1 Yelebiŋ'a 5

1Israel dayɔkeema Areuben gan'are mɛ la a sɔ pɔga. Bala zuo la a ganlom a kenɔ la mɛ, te kenɔ la nya keŋɛ Yosef zen'an. 2Ge Yuda n daa tole nɛŋa a sɔɔnrɔ la zan'an, te nɛŋadaana ayema ze'ele la a yizuo la poan na ge bala zan'an la Yosef n daa to'e kenɔ la dena nɛŋadaana. 3Areuben, Israel dayɔkeema wa, dayɔɔhe n wana: Hanok la Palu la Hezron la Karmi. 4Yoel yaahe dɛna Semaiah la a dayɔa Gog la a dayɔa Simei la 5a dayɔa Mikah la a dayɔa Areaiah la a dayɔa Baal la 6a dayɔa Beera te Asiria naba Tiglat Pileser yuun tare en keŋɛ te a de'a yameŋa. Beera daa dela Areubendoma nɛŋadaana. 7A sɔɔnrɔ yizuto la ba kan'alɛ dɛna la nɛŋadaana Yeiel la Zekaria la 8Bela n de Azaz dayɔa n de Sema dayɔa n de Yoel dayɔa. Ba kɛn'ɛra Aroer ta paɛ Nebo la Baal Meon teŋhe. 9Te ba dunhe la yeregɛ Gilead teŋa la poan gaŋɛ, te ba keŋɛ kɛn' mɔen, paɛ Euprates Kolaa la bɔba. 10Saul na'am saŋa la poan te ba tɛn' pɛɛma la Hagridoma, nyaŋɛ ba ge to'e Gilead teŋa la zan'an n boe dapɔya la kɛn'ɛra. 11Gaddoma wa me so'e Basan ta ta' la Saleka teŋhe n boe ba nɛŋan la kɛn'ɛra. 12Yoel daa de ba naba la Sapam la Yanai la Sapat n soe Basan teŋa. 13Ba sɔɔnrɔ yizuto dela Mikael la Mesulam la Sheba la Yorai la Yakan la Zia la Eber, bayopɔe. 14Bana dela Abihail dayɔɔhe se'em sɔ dela Huri se'em sɔ dela Yaroa se'em sɔ dela Gilead se'em sɔ dela Mikael se'em sɔ dela Yesisai se'em sɔ dela Yado se'em sɔ dela Buz. 15Ahi se'em sɔ dela Abdiel se'em sɔ dela Guni dɛna ba yire la zuodaana. 16Gaddoma n kɛn'ɛra Gilead la Basan ta ta' la Saron teŋhe bɔn'ɔrɔ. 17Yuda Naba Yotam la Israel Naba Yeroboam na'am saŋa te ba golehɛ ba buuri wa kan'alɛ. 18Areubendoma la Gaddoma la Manasedoma yizuo deyema tare tuha pihinaahe la senaahe la kɔbehe seyopɔe la pihiyoobe kansaŋehe se'ehe n yuun tɛn' pɛɛntɛɛnrɛ la n bala. 19Ba tɛn' pɛɛma la Hagridoma la Yeturdoma la Napisdoma la Nodabdoma. 20Pɛɛntɛɛnreba wa nam Na'ayenɛ ge kaahe yi Na'ayenɛ ba zaba wa poan, te a soŋe ba te ba nyaŋɛ Hagridoma la mɛ. 21Ba to'e Hagridoma dunhe la yogoma tuha kɔbehe pihinuu la piihe tuha kɔbehe seyi' la pihinuu la bonhe tuha ayi' la nɛreba tuha kɔbega. 22Te ba ki' kekeko. Se'ere n sɔe la zaberɛ la yuun dela Na'ayenɛ zaberɛ. Te ba kɛn'ɛra bini ta paɛ saŋsɛka te ba nyoŋɛ ba yɛhe teŋa la poan. 23Basan la Baal Hermon n dela Senir ta ta' la Hermon Zoore la zan'an dela Manase kɔma kekeko denɛ. 24Ba yizuto keendoma n wana: Eper la Isi la Eliel la Azriel la Yeremia la Hodavia la Yadiel. Nɛrezureba la pan'ahedoma mea n bala 25Te ba tom be'em Yenɛ nɛŋan lebe ta vaɛ baga se'a te Na'ayenɛ sagom teŋa la poan la kaanbera. 26Te Israel Yenɛ wa gbirige Asiria naba Pul Tiglat Pileser sunsunya te a nyaŋɛ Areubendoma la Gaddoma la Manasedoma yizuo koyema tare ba ta kɛn'ɛhɛ teŋsena poan: Hala la Habor la Hara la Gozan Kolaa la bɔba. Te ba dɛna yamehe ta paɛ zina.

will be added

X\