1 Yelebiŋ'a 9

1Ba yuun golehɛ Israeldoma wa kanlɛ pa'ahɛ la Israel naba gɔnɔ la poan. Ba wa vaɛ Yudadoma mɛ keŋɛ Babilon te ba ta dɛna yamehe ba be'em la zuo. 2Sɛba n lebe yia na ba sɔ'ɔlom la poan dela Israeldoma basɛba la malemadoma la Levidoma basɛba la Yenɛ Yire tontoneba basɛba. 3Bama basɛba yehe Yuda la Benyamin la Epriam la Manase ge kɛn'ɛre Yerusalem teŋkantɛ. 4Ba ayema dela Utai se'em sɔ n de Ammihud se'em sɔ n de Omri se'em sɔ n de Imri se'em sɔ n de Bani se'em sɔ n de Perez se'em sɔ n de Yuda. 5Silondoma dɛna Asaiah n de bikeema la a dayɔɔhe. 6Zeradoma dɛna Yeuel. Ba sɔɔnrɔ dɛna kɔbehe seyoobe la pihiwae' (690). 7Benyamindoma dɛna Sallu se'em sɔ n dela Mesulam se'em sɔ n de Hodavia se'em sɔ n de Hasenua la 8Ibneiah se'em sɔ n de Yeroham la Elah se'em sɔ n de Uzi se'em sɔ n de Mikri la Mesulam se'em sɔ n de Sepatia se'em sɔ n de Aruel se'em sɔ n de Ibniya. 9Ba sɔɔnrɔ kanlɛ dɛna kɔbehe sewae' la pihinuu la ayoobe (956) te ba dela yizuto keendoma. 10Malemadoma la dɛna Yedaiah la Yehoiarib la Yakin la 11Azaria se'em sɔ n de Hilkia se'em sɔ n de Mesulam se'em sɔ n de Zadok se'em sɔ n de Meraiot se'em sɔ n de Ahitub n dɛna kpɛ'ɛma Yenɛ yire la poan la 12Adaiah se'em sɔ n de Yeroham se'em sɔ n de Pasur se'em sɔ n de Malkiya la Maasai se'em n sɔ n de Adiel se'em sɔ n de Yazera se'em sɔ n de Mesulam se'em sɔ n de Mesilemit se'em sɔ n de Imer. 13Ba sɔɔnrɔ zan'an dela tuhure la kɔbehe seyopɔe la pihiyoobe (1760). Ba tom Yenɛ yire la poan tooma. 14Levidoma dɛna Semaiah se'em sɔ n de Hasub se'em sɔ n de Azrikam se'em sɔ n de Hasabia n de Merari nɛra la 15Bakbakar la Heres la Galal la Matania se'em sɔ n de Mika se'em sɔ n de Zikri se'em sɔ n de Asap la 16Obadia se'em sɔ n de Semaiah se'em sɔ n de Galal se'em sɔ n de Yedutun la Berekia se'em sɔ n de Asa se'em sɔ n de Elkana n kɛn'ɛre Netopa teŋbibihe la poan la. 17Yenɛ yire zanɔɔrɛ guruba n wana: Salum la Akub la Talmon la Ahiman la ba sɔɔnrɔ. Te Salum dɛna ba zuodaana 18n gure Naba Koleŋa sɛka n lebehe dapɔya bɔba la zina. Guruba wa me dɛna Levidoma yaahe. 19Salum n sɔ dɛna Kore n sɔ dɛna Ebiasap n sɔ dɛna Kora la a Kohatdoma taaba n gure toolom zen'an nɔɔrɛ la wo ba sɔyaabdoma n yuun pon gura Yenɛ yire la se'em la. 20Pinehas n sɔ dɛna Eleazar yuun de ba zuodaana ge Na'ayenɛ n daa bo la en. 21Meselemia dayɔa Zekaria daa gura la Sogorɛ nɔɔrɛ. 22Te guruba la zan'an de'a kɔbehe seyi' la pia la bayi' (212). Ba golehɛ ba yizuto teŋhe teŋhe ge kanlɛ ba. David la nɔtɔgɔha Samuel loohe bo ba toon denɛ. 23Bana la ba yaahe n sɔe Na'ayenɛ yire n de Sogorɛ nɔya wa guruba. 24Guruba wa gure la loga anaahe la zan'an, zuɔ la gɔbega la nɛŋa la pooren. 25Ba sɔɔnrɔ sɛba n soŋore ba kɛn'ɛre la teŋbibihe la poan ne wa'ana sɔe ba dabeha ayopɔe daarɛ woo. 26Levidoma banaahe dɛna guruba nɛŋadoma, te Yenɛ toolom zen'an la lɔgɔrɔ la zan'an bona ba nu'uhen. 27Yu'uŋɔ bama gan' kae yenɛ yire la mum. Se'ere n sɔe la bama n gure nayaŋa la yu'ura bolika woo. 28Bama basɛba kɔ'ɔn sɔna Yenɛ Yire lɔgɔrɔ wa la ba kanlɛ to han yeha la to han kɛn'ɛra na. 29Bama basɛba me sɔna lɔgɔtona behera toolom lɔgɔrɔ la kogohe la zom somɔ la daam la kaam la ko'ɛnka la nyɛga n boe Yenɛ Yire la. 30Malemadoma basɛba n daa gɛrekere nyɛga wa. 31Levidoma ayema Matitia n de Kora nɛra Salum dayɔkeema wa n daa kɔ'ɔn sɔna kaanbegɔ boroboro wa maala. 32Kohatdoma basɛba me n daa sɔe Vo'ohogo Daarɛ toolom boroboro la me maala. 33Yoon yooneba la Levi yizuto keendoma wa yuum kɛn'ɛre la deto n boe Yenɛ Yire la poan. Se'ere n sɔe bama toonɛ kɔ'ɔn dɛna bolika la yu'uŋɔ. 34Nɛrebana zan'an dela Levi yizuto keendoma la tuunhom yuum kɛn'ɛra la Yerusalem teŋkantɛ la poan. 35Gibeon sɔ Yeiel wa kɛn'ɛre la Gibeon poan te Maaka daa dɛna a pɔga. 36A dayɔkeema dɛna Abdon tagalɛ Zur la Kis la Baal la Ner la Nadab la 37Gedor la Ahio la Zekaria la Miklot. 38Miklot n de Simeam sɔ, ge ba kɛn'ɛra lɛm ba sɔɔnrɔ Yerusalem poan. 39Te Ner dayɔa de'a Kis, te Kis dayɔa de'a Saul. Saul dayɔɔhe dɛna Yonatan la Malki Sua la Abinadab la Es Baal. 40Yonatan dayɔa dena Merib Baal, te Merib Baal dayɔa de'a Mikah. 41Mikah dayɔɔhe dɛna Piton la Melek la Tarea la Ahaz. 42Te Ahaz dayɔa de'a Yada, te Yada dayɔɔhe dɛna Alemet la Azmavet la Zimri. Te Zimri dayɔa de'a Moza. 43Te Moza dayɔa de'a Binea. Binea dayɔa de'a Arepaiah. Arepaiah dayɔa de'a Eleasa. Eleasa dayɔa de'a Azel. 44Te Azel tara dayɔɔhe seyoobe. Ba yu'ura n wana Azrikam la Bokeru la Ismael la Searia la Obadia la Hanan. Azel dayɔɔhe n bala.

will be added

X\