1 Yelebiŋ'a 27

1Nɛra woo n tone bɔ'ɔra naba n wana. Ŋmarega kayema ne poan woo, nɛreba tuha pihiyi' la banaahe tone bɔ'ɔra en. Ba dela yizuto keendoma la zaba nɛŋadoma n behera pɛɛntɛɛnreba tuha bii kɔbega la naba la kpɛ'ɛndoma. 2Yia ŋmarega la, Zabdiel dayɔa Yasobeam n de nɛŋadaana tara pɛɛntɛɛnreba tuha pihiyi' la anaahe. 3A dela Perez yaaŋa ge behɛ pɛɛntɛɛnreba la zan'an yia ŋmarega la. 4Yi'i ŋmarega la, Aho boraa Dodai n de nɛŋadaana te Miklot soŋe en, me tara pɛɛntɛɛnreba tuha pihiyi' la anaahe. 5Atan' ŋmarega poan, malemadaana Yehoiada dayɔa Benaiah n de nɛŋadaana tara pɛɛntɛɛnreba tuha pihiyi' la anaahe. 6En de pɛɛntɛɛnreba pihitan' la poan nɛŋadaana la. Te a dayɔa de Amizabad. 7Anaahe ŋmarega poan, Yoab sɔnɔ Asahel dayɔa n de nɛŋadaana te a dayɔa Zebadia n wa sɔe en, te a tara pɛɛntɛɛnreba tuha pihiyi' la anaahe. 8Anuu ŋmarega poan, Izra boraa Samhut n de nɛŋadaana tara pɛɛntɛɛnreba tuha pihiyi' la anaahe. 9Seyoobe ŋmarega poan, Tekoa boraa Ikes dayɔa Ira n de nɛŋadaana tara pɛɛntɛɛnreba tuha pihiyi' la anaahe. 10Seyopɔe ŋmarega poan, Pelon boraa Helez n de Epraim nɛra n de nɛŋadaana tara pɛɛntɛɛnreba tuha pihiyi' la anaahe. 11Senii ŋmarega poan, Husat boraa Sibekai n de Zera nɛra n de nɛŋadaana tara pɛɛntɛɛnreba tuha pihiyi' la anaahe. 12Sewae' ŋmarega poan, Anatot boraa Abiezer n de Benyamin nɛra n de nɛŋadaana tara pɛɛntɛɛnreba tuha pihiyi' la anaahe. 13Pia ŋmarega poan, Netopa boraa Maharai n de Zera nɛra n de nɛŋadaana tara pɛɛntɛɛnreba tuha pihiyi' la anaahe. 14Pia la kayema ŋmarega poan, Piraton boraa Benaiah n de Epraim nɛra n de nɛŋadaana tara pɛɛntɛɛnreba tuha pihiyi' la anaahe. 15Pia la seyi' ŋmarega poan, Netopa boraa Heldai n dela Otniel yaaŋa n de nɛŋadaana tara pɛɛntɛɛnreba tuha pihiyi' la anaahe. 16Israel yizuto nɛŋadoma n wana: Zikri dayɔa Eliezer n de Areuben nɛŋadaana la Maaka dayɔa Sepatia dɛna Simeon nɛŋadaana. 17Kemuel dayɔa Hasabia n de Levi nɛŋadaana la Zadok n de nɛŋadaana Aron yaahe la poan. 18David sɔɔn Elihu n de Yuda nɛŋadaana la Mikael dayɔa Omri n de Isakar nɛŋadaana. 19Obadia dayɔa Ismaiah n de Zebulun nɛŋadaana la Azriel dayɔa Yeremot n de Naptali nɛŋadaana. 20Azazia dayɔa Hoshea n de Epraim nɛŋadaana la Pedaiah dayɔa Yoel n de Manase yizuo koyema nɛŋadaana. 21Zekaria dayɔa Ido n de Manase buuri sɛba n boe Gilead la nɛŋadaana la Abner dayɔa Yaasiel n de Benyamin nɛŋadaana. 22Yeroham dayɔa Azarel n de Dan nɛŋadaana. Bana yuun de Israel yizuto nɛŋadoma la. 23David ka wa kaanlɛ yuun pihiyi' sigera na nɛreb. Sɛla n sɔe la Na'ayenɛ mea n wa po'olɛ a nɔɔrɛ te Israeldoma wan zoe woo ŋmarebibihe la. 24Zeruiah bia Yoab n daa kaanlɛ nɛreba la, te Na'ayenɛ dekɛ la too bahɛ Israeldoma zutin, te a gu kaanlegɔ la. Bala la ba ka wa kanlɛ nɛreba zan'an la eŋɛ Naba David yelebiŋ'a gɔŋɔ la poan. 25Adiel dayɔa Azmavet n daa sɔna bama beha naba lɔgɔrɔ deto la, te Uzia dayɔa Yonatan kɔ'ɔn sɔna lɔgɔkanra deto la soka lilihego deto la zan'an beha. 26Kelub dayɔa Ezri me sɔna beha va'am tontona la zan'an. 27Aramah boraa Simei n daa sɔna tiihe wɔla vatɔ beha, te Sepam boraa Zabdi me sɔna tiihe wɔla daam la zan'an behera. 28Geder boraa Baal Hanan n sɔna tan'ama la kenkaŋa tiihe la n boe zoore bɔba me beha, te Yoas me kɔ'ɔn sɔna tiihe kaam la zan'an behera. 29Saron boraa Sitrai daa sɔe nii la zan'an n boe Saron peelom la beha, te Adlai dayɔa Sapat sɔna nii sɛba te ba dekɛ bahɛ bɔn'ɔrɔ la poan beha. 30Ismael boraa Obil n sɔe yogoma la beha, te Meronot boraa Medeiah n sɔe bonhe. 31Hagri boraa Yaziz n daa sɔe piihe la boohe beha. Bama la zan'an n de kpɛ'ɛndoma beha Naba David lɔgɔrɔ. 32David aanhema Yonatan daa dela ka'ana la yamdaana, ge dɛna gɔŋgoloha. Hakmoni dayɔa Yehiel n sɔe naba kɔma la behera. 33Ahitopel dela naba la ka'ana ge te Arkdoma boraa Husai wa dɛna naba la zɔ. 34Benaiah dayɔa Yehoiada la Abiatar n yuun sɔe Ahitopel na'arɛ. Te Yoab me dɛna naba pɛɛntɛɛnreba la nɛŋadaana.

will be added

X\