1 Korẽntɩ 16

1Nananawa, yan wan eŋɛ se'em lagahɛ ligiri soŋɛ Na'ayenɛ nɛresɛba n bo Yerusalem teŋa poan la se'em n wana. La sontii ya eŋɛ mam n daa yele lagaŋseto n dole Yesu sore bɔna Galatia teŋa poan te ba eŋɛ se'em la. N daa yeti, 2Alaherɛ daarɛ han ne paɛ, la sontii nɛra woo yehe Na'ayenɛ n soŋɛ en te a nyɛ' ligiri se'em biŋe. Bala, te n han ta wa'ana, la ka le de'a te ya lagahɛ ligiri la te n to'e. 3N han wa'ana, n wan tom boraa sese'ehe te yamam mea loe na. N me wan bo ba gɔŋɔ na yɛta ban de sɛba la sɛba. Ba han wa'ana, ba wan to'e ya bo'olom la tare keŋɛ Yerusalem teŋa poan. 4Ge la han ta nara te n lagom keŋɛ bini, ba yi wan doohe mam te to keŋɛ. 5Ge n wan keŋɛ la Makedonia teŋa poan yia gee nya wa'ana behɛ ya. Se'ere n sɔe la, n yete n doohe la Makedonia teŋa poan wa'ana. 6Ge n han wa'ana, daanse'ere n wan bɔna la ya ɔɔrɔ dabeha la woo. N han bɔna bala, gee ta togoha zen'sɛka n nare n keŋɛ, ya soŋɛ mam te n keŋɛ. 7Mam ka bote n yenzuo doohe na behɛ ya gee tɔla. To Daana Na'ayenɛ han bo ɔ sore, n tɛn'ɛhe te n bɔna la ya dabeha zo'e zo'e. 8Ge, n wan yee Epesus teŋa wa poan te Dapihinuu Daarɛ ta paɛ. 9Se'ere n sɔe la, Na'ayenɛ naam sore bɔ'ɔra mam kalam te n tom toonɛ. Sɛba n ka sakɛ bo mam n yete sɛla la zo'e zo'e bo kalam mɛ. 10Ge Timoti yaɛ han wa'an ya zen'en na, ya kpe'eŋe ya mea gee to'e en soŋa soŋa. Se'ere n sɔe la, a me tone bɔ'ɔra la to Daana Na'ayenɛ wo mam n tone se'em la. 11La ka sontii ya se'em behɛ en yoo. Ge, ya ton soŋɛ en te a keŋɛ a kinɛ mea la sunma'ahom la a ta'an lebe n zen'en na. Se'ere n sɔe la, n gure en mɛ te a lagom doohe sɔɔnrɔ basɛba lebena. 12Tɔ. Nananawa, han de'a to sɔɔn Apolos yele la, mam daa yele en la ninmɔ'ɔrɛ te a doohe la sɔɔnrɔ basɛba la wa'an na behɛ ya. Ge a nan ka eŋɛ a potɛn'ɛrɛ te a wa'an nananawa na. A han nyɛ' nɛŋa, a wan wa'ana. 13De ya sɛba n kan gin'iha, gee me sɛ' ya ze'ele mɛ soŋa soŋa ya sakerɛ Yesu sore dɔlɔga la poan. Tare ya sunkpe'eŋɔ gee me gorɛ ya yelesoma la kaŋkaŋɛ. 14Tone ya ya tooma woo la nɔŋerɛ. 15Ya mɛhe mi' sɛla yɛhera Stepanas la a yiredoma yele. Bama n de Greek teŋa nɛreba yia te ba sakɛ bo Yesu. Ba dekɛ ba mɛhe mɛ kɔ'ɔn tona bɔ'ɔra Na'ayenɛ nɛreba. Bala, n bene ya mɛ n sɔɔnrɔ wa, 16te ya bɔ'ɔra nɛreba wo nɛrebama wa sɛba n lagom la ba tona la na'ahegɔ. 17Ge n poorɛ daa pee mɛ la Stepanas, la Fortunatus, la Akaikus n daa wa'ana la. Se'ere n sɔe la, ba soŋɛ mam yamam wan bone soŋɛ mam se'em la. 18Ba bahɛ mam te n tare popeelom wo ban daa bahɛ te yamam me tara popeelom se'em la. Bala, nɛrebana taaba ka nare ho tamɛ ba yele. 19Lagaŋseto n dole Yesu sore bɔna teŋse'ehe n bo Asia teŋa po'ohere ya na. Akuila, la Prisila, la lagaŋseko n dole Yesu sore gee po'oha ba yire poan la me po'ohere ya na wo sɔɔnrɔ la taaba la. 20To sɔɔnrɔ la woo n bo kalam la po'ohere ya na. 21Mam mea n golehɛ kona wa. Mam Paul po'ohere ya na. 22Ge hon se'em n ka nɔŋɛ to Daana Na'ayenɛ, a wan kan' kan'be'o bo ho. Wa'ana to Daana Na'ayenɛ. 23To Daana Yesu wan eŋɛ ya som. 24Ge mam nɔŋɛ ya zanwaabe mɛ. Se'ere n sɔe la, to waabe dole la Yesu.

will be added

X\