige la Pilistidoma wa zen'an ta saahɛ ba nii kunya la piŋgaahe la leehe la kɛɛrehe. 21Pilistidoma wa kɛɛre la kpile peka ge saaha niikuunre nɔɔrɛ la so'ahe ge le kɛɛra kpile peka girigo ba ne han saahɛ leehe la saanbehe. 22Bala, zaberɛ la daarɛ la, nɛra ka boe Saul la Yonatan boraahe la poan zanla so'a bii kanɛ. Saul la a dayɔa Yonatan ma'an n tare. 23Te Pilistidoma pɛɛntɛɛnreba basɛba ze'ele ba tiiheŋɔ la poan yehe na te ba yakɛ Mikmas.

will be added

X\