1 Nadoma 7

1Te Solomon dekɛ yuuma pia la atan' mɛ a mɛŋa yire ba'ahɛ. 2A sɛgɛ dɛ Lebanon Tiihe Yire, te dewoko dɛna santira kɔbega, te de yaleŋa dɛna santira pihinuu, te de saazuo woko dɛna santira pihitan'. Te a dekɛ dɔɔ kanrɛ mɔlɔsonɔ n de zɛnya sɛ tagalɛ taaba sugumnɔɔren bonaahe, te yuunhe nya pagalɛ bama zuo. 3Te a nya dekɛ dɔɔ mɔlɔsonɔ lahɛ bagalɛ yuunhe la n page zɛnya pihinaahe la anuu la, sɛ pia la anuu anuu tagalɛ taaba la zuo ta tooɛ. 4Te takɔla atan' n naɛ taaba punpuure inŋa n boe zuin ha tɔ taaba. 5Te yire la kolehe zan'an dɛna koleŋmɔgɔrɔ, toŋe taaba botan', yire la nɛŋan na. 6A beŋɛ tɔlega bɔ'paka pa'ahɛ, te ka woko dɛna santira pihinuu, te ka yaleŋa dɛna santira pihitan'. Te a maalɛ paka sɛ zɛnya lahɛ. 7A mɛ a na'am zoŋɔ, sɛgɛ ko yu'urɛ te Gankerɛ Bɔ'ɔ, dekɛ dɔɔ mɔlɔsonɔ maalɛ ko teŋa ta paɛ ko zuin. 8A mɛŋa yire la te a wan kɛn'ɛra la me ane mɛ wo a na'am zɔŋɔ. Yire la bɔna pooren fiin ha, ge te a me mɛ deyema me n ane bala bo Mizraim naba pɔyɔa la te a di la. 9Ba dekɛ la kugusoma magɛ ŋma' ge saahɛ se loga poan la yeŋa zan'an mɛ' deto tona wa zan'an pɔhɛ ɛnberɛ ta paɛ piliga. Mɛ kana zan'an dela kuga se'a nyɛa n tɔe, te ba magahɛ a ŋma dekɛ kɛtɛhe so'ahe a loga zan'an, ze'ele ɛnberɛ la mɛ ta paɛ zuin. 10Ɛnberɛ la dela kugukanra ge dɛna kuguksoma, te a se'a woko dɛna santira pia, te a se'a me dɛna santira anii te ba dekɛ ɛɛnbe. 11Yire la zuin ha dela kugusoma te ba magahɛ a ŋma, la dɔɔ mɔlɔsonɔ kanra. 12Zenzaka kantɛ la me kugusoma te ba magahɛ ŋma, mɛ mɛɛhe setan' kae zenzaka la, ge magahɛ dɔɔ mɔlɔsonɔ ŋma toŋe mea kayena pa'ahɛ wo Na'ayenɛ Yire zenzaka la. 13Naba Solomon tom yi' Huram n de Tire teŋa nɛra, 14te a ma dɛna pɔkɔɔnrɛ dɛna Naptali yizuo, te a sɔ dɛna Tire teŋa nɛra tana tara nyɔgom maala lɔgɔrɔ. Huram wa tare la nyɔgom lɔgɔrɔ maalegɔ mi'ilom. Te a wa'an Naba Solomon zen'an na tom en bo en toonse'ere woo la. 15A maalɛ nyɔgom zɛnya ayi', te deyena woo woko dɛna santira pia la anii, te ba kantɛ dɛna santira pia la ayi' mum. Mi'an makerɛ n bala. 16A maalɛ nyɔgom lihe seyi', te kayena woo woko dɛna santira anuu, dekɛ vuge zɛnya la zuin ha. 17A me maalɛ kure zɔntɔ toyopɔe, te tonɔ lo' lihe la ta la zɛnya la. 18A golɛ *pomegranate guunlehe seyi' kae lihe la n vuge nyɔgom zɛnya la zuin ha la. 19Ge lihe se'ehe n vuge bɔ'paka la zɛnya la, a golɛ la mɔpuuro eŋɛ bama poan, te se woko me dɛna santira anaahe. 20Nyɔgom zɛnya la ayi' la lihe la zuin ha la, yɛ'a fehegan ha la, a golɛ *pomegranate kɔbehe seyi', guunleŋa guunleŋa lamenɛ lihe la kae. 21A sɛ zenya wa la bɔ'paka la n boe yire la nɛŋan na la, sɛgɛ zuɔ bɔba zɛɛnrɛ la Yakin, ge segɛ gɔbega bɔba la zɛɛnrɛ la Boaz. 22A golɛ mɔpuuro lamenɛ zɛnya la zuin. Zɛnya la tooma n ba'ahɛ se'em n bala. 23A dekɛ nyɔgom kure laa la te ka yi'ira Ko'kantɛ la, te ka dɛna kiliga. Te ka yaleŋa dɛna santira pia, te ka saazuo woko dɛna santira anuu. Mi'magahega woko n de santira pihitan' n dekɛ makɛ ka mum. 24Laa la nɔgbanɛ la teŋa na, te gologa la pia dela santire kae mum. Gologa la dela guunlehe seyi' bɔna bɔbeyenɛ la ko'kantɛ la. 25Te ba kure lɔlehe pia la seyi' te laa wa yaga se zuo. Te lɔlehe la setan' nɛhe tɔ zuɔ, te setan' nɛhe tɔ zanɔya bɔba, te setan' nɛhe tɔ gɔbega, te setan' nɛhe me tɔ dapɔya. Te laa wa n de Ko'kantɛ wa suga se zuo, te se fehe tɔ taaba bɔba teŋasoka. 26Laa wa takenɛ dɛna nu'dibila, te ka nɔɔrɛ la gɔmɛhɛ kae soŋa. Ka poan ko'om dɛna dogorɔ tuha ayi'. 27A maalɛ nyɔgom ze'elehe pia n wan tana vuura, te se woko dɛna santira anaahe, te se yaleŋa dɛna santira anaahe, te se saazuo woko dɛna santira atan'. 28Ze'elehe la n maalɛ se'em n wana. Ba kure ba gɛɛrehe la mɛ yema yema nya dekɛ fogolɛ ze'elehe la poan. 29A golɛ gbegema la lɔlehe la kelompagehedoma eŋɛ gɛɛrehe la poan. Gbegema la lɔlehe teŋa na, a zan' la nyɔgom golɛ puuro eŋɛ bilam. 30Zɛ'ɛlega woo tara nyɔgom yiila anaahe, la nyɔgom kuruseko te yiila la wan tuhe la, te zɛ'ɛlega woo tara te'elehe senaahe n te mɔpuuro golɛ lamenɛ se kae. 31Te'elehe wa tara baŋa kiliga ba zuin na, te ka takenɛ dɛna santire. Te sɛla n gin' ko woko la dɛna santire la girigo. Te ba golɛ bonmɔgɔrɔ kae ko nɔɔrɛ la. 32Yiila anaahe la bɔna zɛ'ɛlega la teŋa, te yiila la n tuhe kuruseto poan la ta' la zɛ'ɛlega la. Te yiile woo woko dɛna santire, la girigo. 33Yiila la ane wo yiri toroto yiila la, te yiila la kuruseko te na'ma la tuhe bini la a banhe zan'an, ba dekɛ la nyɔgom kure ba yema yema. 34Ze'elehe wa tara gorega zen'an ka nɔgbama anaahe la woo poan. 35Zɛ'ɛlega woo yoko baŋa tagalom dɛna santire girigo. Te sɛla me gorɛ zɛ'ɛlega zuin na la ta' taaba. 36A golɛ kelompagehedoma la gbegema la kpa'kpa' tiihe la mɔpuuro lamenɛ gɛɛrehe la en kɛn'ɛhɛ zɛ'ɛlega la loga la. 37En maalɛ ze'elehe pia la woo se'em n bala. A dekɛ la nyɔgom maalɛ se zan'an, te se wona taaba, zona taaba. 38A nya maalɛ nyɔgom laahe kanra pia, te dogorɔ pihinaahe ko'om n kɛn'ɛre laahe la kayena wa poan, te se yaleŋa dɛna santira anaahe. Laa woo yaga zɛ'ɛlega woo zuo, ta tuɛ ze'elehe pia la woo. 39A dekɛ ze'elehe la senuu ze'ele Yire la gɔbega bɔba, ge dekɛ senuu ze'ele Yire zuɔ bɔba. A dekɛ Ko'kantɛ la ze'ele Yire la poan gɔbega bɔba, pooren sɛnka poan. 40A me maalɛ dogorɔ la vaahe la miihego laahe. Huram n ba'ahɛ toonse'ere te a to'e Naba Solomon Na'ayenɛ Yire se'em n bala: 41nyɔgom zɛnya ayi' la lihe seyi' la zɔntɔ la n kure lo' zɛnya la zuo la 42*pomegranate kɔbehe senaahe la n golɛ *pomegranate guunlehe seyi' kae lihe seyi' wa n vuge zɛnya wa la 43ze'elehe pia la se laahe kanra pia la 44Ko'kantɛ la lɔlehe pia la seyi' la te ka suga se zuo la 45dogorɔ la vaahe la laahe se'ehe n wan tara miihera la. Huram n maalɛ lɔgɔtona woo bo Naba Solomon, te to dɛna Na'ayenɛ Yire la lɔgɔrɔ, nyɔgom ma'an en dekɛ nyɛlegɛ maalɛ tɔ. 46Naba la bahɛ te ba dekɛ la yɔgɔrɔ yagom lɔgɔrɔ la yia, bɔn'ɔrɔ n boe Yordan Kolaa la bɔba n bɔna Sukot la Zaretan teŋasoka ha, nya nyɛlegɛ nyɔgom la ka'ɛ doohe yɔgɔrɔ la. 47Solomon ka nyaŋɛ magahɛ lɔgɔrɔ la tebehom behɛ. Se'ere n sɔe la, lɔgɔrɔ la ba' zo'e mɛ. 48Solomon me dekɛ sanlema ma'an maalɛ lɔgɔseto Na'ayenɛ Yire la poan dela: sanlema ko'ɛnka daka la sanlema tebole la te toolom boroboro la paga de zuo la 49sanlema bugum ze'elehe pia te senuu zɛ'a gɔbega te senuu zɛ'a zuɔ Saraa la nɔɔrɛn yeŋa na la sanlema puuro la butoleladoma la se migihiga se'ehe la se mi'inhe la 50sanlema laahe la so'a la laahe se'ehe n tare miihera la bɛ'ɛhe se'ehe n tare tonbeha digilom la bugum laahe la Saraa poan kolehe la bɔ'pooren kolehe la n wan yula sɛla poan la. 51Naba Solomon n tom Na'ayenɛ Yire la tooma zan'an ba'ahɛ la, a tare la lɔgɔseto te a sɔ David dekɛ tɔ bo Na'ayenɛ, te to dɛna sanlenpeelega la sanlema la lɔgɔseto woo n daa dekɛ bo Na'ayenɛ la na biŋe lɔgɔrɔ deo la poan, Na'ayenɛ Yire la poan.

will be added

X\