1 Korẽntɩ 13

1A dela n han pon ta'ana tɔgɔra nɛresaaleba yetɔgom buuri buuri bii nya Na'ayenɛ soŋoreba n tɔgɔre se'em gee ka tara nɔŋerɛ, n yetɔgom la yi ana wo gulugo, bii lumenɛ te ba ŋmɛ'ɛra vɔɔla se'em la. 2N me ta'an tara bo'olom sebo n de n mɔɔla Na'ayenɛ yetɔgom, bii n kelom ta'an mina sɛla woo gee bɔkera yelese'ere woo n bo te nɛra se'em ka mina. N kelom ta'an le naam Na'ayenɛ zo'e zo'e te n han pon yele zoore te de vuruge de wan vuruge. N ta'an eŋɛ yele ana wa woo, ge n han ka tara nɔŋerɛ, n dagɛ sɛsɛla la fiin me. 3N ta'an me kelom dekɛ sɛla woo te n tara bo nɛreba, bii n dekɛ n mea tehɛ te ba nyɔ' la bugum. Ge, n han ka tara nɔŋerɛ, la dela yoo bo mam. 4Se'em n tare nɔŋerɛ tare la suguru la etesoŋɔ. A ka nyuune la nɛreba, bii a wakera, bii a zɛnkera a mea. 5A na'aha nɛreba bii dagɛna ponya'andaana bii a ka tare sunsunyiim tɔtɔ tɔtɔ bii a ka kaalɛ nɛreba tuure. 6A ka tara popeelom la sɛla n de be'em, ge a ton tara la popeelom la sɛla n de yelemɛŋɛrɛ. 7Se'em n tare nɔŋerɛ, dite suguru bɔ'ɔra sɛba n tom en be'em mɛ. A me kɔ'ɔn sɛ' ze'ele mɛ soŋa soŋa Yesu sore dɔlɔga la poan. A kɔ'ɔn din'inhe suunre gura sɛla te a sakɛ bo la mɛ, gee me kan koŋe a tara suguru. 8Nɔŋerɛ kɔ'ɔn bɔna la bala wuuha. Nɛreba basɛba boe te Na'ayenɛ bo ba bo'olom sebo te ba sɔlena sɛla la sɛla n wan eŋɛ. Ge, bala kan bɔna wuuha. Basɛba me boe ta'an tɔgɔra yetɔgom buuri buuri, ge ba kan eta bala wuuha. Nɛresaala mi'ilom me kan bɔna bala wuuha. 9To ka mi' sɛla woo zan'an zan'an, gee me ka sɔlena sɛla la sɛla n wan eŋɛ zan'an zan'an. 10Ge, sɛla woo han ta bɔna, yelese'ere kan le ta bɔna pa'ahɛ. 11Ge mam daa nan de bia la, n yetɔgom, la n etegɔ, la n tɛn'ɛhegɔ daa ane me wo bia la. Ge, mam n nya de bonkotɛ wa, n ka le eta wo n dela bia la. 12Ge sɛla te to nyɛta nananawa, ane wo beheŋa te nɛreba beha ka nyɛta soŋa soŋa se'em la. Ge to wan nyɛ' taaba la nini. Sɛla te n mina nananawa, yenzuo de'a la fiin wa. Ge, n wan ta mina zan'an zan'an wo mam kɔ'ɔn mina Na'ayenɛ yɛla se'em wa. 13Ge nananawa, yele ana atan' wa n de sɛla n boe wuuha. Yele ana wa dela ho sɛ' ze'ele soŋa soŋa Yesu sore dɔlɔga la poan, la ho tara ho suunre poan te sɛla te ho sakɛ bo la wan seren eŋɛ. Yelese'ere n pa'ahɛ botan' la dela nɔŋerɛ. Ge, ba batan' la woo poan, nɔŋerɛ n de sɛla n gane.

will be added

X\